ولادیمیر لینن

ولادی میر لینن (22 اپریل 1970ء - 21 جنوری1924) دا پیدائشی ناں ولادیمیر ایلیئچ اولیانوف سی پر اوہ ولادیمیر لینن یا صرف لینن دے ناں نال مشہور ہوئیا ۔

اوہ روسی انقلابی ، بالشویک کیمونسٹ سیاست دان ، 1917ء دے اکتوبر انقلاب دا رہنما تے سویت یونین دا پہلا صدر سی ۔ 1998ء چ ٹائم میگزین نے اسنوں 20 صدی دے 100 بااثرترین بندیاں چ شامل کیتا ۔ مارکسٹ تھیوری چ اسدیاں جدتاں نوں لیننزم دا ناں دتا گئیا ۔

ابتدائی زندگی

لینن 22 اپریل 1870ء چ روسی سلنطت چ دریاۓ وولگا دے کنارے شہر سمبریکس چ پیدا ہوئیا ۔ جس نوں بعد چ اسدے خاندانی نان تے اولیانوف دا ناں دتا گئیا پر ہن روسی خکومت نے اسدا پرانا ناں سمبریکس بحال کردتا اے ۔ اوہ ایلیا نیکولائیوچ اولیانوف تے ماریہ الیکزیندروونا اولیانووا دا پتر سی ۔