ٹی ای لارنس

وکیپیڈیا توں
جاؤ: پاندھ, کھوج
تھامس ایڈورڈ لارنس
لارنس آف عریبیا
جماندرو ناں: تھامس ایڈورڈ لارنس
ہور ناں: لارنس آف عریبیا، ٹی ای لارنس
جنمستھان: ویلز, برطانیہ
جمن دیہاڑہ: 16 اگست 1888
مرن: 19 مئی 1935
کم : فوجی افسر، جسوس
گن: لکھاری

لیفٹینیٹ کرنل تھامس ایڈورڈ لارنس جیہنوں ٹی ای لارنس تے لارنس آف عریبیا وی کہیا جاندا اے اک برطانوی جسوس پرانیاں چیزاں دا گرو تے لکھاری سی۔ پہلی وڈی جنگ وچ سید حسین بن علی شریف مکہ دی غداری تے لارنس دا کم خلافت عثمانیہ (سلطنت عثمانیہ) دی لڑائی وچ اوہدے ہارن دا سبب بنیا۔ لارنس ویلز برطانیہ وچ 16 اگست 1888 نوں جمیا۔ آکسفورڈ وچ پڑھیا۔ پڑھدیاں ہویاں فرانس تے شام دیاں قلعیاں نوں دیکھن گیا تے اوہناں دیاں مورتاں بنایاں۔ 1910 وچ پرانیاں کوٹھیاں دی کھدائی لئی لہندے ایشیا گیا۔ جد پہلی جنگ تُری تے اوہ برطانوی جسوسی دے محکمے وچ آگیا۔ ایتھے اوہنے سید حسین بن علی شریف مکہ نال رل کے حلافت عثمانیہ دے خلاف بغاوت کرائی۔ مکہ دی لڑائی 1916 وچ ٹی ای لارنس دے ہتھ نال شریفِ مکہ تے حسین بن علی نے مل مار لیا۔ کچھ چر مگروں طائف وی ترکاں دے ہتھوں نکل کے حسین بن علی کول چلا گیا۔ مدینہ دا کعیرا وی کیتا گیا پر اوتے دا ترک گورنر فخری پاشا ڈٹ گیا۔ 1917 وچ لارنس نے عرباں نال رل کے عقبہ تے مل مار لیا۔ 1918 وچ دمشق تے وی مل مار لیا گیا۔

سیانف دے ست تھم اوہدی لکھی ہوئی کتاب اے۔ ٹی ای لارنس 19 مئی 1935 نوں موٹر سیکل دی ٹکر وچ مرگیا۔

لارنس اپنے موٹر سیکل تے پیٹھا ہویا