سرھوں دا ساگ

وکیپیڈیا توں
Jump to navigation Jump to search

سرھوں دا ساگ اک مشہور سبزی پکوان اے۔ سرھوں دا ساگ دکھنی ایشیا خاص طور تے پنجاب چ بیجیا تے پکایا جاندا اے۔ تریخی طور سرھوں دا ساگ پنجاب دے پنڈ واسیاں دا کھاجا سی۔ ایہدے اُتے کعر دے بݨے مکھݨ دا تڑکا پنجاب دے ہرے بھرے کھیتاں چ کم کرن آلے کساناں لئی غذائیت نال بھر پور کھانا اے۔

روایتی طور تے سرھوں دے ساگ چ مسالے نئیں پائے جاندے صِرف ہلکا جیہا لوݨ، ادرک، پالک، ہری مرچ، سرھوں کا ساگ، میتھی پا کے پکایا جاندا اے۔ عموماً ایہنوں اگ دی ہلکی لاٹ تے پاݨی چ پکایا جاندا اے۔ سرھوں دا ساگ پکاوندے ویلے ایہنوں اوس ویلے تک گھوٹنے نال ہلایا جاندا اے جد تک ایہ لوڑ دے مطابق سوادی نہ بݨ جاوے۔

Saagroti.jpg

پکاؤݨ دی ترکیب[لکھو]

روایتی طور تے ساگ تھلے دسے گئے اجزا تے ترکیب نال پکایا جاندا اے۔

اجزا[لکھو]

سرھوں دا ساگ: 4 پاؤنڈ
پالک : 2 پاؤنڈ
میتھی : 2 پاؤنڈ
پاݨی : ادھا کپ
ادرک : 1 انچ دا ٹکڑا
مکی دا آٹا : کھاݨ آلے 2 چمچے، 1 چوتھائی پانی چ حل کرلوو
مکھݨ : حسب مرضی
موٹی ہری مرچ : 5 سے 7 عدد
لوݨ : حسب ذائقہ

ترکیب[لکھو]

درج بالا اجزا دی روشنی چ سرھوں دا ساگ پکاوݨ لی اک بڑی دیگچی چ ادھا کپ پانی پایا جانداے۔ ایس توں مگروں ایہدے چ ساریاں دسیاں گئیاں باقی چیزاں پا دِتیاں جاندیاں نیں تے فیر 15 توں 20 منٹ تک پکایا جاتا اے۔