عطارد

Wikipedia توں
جاو: مدد, کھوج
عطاردMercury symbol.svg
Mercury-real color.jpg
سورج توں دوری: 69,816,900 توں 46,001,200 کلومیٹر تک
ریڈیس: 2,439.7 کلومیٹر
وزن: 3.3022×1023 کلوگرام / زمین توں 0.055 گنا وزن
حجم: 6.083×1010 کلومیٹر کیوب
ایکویٹر تے کچھ 3.7 m/s2

عطارد سورجی پربندھ دا پہلا پاندھی اے تے اسدے سب توں نیڑے اے ۔ ایہہ زمین دے مقابلے چ اک چھوٹا پاندھی اے تے اسدی باہرلی پدھر نکے وڈے کھڈےآں ناال بھری ہوئی اے ۔

عطارد نوں سویرے دے ویلے تے شام دے ویلے چ زمین توں ویکھیا جاسکدا اے۔ مگر اے سورج دے ایناں نیڑے اے کہ ایدے چمکدار ہون دے باوجود اینوں لبن چ کافی مشکل ہوندی اے۔ عطارد دا اک ورہ زمین دے 88 دناں دا ہوندا اے۔ عطارد اپنے آپ دے گرد بوت ہولے ہولے کمدا اے جیدی وجہ توں ایدا اک دن زمین دے 58 دناں تے 15 کینٹیاں دے برابر ہوندا اے۔

اندر دی بنتر[لکھو]

عطارد سورجی نظام دے چار وٹیاں توں بنے ہوۓ پاندھی چوں اک اے۔ اے سورجی نظام دا سب توں نکا پاندھی اے تے ایدا رداس 2،439.7 کلومیٹر اے۔ عطارد زحل دے چن ٹائٹن تے مشتری دے چن گینیمیڈ توں وی نکا اے مگر ایناں توں وزن چ ود اے۔ عطارد 70٪ دعاتی اے 30٪ سلیکیٹ دے مواد نال بنیا ہویا اے۔ زمین دے بعد سورجی نظام دا سب توں گوڑا پاندھی عطارد اے۔ زمین دے بوتی کشش ہون دی وجہ توں زمین دی اندرونی کور زرا گوڑی تے نکی اے مگر عطارد دی کشش زمین توں بوت کٹ اے جس دی وجہ توں ایدی کور بوت وڈی اے۔ خلائی گروواں دا اندازہ اے کہ عطارد دی کور ایدے والیوم دا 42٪ اے، جدوں کہ زمین دی کور والیوم دا صرف 17٪ اے۔ عطارد دی کوور دے اتے 500-700 کلومیٹر گہری سلیکیٹ مینٹل دی تہہ اے۔ اس توں اتے عطارد دی کھل اے۔ 1973 چ ناسا نے اک سیٹالائٹ Mariner 10 نوں عطارد دے مدار چ پیجیا جیدے توں پتہ چلیا کہ عطارد دی اتلی کھل 100-300 کلومیٹر موٹی اے۔

عطارد دے اتے سورجی نظام چ سب توں بویاں دعاتاں نیں، اس دی بلکل ٹھیک وجہ تے نئیں پتہ مگر اینوں سمجن لئی کئی تھیوریاں دتیاں گئیاں نیں۔

اتلی پدر[لکھو]

عطارد دی اتلی پدر زمین دے چن توں بوت رلدی اے۔ ایدے اتے بوت زیادہ کھڈے نیں۔ عطارد دے اتے کوئی آتش فشاں وغیرہ نئیں۔ عطارد دے اتے جیڑے کھڈے نیں اس دی وجہ آوارہ ٹٹے تارہ نیں جیڑے ایدے اتے ڈگے تے ایدے اتے کھڈے پے گۓ۔ ارباں ورے پہلاں عطارد اتے آتش فشاں پھٹدے سن جیناں دے لاووے دے ٹرن دی وجہ توں ایدے اتے ہموار زمین اے۔

ہوائی محول[لکھو]

عطارد دی کھل دے اتے دا گرمی ناپ -173 ڈگری سینٹیگریڈ توں 427 تک ہوندا اے۔ اس دی وجہ اے وے کہ عطارد اتے کوئی ہوا نئیں تے اکویٹر تے پولاں دے وشکار گرمی ناپ چ بوت فرق اے۔ دن دے ویلے عطارد اتے دا گرمی ناپ بوت زیادہ ہوندا اے، مگر اس دے نال نال عطارد اتے جمی ہوئی برف وی ویکھی گئی اے۔ عطارد دے پولاں تے برف دے کئی ٹوٹے نیں۔

درجہ حرارت[لکھو]

عطارد دی سطح تے کسے وی قسم دی کوئی فضاء موجود نیں اس لئی دن دے ویلے اس دی سطح دا درجہ حرارت 430 ڈگری سینٹی گریڈ تک جا اپڑ دا اے تے رات نوں ایہہ ڈگ کے 170- تک آ جاندا اے ۔ عطارد دا اک دن زمین دے 88 دناں دے برابر ہندا اے

تریخ[لکھو]

اک امریکی ہوائی جعاز 1970 چ دو واری عطارد دے نیڑے اوں لنگیا پر اودا صرف اکو پاسا ویکھ سکیا۔ اے ای وجہ اے کہ ہلے تکر عطارد دی پوری شکل دی فوٹو نئیں لئی جا سکی۔



زمین، عطارد، زہرہ تے مریخ دا حجم


بارلے جوڑ[لکھو]