نک

نک

انسانی نک

نک، ریڑھ دی ہڈی آلے جنوراں وچ بوتھے تے اگے نکلیا ہویا اک حصہ اے جتھے ناساں دی مدد نال ساع لین چ اسانی ہوندی اے۔ ناساں دے پچھے نکی نالی ہوندی اے جو فیرنکس تک اپڑدی اے جتھوں اے ساع پربندھ تک جاندی اے۔ نک سنگن چ مدد دیندا اے۔ بندے توں علاوہ وی اے جنوراں دے منہ تے وی ھوندا اے۔

انسان وچ نک منہ دے وچکار ہوندا اے تے باقی جنوراں وچ لمی سونڈ تے سرے تے اتلے پاسے ہوندا اے۔

کتیاں دا نک ود سونگھدا اے

وکھالہ

دو پاسی جندڑیاں تے پھپھرا مچھی وچ ناساں اگے جا کے کاؤنے دی مدد توں نکی تھیلیاں وچ کھلدیاں نیں جیدے اندر آلفیکٹری ایپیتھیلئیم لگیا ہوندا اے۔ پھپھرا مچھی دی ناساں ویکھن تے دو پاسی جندڑیاں وانگوں دسدیاں نیں پر ایہ ساع لین وچ مدد نئی کردیاں کیوں جے ایہ جنور اپنے منہ نال ساع لیندے نیں۔

ریپٹائیلاں وچ نک دا خانہ وڈا ہوندا اے تے کاؤنے اندر آلے پاسے منہ ول ہوندے نیں۔ مگرمچھاں وچ نک دے خانے بہت لمے ہوندے نیں جو اناں نوں ادھے ڈبے ہون ویلے ساع لین چ مدد کردے نیں۔ اناں جنوراں وچ نک دے خانے دے ترے حصے ہوندے نیں، اگلا ویزٹیبیول، آلفیکٹری خانہ تے پچھلا نیزو فیرنکس۔

پنچھیاں دا نک ریپٹائل ورگا ای ہوندا اے تے ناساں، چونج دے اتلے سرے ہوندیاں نیں۔ پنچھی زیادہ نئی سونگھ سکدے ایس لئی آلفیکٹری خانہ نکا ہوندا اے۔ کگیاں تے ککڑیاں وچ ناساں اتے سینگاں ورگی سخت شئے ہوندی اے۔

میملاں وچ نک دا خانہ وڈا ہوندا اے تے کھوپڑی دی ادھی لمائی دے برابر ہوندا اے پر آگو مانساں، چمگادڑاں تے سیٹیشیا وچ ،نک نکا ہو جاندا اے جیدی وجہ توں اناں جنوراں وچ سونگھن دی صلاحیت گھٹ جاندی اے۔ میملاں وچ نک دے وڈے ہون دی اک وجہ تالو دا منہ نوں نک توں وکھرا کرنا اے۔ نک دا خانہ کھوپڑی وچ اگے ود کے "پیرا نیزل سائینیسس" بناندا اے۔

ہاتھی دا نک

سیٹیشیا وچ نک نکا ہو کے صرف ناساں تک رہ جاندا اے جو سر دی اوپری تھاں ٹر جاندے نیں۔ ایس وکھالے نال ایہناں دا پنڈا سدھی شکل چ آ جاندا اے تے پانی چ ادھے ڈوبیاں ویلے اوہناں نوں ساع لین لئی مدد لبدی اے۔ ایس توں الٹ ہاتھی وچ نک ود کے اک لما، پٹھیاں آلا انگ بناندا اے جنوں "سونڈ" آکھی دا اے۔

ہوا بدلی

نک دا کم ایہدے وچ وڑن آلی ہوا نوں تتا کرنا تے گلا کرنا اے۔ نک دے وچ والاں دا کم ہوا توں ذریاں نوں نک وچ ای روکنا اے جے صاف ہوا پھپھریاں تک اپڑے۔

پاسے دا پتہ

ٹکٹ تے نک

کتیاں دی گلی نک اوہناں نوں کوئی پاسا لبن یا کسی شے دی بو لبن وچ مدد کردی اے۔نک وچ ٹھنڈ محسوس کرن دے ریسیپٹر ولگن ہوندے نیں جو نک نون ٹھنڈا رکھدے نیں جیدی وجہ توں ایہ کسی بو دا چھیتی پتہ کر لیندا اے۔

بارلے جوڑ

انسانی اَنگ

باہرلے انگ  : - سر · متھا · مُکھ · اکھ · نک · بُلھ · ٹھوڈی · کن · ہتھ · انگلاں · انگوٹھا · چیچی · نون٘ہہ · لت · بان٘ہہ · جباڑھا  · بال · پیر · گوڈا · گوڈے دی چپݨی · گٹا · چھاتی · کھل · موڈھا · دھوݨ · گھنڈی · سینا · پِنّی · ڈھڈ · دُھنّی · لَک · ڈھُوہ · پَٹ

اندرلے انگ  : - کلیجا · دل · نکی آندر · گردے · معدہ · پھپھڑے · آنڈاتھیلی · پینکریاز · دماغ · ہڈی · وڈی آندر · پِتّا · لہو

مونہہ دے اندرلے انگ  : - مون٘ہہ · جیبھ · دند · حلق · حلق دا کاں