پاکستان چ سکھ مت

وکیپیڈیا توں
Jump to navigation Jump to search

اس ویلے پاکستان چ سکھ بوہت گھٹ گنتی چ وس رہے نیں ۔ بوہتے سکھ پنجاب صوبے چ وسدے نیں جہڑا کہ پرانے پنجاب دا اک حصہ اے جتھے سکھ مت دی شروعات ہوئی ۔ صوبہ خیبر پختونخواہ دے راجگڑھ پشاور چ وی سکھاں ھی کافی وسوں اے ۔ ننکانہ صاحب جہڑا کہ سکھ مت دے بانی بابا گرو نانک دی جم بھوئیں اے وی پنجاب ،پاکستان چ اے ۔

18ویں تے 19ویں صدی چ سکھ طبقہ اک طاقتور سیاسی قوت بن گیا تے مہاراجہ رنجیت سنگھ نے سکھ سلطنت دی نیہہ رکھی جسدا راجگڑھ لہور شہر سی جہڑا اج دے پاکستان دا دوجا وڈاشہر اے ۔ پنجاب سکھاں دی بوہتی گنتی لہور ، راولپنڈی ، ملتان ، فیصل آباد تے ننکانہ صاحب چ اے

1947ء چ ہندستان دی ونڈ مگروں پاکستان دے علاقےآں دے سکھ تے ہندو بھارت چلے گئے تے بھارت دے مسلمان پاکستان چ وس گئے ۔

1947ء چ پاکستان دی آزادی دے مگروں سکھ کمیونٹی نے منظم ہونا شروع کیتا تے پاکستان سکھ گردوارہ پربندھک کمیٹی بنائی تاکہ پاکستان چ سکھاں دیاں مقدس تھانواں تے ورثے دا تحفظ کیتا جا سکے ۔ پاکستان سرکار نے بھارتی سکھاں نوں پاکستان چ آن تے اپنیاں مقدس تھانواں دی یاترا کرن دی اجازت دتی ہوئی اے تے پاکستان سکھاں نوں بھارت جان دی وی اجازت اے ۔

پاکستان چ سکھاں دی گنتی[لکھو]

امریکہ دے سٹیٹ ڈیپارٹمنٹ دے 2006ء دے آںکڑے موجب پاکستان چ سکھاں دی گنتی 20،000 اے ۔[1]

پاکستان تے بھارت دی آزادی توں پہلوں[لکھو]

گردوارہ جنمستھان ،ننکانہ صاحب

1947ء چ ہندستان دی ونڈ تون پہلاں سکھ سارے اتلے پاکستان چ وسدے سن ، خاص کر پنجاب چ تے بطور کسان ، تاجر تے کاروباری اینہاں دا معیشت چ بوہت اہم کردار سی ۔ پنجاب ،پاکستان دا راجگڑھ لہور اج وی سکھاں دیاں کئی اہم مذہبی تھانواں دی جگہ اے ، جنہاں چ رنجیت سنگھ دی سمادھی وی اے ۔ ننکانہ صاحب چ گردوارہ جنمستھان سمیت 9 گردوارے نیں تے ایہ شہر سکھ مت دے بانی بابا گرو نانک دی جم تھاں وی اے ۔ ننکانہ صاحب دا ہر گردوارہ بابا گرو نانک دے جیون دے وکھ وکھ واقعےآں نال تعلق رکھدا اے ۔ ایہ شہر دنیا بھر دے سکھاں دی یاترا دا اہم تھاں اے ۔


مورتاں[لکھو]

ہور ویکھو[لکھو]


حوالے[لکھو]

باہرلے جوڑ[لکھو]