آسمان
اَسمان ، فلک ، گگّن ، امبر ، آکاش ، (انگریزی: Sky) ، خلا دا وکھ اے جو کِسے وی فلکیاتی جسم دی پدھّر توں نظر آوندا اے ۔ کئی کارناں دی بنا تے ایہدی صحیح تعریف ممکن نئیں ۔ زمین توں آسمان، ہوا دا سورج دی روشنی نوں منتشر کرن دی وجہ توں دِن دے ویلے گُوڑھا نیلا نظر آوندا اے ۔ رات دے وقت ایہہ کالا نظر آوندا اے کیوںکہ سورج دی روشنی نہی ہُندی ۔
رنگ دی وجہ
[سودھو]چِٹی روشنی حقیقت وچ سَت رنگاں دا مرکب ہُندی اے یعݨی لال، کھٹا، پیلا، ہرا، نیلا، کاہی تے جامنی ۔ ایہ اوہی رنگ نیں جو دھُنک وچ نظر آوندے نیں ۔ جَدوں ایہ رنگ آپس وچ مل جاندے نیں تاں چٹا رنگ بَݨ جاندا اے ۔
سورج دی روشنی وی ایہناں ای سَت رنگاں اُتے مُشتمل اے ۔ ایہی وجہ اے کہ جَدوں روشنی شیشے یا صاف پاݨی اُتے پیندی اے تاں انعطاف دی وجہ نال ستوں رنگ وکھرے وکھرے نظر آوندے نیں ۔
فضا وچ بے شمار نِکّے نکے ذرّے ہر ویلے موجود رہندے نیں ۔ گرد دے ایہ ذرات کچھ تاں زمین دی ای پیداوار ہُندے نیں تے کچھ خلا دے وی ہُندے نیں ۔ جَداں سورج دیاں کِرناں ایہناں ذرےآں اُتے پیندیاں نیں تاں نیلے رنگ دیاں شعاعیں ایہناں نال ٹکر کے دوسرے رنگاں دی نِسبت زیادہ تعداد وچ نِکلدیاں نیں ۔ جیہدی وجہ تُوں آسمان نیلا وکھائی دیندا اے۔
