آل طاہر

آزاد انسائیکلوپیڈیا، وکیپیڈیا توں

آل طاہر (فارسی: سلسلہ طاہریان) 821ء توں 873ء تک اتے چڑھدے ایرانی علاقے خراسان تے حکومت کرن آلا اک ٹبر سی ، جس دی حکومت چ موجودہ ایران ، افغانستان ، تاجکستان ، ترکمانستان تے ازبکستان دے علاقے شامل سن ۔ طاہری حکومت دا راجگھر نیشاپور سی ۔

اوداں تے ایہہ ٹبر خلافت عباسیہ نوں تسلیم کردا سی پر حقیقت چ طاہری آزاد سن ۔ اس حکومت دا بانی طاہر ابن حسین سی ، جسنوں عباسی خلیفہ مامون الرشید نے خراسان دا مستقل والی مقرر کیتا سی ۔ متوکل باللہ دے مرن مگروں اس حکومت نے خودمحتاری حاصل کر لئی ۔

طاہری ٹبر دے حکمراناں چوں طاہر دے پتر عبداللہ نے اپنی سخاوت ، تدبر تے دانش مندی تے رعایا پروری دی وجہ توں بوہت شہرت حاصل کیتی ۔ عبداللہ بن طاہر اپنے کارنامےآں دے لحاظ نال برامکہ توں کسے طرح وای گھٹ نئیں سی ۔

طاہری حکومت نوں خلافت عباسیہ توں آزاد ہون آلی پہلی ریاست سمجھئیا جاندا اے ۔ 873ء چ صفاریاں نےاس حکومت دا خاتمہ کر دتا ۔

آل طاہر دے حکمران[سودھو]

طاہریاں چ تھلڑے حکمران لنگھے نیں ۔

حوالے[سودھو]

  • 1 تاریخ الدول الاسلامیہ المستقلہ از عبدالحمید حمودہ طبع قاہرہ صفحہ 30-40

ہور ویکھو[سودھو]