معاہدہ مدروس
پہلی جنگ عظیم چ سلطنت عثمانیہ دے نال اتحادیاں دی جنگ ختم کرنے آلے معاہدے نوں "معاہدہ مدروس"آکھئیا جاندا اے ۔ ایہہ معاہدہ 30 اکتوبر 1918ء نوں یونان دی بندرگاہ مدروس چ اک بحری جہاز چ ہوئیا ۔ بین القوامی قنون دی رو نال امن سمجھوتہ اک عارصی معاہدہ ہندا اے تے اس دے بعد مستقل امن لئی امن معاہدے دیاں شرطاں طے کیتیاں جاندیاں نیں ۔ اس معاہدے چ سلطنت عثمانیہ ولوں بحری امور دے وزیر رؤف بے دی قیادت تھلے تن رکنی وفد تے اتحادیاں ولوں برطانوی ایڈمرل سمرسیٹ آرتھر گف کالتھورب دے وچکار شرطاں طے ہوئیاں ۔
شرطاں
[سودھو]- 1۔ آبنائے باسفورس جنگی تے تجارتی جہازاں لئی کھلی رہے گی ، صرف یونانی جہاز اس آبنائے توں نئیں لنگھ سکن گے ۔ عثمانی فوج آبنائے دے حفاظت کرے گی ۔
- 2۔ ملک دی داخلی تے سرحداں دی حفاظت لئی محدود گنتی دے علاوہ باقی عثمانی فوج فارغ کر دتی جائے گئی ۔
- 3۔ جنگی قیدیاں نوں غیر مشروط طور تے رہا کر دتا جائے گا ۔
- 5۔ اتحادیاں نوں ایہہ اختیار ہوئے گا کہ اوہ کسے وی قسم دا خطرہ محسوس کرن تے جنگی حکمت عملی دے نقطہ نظر نال کسے وی اہم علاقے تے قابض ہو جان ۔
- 6۔ عثمانی ریلوے تے تجارتی جہاز اتحادی دیساں دی ورتوں چ رہن گے ۔ ریلوے دا انتظام اتحادیاں دے سپرد کر دتا جائے گا ۔
- 9۔ فوجی بحری تے تجارتی سامان نوں ترک حکام ورتن کے نئیں ۔
- 11۔ حجاز ، یمن ، شام تے عراق چ سلطنت عثمانیہ دیاں فوجاں اتحادیاں دے کمانداراں ساہمنے ہتھیار سٹ دین گئیاں ۔
- 13۔ سلطنت عثمانیہ دے اندر موجود جرمن تے آسٹروی فوجی تے سول افسران تے دوجے ملازم اک مہینے دے اندر اندر ایتھوں چلے جان گے ۔
- 14۔ سلطنت چ موجود قابض اتحادی فوجاں دی ضروریات نوں پورا کرن دی ذمہ داری عثمانی حکومت دی ہوئے گئی ۔
- 15۔ سلطنت عثمانیہ دے جنگی قیدی اتحادیاں دی قید چ ای رہن گے ۔
- 16۔ سلطنت عثمانیہ ساریاں محوری طاقتاں نال سفارتی تعلقات توڑے گی ۔
- 17۔ اتحادیاں نوں ایہہ حق ہوئے گا کہ اناطولیہ دے کسے وی مشرقی صوبے چ کسے وی بغاوت نوں کچل سکن ۔
اس معاہدے دے فورا بعد مصطفی کمال دی قیادت ہیٹھ ترکی دی جنگ آزادی شروع ہو گئی ، اس لئی اس دا نفاذ عارضی ثابت ہوئیا ، جدوں کہ سلطنت عثمانیہ دے سوا دوجیاں محوری طاقتاں دے نال ہون آلے معاہدےآں دا نفاذ تقریبا مکمل طور تے ہوئیا ۔ پر اس معاہدہ مدروس دیاں شرطاں انتہائی سخت تے ظالمانہ سن ۔