پنچھی پنجرا

پنچھی پنجرا (Birdcage) اک پنجرا اے جو پنچھیاں نوں پالتو جانور دے طور تے رکھݨ لئی ڈیزائن کیتا گیا اے۔

قدیم (antique) یا قدیم طرز دے پنچھی پنجرے اکثر جمع کرن آݪیاں دیاں چیزاں (collectors' items) یا گھریلو سجاوٹ دے طور تے مقبول ہُندے نیں لیکن زیادہ تر زندہ پنچھیاں دی رہائش لئی موزوں نئیں ہُندے، بہت چھوٹے، نامناسب شکل، غیر محفوظ مواد یا تعمیرات دا استعمال کردے ہوئے پالتو پنچھیاں لئی لمبے، چنگے معیار دے پنجرے زیادہ موزوں نیں۔

پنجاب وچ موراں تے کُکڑاں دے ڈالے یا کُھڈے، کبوتراں دے کُھڈے یا کابک وی پنچھی پنجرےآں دیاں قِسماں نیں۔ چھوٹے پنجرے عمومن چڑیاں، شیرکاں، طوطے، گُھگیاں، شکرے یا بٹیرے رکھݨ لئی ورتے جاندے نیں۔

بناوٹ

عام طور تے پنچھی جِنا وڈا تے جِنا زیادہ فعال ہووے، اونا ای وڈا پنجرا استعمال کرنا چاہیدا اے۔ پنچھی روزانا پنجرے وچ کِنا وقت گزارو گا ایہ وی اک عنصر اے۔ اک پنچھی جو زیادہ تر وقت پنجرے وچ بند ہُندا اے اوہنوں اپݨے حجم توں واہوا زیادہ جگہ درکار ہُندی اے۔

کچھ پنچھیاں دی خصوصی ضروریات ہُندیاں نیں۔ را طوطے، کوکاٹیل تے ایمازون طوطے لئی اُفقی سلاخاں نوں ترجیح دِتی جاندی اے کیونکہ اوہ چڑھݨا پسند کردے نیں۔ گَڈمَڈ تے بے ترتیب کھاݨ آݪیاں دے کوݪ کھاݨا پھڑن لئی سیڈ سکرٹ ہوݨا چاہیدا اے۔ افزائش نسل آݪے پنچھیاں نوں آݪھݨے یا بریڈنگ باکس تے وڈے سائز دے پنجرے دی لوڑ پے سکدی اے۔ سمارٹ پنچھیاں، جِداں طوطے تے کاں نوں اوہناں دا پتا لاؤݨ توں روکݨ لئی محفوظ لیچنگ میکانِزم دی ضرورت ہُندی اے تے اکثر کھلوݨیاں، چعھولےآں تے پلے سٹینڈز دی ضرورت ہُندی اے تاکہ اوہناں دی تفریح ​​ہُندی رہوے۔ طوطے عام طور تے پنجریاں وچ ٹُکدے نیں، وڈے میکاع، کمزور پنجریاں دیاں سلاخاں نوں اندروں توڑدے نیں۔ زنک لیپت (Zinc coated) پنجرے یا چکن تار (Chicken wire) کئی سالاں وچ طوطےآں لئی زہریلے ہو سکدے نیں۔

زیادہ تر طوطےآں دے پنجرے لوہے دے بݨے ہُندے نیں تے ایہنوں اک غیر زہریلے پینٹ ناݪ پینٹ کیتا جاندا اے جیہنوں پاؤڈر کوٹنگ کہیا جاندا اے۔ اک نواں رجحان ٹھوس سٹینلیس سٹیل توں بݨے پنجرے نیں۔ سٹینلیس سٹیل توں بݨے، وڈے طوطے دے پنجرے مہنگے ہُندے نیں لیکن ایہ پاؤڈر لیپت آݪے پنجرے توں 5 توں 6 گُݨا زیادہ دیرپا ہُندے نیں۔ پِنجریاں دی تیاری لئی استعمال ہوݨ آݪا مواد قیمت نوں بہت متاثر کردا اے۔ اگرچے چھوٹے پنجرے نِسبتن سستے ہُندے نیں، لیکن وڈے طوطے دے سائز دے پنجرے ایویئیری (aviary) توں زیادہ مہنگے ہُندے نیں۔

تریخ

پنچھیاں دیاں پنجریاں دا قدیم میسوپوٹیمیا، مصر، فارس، یونان، روم، چین، برصغیر پاک و ہند، بابل تے بہت سارے ہور کئی مُلکاں وچ ابتدائی استعمال دیکھیا گیا اے۔ اس وقت دے دوران پنچھیاں نوں اکثر مذہبی یا علامتی وجوہات دی بناء اُتے رکھیا جاندا سی، لیکن ایہ دولت تے اشرافیہ ای علامت وی سی، جِداں افریقی پنچھی رومن کورٹس (Roman courts) وچ درآمد کیتے جاندے سی۔ ایہ رجحان یورپ وچ جاری رہیا جد پرتگال نے 16 ویں صدی وچ کینریز نوں واپس لیاندا۔ غیر ملکی پنچھیاں دی تجارت کافی منافع بخش بݨ گئی، کچھ پنچھی اپݨے وزن دے برابر سونے وچ فروخت ہورہے سی۔ قید پنچھی بہت زیادہ حیثیت دی علامت سی تے اوہناں نوں بادشاہت ولوں خصوصی سرپرستی دے ناݪ مغربی یورپ پَعھر وچ امیر گھرانیاں تے کورٹس وچ رکھیا جاندا سی۔ 18ویں تے 19ویں صدی پنچھیاں دے پنجرےآں دے حوالے ناݪ تخلیقی صلاحیتاں دا اک قابل ذکر دور سی۔ اثرات چین توں لے کے گوتھک یورپ تک سی۔ شاید پنچھی پالݨ دا عروج وکٹوریئن دور وچ آیا سی۔ ڈیزائن تے مُنفرد مواد وچ نویں ​​ایجادات نے پنچھیاں نوں پالݨ دا جنون پیدا کیتا۔ نوآبادیاتی امریکا وچ وی آباد کاراں نے پنچھیاں نوں لکڑی یا بانس دے پنجریاں وچ رکھیا۔ 1874 وچ اینڈریو بی ہینڈریکس کمپنی (جیہنوں اس وقت ہینڈریکس اینڈ بارتھولومیو کہیا جاندا سی) امریکا وچ قائم ہوئی تے ہارٹز ماؤنٹین وچ فیشن ایبل پنچھیاں دے پِنجرے بݨاؤݨ آݪی کمپنی وچ شامل ہوئی۔ جِداں کہ آرٹ ڈیکو تے آرٹس اینڈ کرافٹس دی تحریک 1900 دی دہائی دے اوائل وچ شروع ہوئی، پنچھیاں دے پنجرے دے ڈیزائن نے عام طور تے مشرقی طرز دے لٹکدے پنجریاں دے ناݪ رجحان دی عکاسی کیتی۔ انداز وچ اگلی وڈی تبدیلی جوہری دور وچ ہوئی، جَد پلاسٹک، پنجریاں دی وڈے پیمانے اُتے پیداوار وچ اہم مواد بَݨ گیا۔ آہستا آہستا، لوہے تے پلاسٹک دے پنجریاں نے اَج پالتو جانوراں دیاں ہٹیاں وچ پائے جاݨ آݪے وڈے، سِلکی، فولادی پِنجریاں نوں راہ دے دِتا۔

مورتاں

• 
• 
• 
• 
• 
• 
• 
• 

ہور دیکھو

• پنچھی
• پنچھی پڑھت
• متر پنچھی
• آݪھݨا