سیف الدین قطز

وکیپیڈیا توں
Jump to navigation Jump to search

سیف الدین قطز مصر تے شام دے بحری مملوک سلطاناں چ تیجا سلطان بنیا جسنے 1259 توں 1260 تک حکومت کیتی. اسدی آگوائی چ بحری مملوکاں نے عین جالوت دی لڑائی چ ایل خانی منگولاں نوں فیصلہ کن شکست دتی - بھانویں قطز دا راج ویلہ گھٹ سی، پر اوہ اسلامی دنیا چ سبتوں ودھ جانے جان آلے مملوک سلطاناں چوں اک اے- اسنوں سلطان المظفر دا لقب دتا گیا- عین جالوت دی لڑائی دے مگروں مملوک بادشاہ سیف الدین قطز نوں رکن الدین بیبرس نے 24 اکتوبر، 1260 میں قتل کروا کے حکومت اتے مل مار لیا۔ عین جالوت دی لڑائی چ سیف الدین قطز تے رکن الدین بیبرس نے اکٹھے منگولاں نوں ہرایا سی ۔

مڈھلا جیون[لکھو]

قطز دے مڈھلے جیون بارے گھٹ جانکاری اے .کجھ مورخاں داآکھنا اے کہ منگولاں دی کسے یلغار چ قطز پھڑیا گیا تے اک مصری غلام تاجر نوں شام میں ویج دتا گیا- اس مصری غلام تاجر نے اگے عزالدین ایبک نوں قطز نوں غلام دے طور اتے ویچ دتا- کچھ ذرائعاں موجب، قطز نے دعویٰ کیتا کہ اسدا اصل ناں محمود ابن ممدود سی تے اوہ خوارزم شاہی سلطنت دے راج ٹبر چوں سی-