لکھپت
لکھپت بھارتی ریاست گجرات دے ضلع کچھ دا اک شہر تے تحصیل لکھپت دا راجگڑھ اے۔ ایتھے اک تریخی گردوارہ تے قلعہ وی اے۔ ایہ پراݨی ریاست کچھ دا حصہ اے۔ لکھپت شہر کوری کریک دے مونھ تے واقع اے۔
ناں
[سودھو]ایہدا ناں راو لکھا دے ناں تے رکھیا گیا۔
تریخ
[سودھو]لکھپت پراݨے دور توں اک اہم ساحلی تجارتی مرکز سی۔ دریائے انڈس لکھپت تک بہندا اے۔
بولی
[سودھو]ایتھے دے لوک کچھی تے پنجابی بولیاں بولدے نیں۔
قلعہ
[سودھو]ایتھے اک تریخی قلعہ وی اے۔ 1801 چ فتح محمد نے ایہدی مرمت، بحالی تے ایہنوں کُھلا کرن دا کم کیتا۔
پیر غوث محمد دا مزار
[سودھو]ایتھے اک صوفی بزرگ پیر غوث محمد دا مزار وی اے۔ 1855 چ پیر غوث محمد دے مرن مگروں اوہناں دے بھرا باوے تے اوہناں دے پیروکاراں نے اوہناں دا مزار تعمیر کروایا۔ ایس مزار نوں مقامی لوک کُبو کہندے نیں۔ ایہ اٹھ پہلو شکل دا مزار اے تے ایہدے چار بوئے نیں۔ قبر دے اُپر چٹا پتھر لگیا ہویا اے تے اندرلیاں کندھاں اُتے قرآن پاک دیاں آیتاں لکھیاں ہوئیاں نیں۔ مزار دے سامݨے پاݨی دا اک ٹوبھا اے ۔ ایہدا پاݨی جلد دیاں بیماریاں لئی شفا دار سمجھیا جاندا اے۔
گردوارا لکھپت صاحب
[سودھو]ایتھے اک گردوارہ وی اے۔ ایہنوں گردوارا لکھپت صاحب آکھیا جاندا اے۔ گرو نانک نے حج کرن لئی مکہ نوں جاندے ہوئے ایتھے قیام کیتا سی۔ مقامی سِکھاں نے ایہنوں عبادت گاہ بنا لیا۔ گردوارے دی عمارت نوں یونیسکو ولوں ایوارڈ وی دتا گیا۔
