یونان

یونان
Hellenic Republic
Ελληνική Δημοκρατία

چنڈا	نشان
راجگڑھ:	ایتھنز
تھاں:	131,990 مربع کلومیٹر
لوک گنتی:	11,305,118
کرنسی:	یورو
بولی:	یونانی

یونان (Greece) دکھنی چڑھدے یورپ دا اک دیس ہے جیہڑا بلقان دے تھلے وس رہیا ہے۔ یونان دی جوہ اتر چ بلغاریہ البانیا اتے مقدونیہ نال رلدی ہے اَتے ترکی ایہدے چڑھدے پاسے جے۔ایجیئن سمندر ایہدے چڑھدے اتے دکھن چ ہے۔ بحیرہ ایونی ایہدے لہندے پاسے تے دکھن ول رومی سمندر ہے۔

اج دا یونان اپنیاں جڑاں لئی پرانے یونان ول ویکھدا ہے۔ پرانے یونان نوں نویں یورپی رہتل دے جمن دی تھاں وی کہیا جاندا ہے جتھے لوک راج، فلاسفی اولمپک کھیڈاں ساہت اَتے ڈراما ٹریا۔ یونان یورپی یونین اتے نیٹو دا سنگی ہے۔

تریخ

جغرافیہ

یونان دا 80٪ تھاں پہاڑی ہے۔ ایہہ اک جزیرے ورگا دیس ہے۔ ایہدے سمندری کنڈھے دی لمبائی 13,676 کلومیٹر / 8498 میل ہے۔ ایہدی زمینی ولگن 1,160 کلومیٹر / 721 میل ہے۔ اولمپس پہاڑ جس دی اچائی 2917 میٹر / 9570 فٹ ہے، یونان چ سب توں اچی تھاں ہے۔

یونان چ بوہت سارے جزیرے نیں وکھریاں حساباں نال ایہناں دی گنتی 1200 توں 6000 دے وشکار ہے۔ ایہناں وچوں 227 وس رہے نیں۔ سب توں وڈا جزیرہ کریٹ ہے ایس دے مگروں یوبویا، رہوڈوس اتے لسبوس آؤندے نیں۔