ویلیکی نووگورد

Wikipedia توں
جاو: مدد, کھوج
ویلیکی نووگورد
روس دا شہر
Yaroslavovo Dvorische 01.jpg
یاروسلاو دے دربار دا منظز
Flag of Veliky Novgorod.png
Coat of Arms of Veliky Novgorod.png
جھنڈا
نشان
Outline Map of Novgorod Oblast.svg
نووگورد دا محل وقوع
شہر دا دن
سیاسی حثیت
دیس
روس
وفاقی اکائی نووگورد اوبلاست
انتظامی مرکز
نووگورد اوبلاست دا
میونسپل حثیت
شہری اوکروگ ویلیکی نووگزرد شہری اوکروگ
میئر
یوری بوبریشیف
عوامی نمائندگی دا ادارہ شہری دوما
اعداد تے شمار
کل رقبہ
90مربع کلومیٹر
آبادی (2010ء) 2،18،724
آبادی دی گنجانی
2،428لوک فی مربع کلومیٹر
آبادی چ نمبر
85واں
ویلہ
ماسکو ویلہ (یو ٹی سی 4+)
قیام 859ء
سرکاری ویب سائیٹ
http://www.adm.nov.ru/
روس دے ملینیئم (1862ء)دی یادگار
روس دا ملینیئم (1862ء) سینٹ صوفیہ گرجے نال
سینٹ نیکولس دا گرجا ، جس دی اساری مستیسلاو اول نے اپنے محل (یاروسلاو دا دربار) لاگے کیتی

ویلیکی نووگورد روس دے تریخی شہراں چوں اک تے روس دی وفاقی اکائینووگورد اوبلاست انتظامی مرکز (راجگڑھ) اے . ایہہ ایم10 وفاقی شاہراہ' اتے واقع اے جہڑی ماسکو تے سینٹ پیٹرزبرگ نوں ملاندی اے ۔ شہر دریائے وولخوف دے نال نال ، اسدے جھیل ایلمین توں نکلن دی تھاں توں کجھ اگے واقع اے ۔ شہر دی آبادی سن 2010ء دی مردم شماری موجب 2،18،724 اے تے جدوں کہ 1989ء چ ایہہ 2،29،126 سی ۔

تریخ[لکھو]

نووگورد روس دے پرانے شہراں چوں اک اے ، اسدی نیونہہ 9ویں یاں 10ویں صدی عیسوی چ رکھی گئی سی ۔ صوفیہ پہلی دستاویز' چ اسدا ذکر 859ء چ اے تے نووگورد پہلی دستاویز چ اسدا ذکر سن 862ء چ اے ، جدوں ایہہ بحیرہ بالٹک دے علاقے توں بازنتیئم دے تجارتی رستے دا اہم پڑاؤ سی ۔ کیویائی روس چ راجواڑے دی حثیت نال

سن 882ء چ رورک دے جانشین نووگورد دے اولگ نے کیف اتے مل مارلیا تے ریاست کیویائی روس دی نیونہہ رکھی ۔ نووگورد دے رقبے تے نال نال اسدے سیاسی ، معاشی تے ثقافتی اثر نے لسنوں کیویائی روس چ دوجا وڈا شہر بنا دتا ۔ اک رواج موجب کیویائی روس دے حکمران دے وڈے پتر نوں نووگورد اتے حکومت کرن لئی بھیجیا جاندا سی ۔

نووگورد جمہوریہ

1136ء چ نووگورد دے باشندےآں نے اپنے شہزادے وسیوولود مستیسلاوچ نوں معتل کر دتا ۔ اس تریخ نوں نووگورد جمہوریہ دے روایتی آعاز دے طور اتے ویکھیا جاندا اے ۔ اگلیاں دو صدیاں تک شہر شہزادےآں نوں حکومت کرن دی دعوت دین تے اینہاں نوں معتل کرن دے قابل رہیا ، پر شہزادے دا حکومتی منصب کدے دی ختم نئیں کیتا گئیا تے طاقتور شہزادےآں نے ، جداں الیگزاندر نیوسکی ، نووگورد دے لوکاں دی مرضی دے خلاف شہر اتے اپنی حکومت قائم رکھی ۔ اس شہری ریاست دی اج دے اسٹونیا توں کوہ یورال تک دے یورپ دے اتلے چڑھدے علاقےآں اتے حکمرانی سی ، اینچ ایہہ قرون وسطی دے یورپ دیاں وڈیاں ریاستاں چوں [اک]] سی ۔

متحدہ روسی ریاست تھلے

نووگورد دی شہری ریاست دا زوال ، اسدا اپنی اینی وڈی آبادی نوں خوراک مہیا کرن چ ناکامی سی ، اس لئی اسنوں اناج لئی ولادیمیر سوزدال راجواڑے اتے انحصار کرنا پیندا سی ۔ اس علاقے دے وڈے شہراں ماسکو تے تویر نے اناج دی اس محتاجی نوں نووگورد اتے مل مارن لئی ورتیا ۔ اس دے نتیجے چ ایوان سوم نے شہر نوں 1478ء چ ماسکوی روس چ ضم کر لیا ۔ اگرچہ 1560ء دے دہاکے دے قحط تک نووگورد تیجا وڈا روسی شہر رہیا (1550ء چ 25 توں 30 ہزار دے آبادی نال) تے ایوان گروزنی نے 1570ء چ شہر نوں تاراج کیتا تے لٹیا تے اسدے ہزاراں شہریاں نوں ذبح کردتا ۔ شہر دے تاجراں تے اشرافیہ نوں ماسکو ، یاروسلاول تے دوجیاں تھانواں ول بے دخل کر دتا ۔

اہم تھانواں[لکھو]

آن جان دے ذری‏عے[لکھو]

سڑک نووگورد ماسکو(531 کلومیٹر) تے سینٹ پیٹرزبرگ (189 کلومیٹر) نال وفاقی شاہراہ ایم 10 راہیں چڑیا ہویا اے ۔ سینٹ پیٹرزبرگ تے دوجے شہراں لئی بساں وی چلدیاں نیں ۔ ریل نووگورد ، ماسکو ، سینٹ پیٹرزبرگ ، منسک (بیلارس) نال سدھا ریلوے رابطہ اے تے اتلے لہندے روس دے اہم شہراں پسکوو تے مورمنسک نال وی اسدا ریل رابطہ اے ۔ ہوائی آواجائی شہر دے ہوائی اڈےآں یوریئوو' تے کریچیوتسی توں 1990ء دے دہاکے دے ادھ توں باضابطہ فلائٹاں نئیں آوندیاں جاندیاں ۔ سبتوں نیڑے سینٹ پیٹرزبرگ دا پلکووو ہوائی اڈا اے ، جہڑا شہر توں 180 کلومیٹر دور اے ۔

مقامی ٹرانسپورٹ مقامی ٹرانسپورٹ بساں تے ٹرالی بساں دے اک نیٹ ورک اتے مشتمل اے ۔

ثقافت تے رہتل[لکھو]

بین القوامی تعلقات[لکھو]

اعزازات[لکھو]

اک نکا سیارہ 3799 نووگورد سویت فلکیات دان نیکولائی ستیپانووچ چیرنخ نے 1979ء چ دریافت ایتا سی ، کسدا ناں نووگورد دے ناں اتے رکھیا گیا اے ۔

ہور ویکھو[لکھو]

کتاباں[لکھو]

  • کرافٹ برومفیلڈ. روسی فن تعمیر دی تریخ (واشنگٹن یونیورسٹی پریس, 2004) ISBN 978-0-295-98394-3


باہرلے جوڑ[لکھو]

باہرلے جوڑ (روسی بولی چ)[لکھو]

Template:روس دے شہر