اکھ
| اکھ | |
| |
| انسانی اکھ | |
اکھ انساناں تے تقریبا تمام جانوراں دے جسم دا اک انگ اے۔ ایدا کم چانن دے بارے چ دماغ نوں دسنا اے۔ ایدی مدد توں انسان تے دوجے جنور کسے وی شہ نوں بہت دور تک ویکھ سکدے نیں۔ اکھ او انگ نیں جو چانن دا پتہ کر کے انوں نیوراناں دی مدد نال الیکٹرو کیمیائی سنیہ وچ بدل دیندا اے۔ سب توں سادا فوٹو ریسیپٹر ولگن چانن تے حرکت نوں جوڑدے نیں۔
دکھالا[سودھو]
اچے جانداراں وچ اکھ اک اوکھا آپٹیکل پربندھ اے جو چانن نوں آلے دوالے توں اکھٹا کردا اے، اک ڈایافرام دی مدد نال ایہدی شدت کنٹرول کردا اے، ایہنوں لینس دی مدد نال اک تھاں فوکس کردا اے تاں جے مورت بن سکے۔ ایس مورت دے سگنل نوں الیکٹرک سگنل وچ بدلدا اے تے اینوں دماغ ول کل دیندا اے۔ ویکھن طاقت دی بنیاد تے اکھاں دی 10 ونڈاں نیں تے 96% جانداراں دی اکھاں اوکھے وکھالے (مربہ اکھاں) رکھدیاں نیں۔
نکے جانداراں وچ اکھاں دا کم صرف چانن تے ہنیرے دا کھوج لگانا ہوندا اے۔
ونڈاں[سودھو]
اکھ دی دس ونڈاں بارے جانکاری کیتی گئی اے۔ وڈی ونڈا وچ "سادہ اکھ" تے "مربا اکھ" شامل نیں۔ "سادہ اکھ" او اکھ اے جیدے وچ اک عدسہ ہوندا اے، تے "مربا اکھ" او اکھ اے جیدے و بوت سارے عدسے ہوندے نیں۔
اکھاں نوں فوٹو ریسیپٹر ولگناں باجوں وی ونڈیا جا سکدا اے یعنی سیلیٹڈ فوٹو ریسیپٹر تے ریبدومک فوٹو ریسیپٹر۔
سادہ اکھاں
ایہ اکھاں عام تے ہر تھاں دے جانداراں وچ ہوندیاں نیں۔
- نکی موری اکھاں:
نکی موری اکھاں جنور دی کھل دے وچ نکے جئے گڑھے وچ ہوندیاں نیں، ایہناں دا کم چانن دی کھوج لانا ہوندا اے۔ ایہناں اکھاں نال دھندلی مورت بندی اے۔ ایہناں اکھاں نوں سٹیما وی آکھیا جاندا اے۔ ایہناں دا ناپ 100 مائیکرومیٹر دا ہوندا اے تے ااے 100 ولگناں دا بنیا ہوندا اے۔ 85% فائیلماں وچ اے اکھاں ہوندیاں نیں۔
- وڈی موری اکھاں:
وڈی مورسی اکھاں اصل چ نکی پوری اکھاں دی ای بدلی مورت نیں۔ حرکت کرن ویلے جے مورت ہلے جلے نا، ایس واسطے اکھ دے عدسے نال پٹھے لگے ہوندے نیں جیہڑے عدسے نوں اک تھاں رکھدے نیں۔، انج مورت سئی بندی اے۔
- گولا عدسہ اکھاں:
اناں اکھیاں وچ عدسہ ہوندا اے جیدے باجوں پورت دھندلی نئی بندی۔ گیسٹرو پوڈاں تے انیلیڈاں وچ اے اکھاں ہوندیاں نیں۔
- بہتے عدسے:
کج سمندری جنوراں دی اکھاں وچ ایسی اکھاں ہوندیاں نیں جناں وچ بہت عدسے لگے ہوندے نیں۔
- انعطافی کارنیا
زمین تے رہن آلے ریڑھ دی ہڈی آلے جنوراں وچ ایسی اکھاں ہوندیاں نیں جناں وچ ہوا توں ود انعطافی انڈیکس رکھن آلا مائع ہوندا اے جو چانن نوں ہور جھکا کر دیندا اے جیدے باجوں عدسے لئی چانن توں مورت بنانا اسان ہو جاندا اے۔
- لشکاروی اکھاں
کج اکھاں وچ ایہو جئے ولگن ہوندے نیں جو چانن دا لشکارا بنا کے انو اک تھاں جما سکدے نیں جے مورت اسانی نال بنے۔ ایہو جئی اکھاں پلیٹی ہیلمنتھیس تے کوپی پوڈ وچ ہوندیاں نیں۔
مربا اکھاں
مربا اکھاں، سادہ اکھاں توں وکھریاں ہوندیاں نیں۔ اناں وچ اک انگ نئی ہوندا بلکہ ہزاراں انگ ہوندے نیں۔ ایس اکھ دی اکائیاں نوں اوماٹیدیئم (جمع:اوماٹیڈیا) آکھی دا اے۔ اے اکھاں تیز حرکت نوں ھیتی پتہ لگا لیندیاں نیں۔
رنگ[سودھو]
الیکٹرو مقناطیسی سپیکٹرم وچ اکھاں 400 توں 700 نینو میٹر تک لہر لمائی دی چانن ویکھن دی طاقت رکھدیاں نیں۔ اکھاں وچ دو طرح دے فوٹو ریسیپٹر ولگن ہوندے نیں، جناں وچ راڈ تے کون شامل نیں۔ راڈ ،کم چانن وچ ویکھن چ مدد کردے نیں تے کون، تیز چانن وچ ویکھن چ مدد کردے نیں۔
راڈ وچ اک مادہ روڈاپسن ہوندا اے جو 500 نینو میٹر دی لہر لمائی دی چانن نوں دیکھ سکدا اے ۔
باہرلے جوڑ[سودھو]
 |
وکیمیڈیا کامنز چ مورتاں: اکھ |
باہرلے انگ : · سر · متھا · مُکھ · اکھ · نک · بُلھ · ٹھوڈی · کن · ہتھ · انگلاں · انگوٹھا · چیچی · نوںھ · لت · باںھ · جباڑا · بال · پیر · گوڈا · گوڈے دی چپݨی · گٹا · چھاتی · کھل · موڈھا · گردݨ · سینا · پِنی · ڈھڈ · لَک
اندرلے انگ : · کلیجا · دل · نکی آندر · گردے · معدہ · لہو · پھپھڑے · انسانی ہاضما · آنڈاتھیلی · پینکریاز · دماغ · ہڈی · وڈی آندر · تلی · پِتا · خوراک نالی · لہو نالیاں
مونھ دے اندرلے انگ : · مونھ · جیبھ · دند · حݪق · حݪق دا کاں