رونا لیلا

Runa Laila on 2017

رونا لیلیٰ اک بنگلا دیشی گلوکارہ اے، جسنوں دکھنی ایشیا دے مشہور گائیکاں وچوں اک سمجھیا جاندا اے اتے اسنے دیر 1960ویاں وچ پاکستان دی فلمی صنعت وچ اپنے کیریئر دی شروعات کیتی۔ اس دی گاؤن سٹائل پاکستانی پلیئبیک گائیک احمد رشدی توں متاثر اے اتے بعد نوں گائکہ مالا دی تھاں اس دے نال مشہور جوڑی وی بنائی۔

مڈھلی زندگی

لیلا دا جم سلہٹ، بنگلا دیش وچ 1952 نوں ہویا سی۔ اس دے ماں-پیؤ نوں اسدے ڈانسر بنن دی آس سی تے اس نوں کتھک اتے بھرتناٹئم سکھایا۔ اس دی وڈی بھین دینا لیلیٰ شاستری سنگیت سکھ رہی سی اتے رونا نے اس دے سبقاں توں سکھنا شروع کر دتا۔ تد دینا دے استاد نے رونا نوں سکھاؤن دا فیصلہ کیتا۔ اس دے پیؤ، سعید محمد امداد علی نوں اک سول سرونٹ وجوں کراچی چ تعینات کیتا گیا سی۔ اوہ اتے اس دی بھین کراچی دے سکول وچ پڑھیاں ۔ اس زمانے وچ احمد رشدی فلم سنگیت دی اگوائی کر رہا سی اتے اس نے ہپ-ہوپ، راک این رول، ڈسکو اتے ساؤتھ ایشیئن سنگیت وچ ہور جدید ودھاواں لیاندیاں اتے پھر بعد نوں بنگلہ دیس، بھارت تے حال وچ ای نیپال دے آپو اپنے پوپ سبھیاچار وچ اک پائنیئری اثر دے طور تے اپنایا گیا۔ رشدی دی کامیابی دے بعد جیز وچ مہارت حاصل کرن والے کرِسچیئن بینڈ ، کراچی، حیدر آباد، ممبئی، ڈھاکا تے لہور وچ وکھ وکھ نائٹ کلباں تے ہوٹل لوبیاں وچ مظاہرا کرن لگے ۔ اوہ گائک احمد رشدی دی پھین بن گئی جس نوں اوہ اپنا گورو (استاد) مندی سی، اتے نہ صرف اس دی گاؤن سٹائل دی، سگوں منچ تے اسدی ادائیگی دی وی نقل کرن دی کوشش کردی سی۔