اعزاز احمد آذر

اعزاز احمد آذر
جنمستھان :	بٹالا، پنجاب
جمݨ ورھا :	1942
مرن دیہاڑ :	16 مئی 2015
مرنستھان :	لہور
تعلیم :	ایم اے پنجابی، لاء، سیاسیات
مادر علمی :	پنجاب یونیورسٹی
کھیتر :	لکھاری، شاعر
صنفاں :	غزل، نظم، نعت
اعزاز :	گولڈ میڈل

اعزاز احمد آذر پنجاب پاکستان دے پنجابی تے اردو شاعر تے لکھاری سن ۔ اوہناں دے دوست اوہناں نوں مذاق نال آذربائیجان (آذر بھائی جان) کہندے سن ۔

جیون

اعزاز احمد آذر 1942 وچ بٹالا، پنجاب وچ جمے ۔ اوہناں نے پنجاب یونیورسٹی لہور سے توں بیچلر آف لاء دی ڈگری حاصل کیتی ۔ بعد وچ پنجابی وچ ماسٹر ڈگری حاصل کیتی تے اوہناں نوں گولڈ میڈل نال نوازیا گیا ۔

ادبی خدمات

اعزاز نے شاعری دیاں دس توں سولا کتاباں لکھیاں ، جیہناں وچ غزلاں، نظماں تے صوفی عقیدت دے متعلق نظماں تے معاشرتی امور اُپر کئی ہور کتاباں شامل نیں ۔

اعزاز نے اپݨی شاعری دی شروعات غزلاں تے نظماں نال کیتی سی ۔ اوہناں دی شاعری وچ محبت ، معاشرتی تے ہور شعری اظہار مرکزی موضوعات سن ۔ اوہناں دی مشہور شاعری وچ دھیان کی سیڑھیاں تے دھوپ کا رنگ گلابی ہو شامل نیں ۔ اوہناں نے قرآن مجید دی سورت یاسین دا پنجابی وچ ترجما کرن دا سہرا وی حاصل کیتا اے ۔ اعزاز نے نیاݨےآں دی شاعری وچ وی اپݨا کردار ادا کیتا اے تے دو نظماں (تتلی) اور (پھول اور چاند) دے ناں نال تصنیف کیتیاں جیہڑیاں بعد وچ ریڈیو پاکستان نے نشر کیتیاں ۔

اوہناں نے روشنی مثال دے ناں نال اک کتاب وی لکھی ، جیہدے وچ صوفی عقیدت دے نال نال دینی نظماں ، حمد ، نعتاں ، منقبت تے کافیاں تے مشتمل اے ۔