اطہر شاہ خان جیدی

وکیپیڈیا توں
Jump to navigation Jump to search
اطہر شاہ خان جیدی
جنمستھان : رامپور, برٹش انڈیا
جمن دیہاڑا : 29 جولائی 1943
مرن دیہاڑا : 10 مئی 2020
مرنستھان : کراچی پاکستان
قومیئت : پاکستانی
کم : اداکار، شاعر، لکھاری

اطہر شاہ خان جیدی پاکستانی مخولیا اداکار، شاعر، تے لکھاری سن ۔ اوہ 29 جولائی 1943 نوں رامپور, برٹش انڈیا وچ جمے تے پاکستان بݨݨ مگروں اوہناں دا ٹبر لہور پنجاب آ گیا ۔ اوہناں نے اپݨا بچپن پنجاب وچ گزاریا ایس لئی پنجابی زبان تے پنجابیئت اوہناں دے مزاج وچ رچ بس گئی ۔

پڑھائی لکھائی[لکھو]

اطہر شاہ خان جیدی نے مُڈھلی تعلیم لہور وچ حاصل کیتی ۔ گریجوایشن وفاقی اردو یونیورسٹی کراچی توں کیتی تے پنجاب یونیورسٹی لہور توں صحافت وچ ایم اے کیتا ۔ ایس توں علاوا ہومیوپیھتی ڈاکٹر دی سند وی حاصل کیتی ۔

شاعری[لکھو]

اطہر شاہ خان جیدی نے زیادہ تر مخولیا شاعری کیتی اے ۔ اوہناں نے پاکستان ٹیلی ویژن دے پیش کردہ مخولیا مشاعریاں دے سلسلے "کشت زعفران" توں مخولیا شاعری وچ مقبولیت حاصل کیتی ۔ اوہ اداکاری وچ اپݨے مخولیا کردار جیدی نال پچھاݨے جاندے سن تے مخولیا شاعری وچ اپݨا تخلص وی جیدی رکھیا ۔ نمونا کلام : ویسے تو زندگی میں کچھ بھی نہ اس نے پایا جب دفن ہو گیا تو شاعر کے بھاگ جاگے وہ سادگی میں ان کو دو سامعین سمجھا بس آٹھویں غزل پر منکر نکیر بھاگے

یارب دل جیدی میں ایک زندہ تمنا ہے تو خواب کے پیاسے کو تعبیر کا دریا دے اس بار مکاں بدلوں تو ایسی پڑوسن ہو "جو قلب کو گرما دے اور روح کو تڑپا دے "

لکھاری[لکھو]

اطہر نے بطور لکھاری ریڈیو پاکستان توں اپنے کیریئر دا آغاز کیتا تے 700 دے لگ بھگ ڈرامے لِکھے ۔

اداکاری[لکھو]

اطہر شاہ خان جیدی نے ٹیلی وژن تے سٹیج اُتے بطور ڈراما لکھاری اپݨے تخلیقی کم دا آغاز کیتا ۔ اوہناں دے تحریر کردہ مخولیا ڈرامےآں نے بہت زیادہ مقبولیت حاصل کیتی ۔ اک ٹی وی انٹرویو وچ اطہر نے دسیا کہ وہ ایک دفعا اپݨے ای اک ڈرامے دے اک اداکار نال موٹر سائیکل تے سفر کر رہے سی کہ موٹر سائیکل وچ کوئی نقص پیدا ہو گیا، جد ایہنوں ٹھیک کرن لئی رکے تاں لوکاں نے اداکار نوں پچھاݨ لیا پر ڈرامے دے لکھاری (اطہر شاہ جیدی) ول کوئی تعھیان نئیں دتا ۔ بقول اطہر شاہ جیدی دے ایس واقعے نے مینوں اداکاری ول مائل کر دتا ۔ جیہدے نتیجے وچ جیدی دا کردار بݨ گیا ۔ جیدی دے کردار اُتے مرکوز پاکستان ٹیلی ویژن توں آخری ڈراما ہائے جیدی 1997ء وچ پیش کیتا گیا ۔ اوہناں نے پنجابی فلم منجی کِتھے ڈاہواں وچ اداکاری کیتی ۔ ایس توں علاوا مخولیا ٹی وی ڈرامے دے سلسلے انتظار فرمایے وچ وی اداکاری کیتی ۔ اوہناں دی سیریز جیدی کے سنگ تقریبن 19 سال تک ٹیلی ویژن تے چلدی رہی ۔ اوہناں دے ٹی درامےآں وچ شامل نیں :

  • انتظار فرمایے
  • لاکھوں میں تین
  • با ادب با ملاحظا ہوشیار
  • ہائے جیدی
  • ہیلو ہیلو
  • برگر فیملی

اعزازات[لکھو]

حکومتِ پاکستان نے اطہر شاہ خان جیدی نوں 2001 ء وچ صدارتی اعزار برائے حسن کارکردگی ( پرائِڈ آف پرفارمنس ) عطا کیتا ۔ پاکستان ٹیلی ویژن نے اپݨی سِلور جوبلی تے اطہر شاہ خان جیدی نوں گولڈ میڈل عطا کیتا ۔