عثمان

Wikipedia توں
جاؤ: پاندھ, کھوج
عثمان
Map of expansion of Caliphate.svg
جیون 579 - 656
خلافت ویلہ 11 نومبر 644 - 17 جولائی 656
کم صحابی، خلیفہ

عثمان ابن عفان (579-656) عرب مسلماناں دے تیجے خلیفہ سن۔ اوہ پیفمبر اسلام محمد دے قریبی ساتھی سن۔ اوہ 644 توں 656 تک خلیفہ رۓ۔

جم پل[لکھو]

عثمان عرب دے نگر مکہ دے اک قبیلے قریش دے انگ بنو امیہ دے اک کعر 579 نوں جمیا اودے پیو دا ناں عفان سی جیہڑا کے قریش دے رواج تے ٹردیاں ہویاں کاروبار کردا سی۔ عفان نکی عمرے ای مرگیا تے پتر لئی چنگی جائیداد چھڈی۔ عثمان وی کاروبار چ پے گیا تے مکہ دے پیسے ٹکے والے لوکاں چ گنیا جاندا سی۔ اودی یاری ابوبکر نال سی تے اینج محمد نال وی اودا جوڑ جڑیا۔ 611 چ عثمان کاروبار لئی شام گیا ہویا سی جدوں واپس آیا تے اونوں محمد دے اسلام بارے دس پئی۔ اوہ ابوبکر نال محمد کول گیا تے مسلمان ہوگیا تے اینج وڈے جنیاں چوں اوہ دوجا جنا سی جیہڑا مسلمان ہویا۔ عثمان دے مسلمان ہون تے اودے ساک اودے توں اوکھے ہوۓ اودیاں سوانیاں نے اونوں چھڈدتا تے ایس تے اونے محمد دی تعی رقیہ نال ویاہ کرلیا۔

مسلہ ودن تے عثمان نوں ہور مسلماناں نال مکہ چھڈ کے ایتھوپیا جا وسنا پیا۔ اوتھے عثمان نے کاروبار کرن دا مڈ رکھیا۔ کج چر مگروں دوویں جی مکہ واپس آۓ۔ 622 چ اوہ تے اوناں دی ٹبری مدینہ ہجرت کر جاندے نیں۔

مدینہ چ جیون[لکھو]

مدینہ آ کے عثمان نے کاروبار دا مڈ رکھیا۔ بدر دی لڑائی ویلے اوناں دی ٹبری روگی سی ایس لئی اوہ مدینہ چ ای رۓ۔ بدر دی جت دی جدوں دس آئی تے رفیہ مرگئی سی تے اونوں دبیا جاریا سی۔ احد دی لڑائی مگروں اوناں دا ویاہ محمد دی دوجی تعی کلثوم نال ہویا۔ 627 چ ٹوۓ والی لڑائی چ اوہ مدینہ دے اک پاسے دی چوکیداری کر رۓ سن۔

628 چ محمد مسلماناں نوں لے کے حج لئی مکہ ول آۓ تے عثمان نوں اوناں اپنا سفیر بنا کے مکہ ول ٹوریا جے اوہ صرف حج کرن لئی اۓ نیں۔ مکہ چ عثمان دا رکنا دسے ہوۓ ویلے توں ود گیا تے مسلماناں نوں سوچ آئی جے خبرے عثمان نوں قتل ای ناں کردتا گیا ہوۓ اے سوچ کے محمد نے سارے مسلماناں کولوں سوں کھوائی جے اوہ عثمان دے قتل دا بدلہ لین گے۔ ایس گل نوں بیت رضوان کیندے نیں۔ عثمان نوں چھڈدتا گیا۔ مکہ والیاں نال اک معاہدہ کرلیا گیا۔

629 چ اوہ خیبر والی لڑائی چ گیا۔ فیر ایسے ای ورے محمد نال مکہ عمرہ کرن گیا۔ مکہ دی جت تے ایس مگروں ہون والیاں لڑائیاں اوہ سنگی سن۔ تبوک جان والی فوج چ اوناں نے 1000 دینار 1000 اونٹھ تے کعڑسوار فوج لئی کعوڑے اپنے پلے توں دتے۔ 632 چ اوہ محمد نال اودے انت دے حج چ نال سن۔

ابوبکر دی خلافت[لکھو]

ابوبکر نوں خلیفہ بنایا گیا تے تے عمر مکروں عثمان دوجے بندے سن جناں اوناں دے ہتھ تے بیت کیتی۔ اسلام توں پھرن والیاں لڑائیاں دے ویلے اوہ ابوبکر نال مدینے چ رۓ تے اوناں نوں صلاواں دیندے سن۔ ابوبکر نے اپنے مرن تے عثمان نوں عمر دے خلیفہ بنان بارے کیا۔


عمر دی خلافت[لکھو]

عمر دے خلیفہ بنن تے عثمان پہلا جنا سی جینے اوناں دے ہتھ تے بیت کیتی۔ عمر دی خلافت ویلے عثمان مدینہ چ ای رۓ تے اوناں دے مشیر سن۔


عثمان دا خلافت آسطے چنیا جانا[لکھو]

عمر نے اپنے مرن ویلے چھے لوکاں دی ٹولی بنائی تے اے آکھیا جے ایناں چھیواں چوں ای اگلا خلیفہ چن لیا جاۓ اوہ چھ جنے ای سن:

  • عثمان

عبدالرحمان بن عوف نے ایس چنوتی توں وکھریاں ہوگیا تے ایناں کولوں تے مدینہ دے عام لوکاں کولوں صلاع لئی۔ چوکھے سارے لوکاں نیں عثمان نوں خلیفہ بنن بارے صلاع دتی۔

لڑائیاں[لکھو]

عثمان دے خلیفہ بنن تے عرب فوجاں نے ایران اناطولیہ تے اتلے افریقہ چ لڑائیاں دا سلسلہ جاری رکھیا۔ نويں دیس عرباں ہتھ لگے۔ اوناں دے ویلے سمندری فوج پہلی واری بنائی گئ‏ جینے قبرص تے مل ماریا۔

عثان دے خلاف سازش تے فتل[لکھو]

عثمان اک نرم مزاج انسان سن جیدے توں کج لوکاں نے نجیز فیدا چکدیاں ہوں اونادی سرکار نوں مکان دیاں سازشاں دے نیو رکھی۔ ایناں چ محمد بن ابوبکر تے مالک بن اشتر سن۔ محمد بن ابوبکر نے مصر توں تے مالک بن اشتر نے عراق توں فسادی مدینہ لیا کے جدون مدینہ دے چوکھے سارے لوک حج کرن گۓ سن عثمان دے کعر دا کعیرا کرلیا تے اوناں نوں قتل کردتا۔

مالک بن اشتر علی دے گوڑے یار سن تے محمد بن ابوبکر علی دے مترۓ پتر سن تے اوناں کول ای وڈے ہوۓ سن ایناں نے عثمان دی لاش نوں تن دن تک دبن وی ناں دتا تے فیر علی نوں خلیفہ بنالیا۔ عثمان دا قتل مسلماناں لئی اک وڈا دکھ سی۔ تھوڑے اے چر مگروں اوہ انصاف لئی اٹھ کھذڑے ہوۓ۔


ہور پڑہو[لکھو]