کوسوڡو

وکیپیڈیا توں
(لیایا گیا کوسووہ)
Jump to navigation Jump to search
کوسوڡو
Republic of Kosovo
Republika e Kosovës
Flag of Kosovo.svg
Coat of arms of Kosovo.svg
چنڈا
نشان
راجگڑھ: پریسٹینہ
تھاں: 10,908 مربع کلومیٹر
لوک گنتی: 1,825,632
کرنسی: یورو
بولی: البانوی تے سربی
Europe location KOS.png
CountriesRecognizingKosovo.svg

کوسوڡو یورپ دا اک دیس اے جیہنوں 17 فروری 2008ج پوری آزادی مِلی ۔ ایس توں پہلاں ایہہ 10 سال تک نیم ازاد دیس رہیا ۔ ایہ یورپ دا مسلم دیس اے ۔ کوسوڡو پہلاں سربیا دا حصا سی تے ایس توں وی پہلاں ایہہ یوگوسلاویہ چ سربیا دے صوبے دے طور تے نال سی ۔ ایہدی لوک گݨتی وچ 90 ٪ لوک البانوی نسل دے مسلمان نیں تے سرب 10 فیصد توں وی گھٹ نیں ۔


جغرافیا[لکھو]

کوسوڡو دیاں سرحداں سربیا ، مونٹی نیگرو ، مقدونیہ تے البانیا نال لگدیاں نیں تے آبادی 20 لکھ توں ودھ ے جنہاں چ زیادہ تر البانوی نیں تے ترک ، سرب ، بوسنیا تے ہرزیگووینا تے رومانیہ دے لوک وی رہندے نیں ۔ کوسووو دا راجگھر پرسٹینا اے تے ایہہ دیس دا سب توں وڈا شہر تے سیاسی تے تعلیمی مرکز وی اے ۔ کوسووو دا کھیتر ول ( رقبہ) 10880 مربع کلومیٹر اے ۔


آزادی[لکھو]

1991ء چ یوگوسلاویہ دے خانہ جنگی دے بعد ٹٹن نال جتھے دوجیاں 6 ریاستاں آزاد ہوئیاں ، اوتھے کوسوڡو نے وی آزادی دی منگ کیتی ، پر سربیا اسنوں آزادی دین لئی تیار نئیں سی تے سربیا دیاں فوجاں نے مسلماناں نوں دبان لئی اینہاں دا قتل عام شروع کردتا ۔ ایسے دوران کوسووو لبریشن آرمی ( کے ایل اے ) ساہمنے آئی تے اس نے ابراہیم روگووا دی آگوائی چ سرب فوجاں دا ڈٹ کے مقابلہ کیتا تے اسنوں کوسووو دا کنٹرول چھڈن تے مجبور کر دتا ۔ اس دے بعد امریکہ نے نیٹو دے زریعے اس علاقے چ مداخلت کیتی تے روس ولوں سربیا دی مدد دے درعمل چ اس نے کوسووو دے مسلماناں دی مدد کیتی تے 1998ء چ اسنوں اقوام متحدہ دی نگرانی ہیٹھ دے دتا تے اینج ایہہیورپ دے نیم خودمختار علاقےآں چ شامل ہوگئیا تے عملی طور تے سربیا دی حکومت نا ہون دے برابر رہ گئی ۔ اقوام متحدہ دا مشن حکومت مقامی نمائندےآں دی مدد نال چلاندا رہیا تے اس دے نال نال دفاعی معاملات نیٹو دی نگرانی ہیٹھ کوسووو فورسز دے ذمے رہیا ۔ 2008ء چ 10 ورہے اقوام متحدہ دی زیر نگرانی رہن دے بعد ، روس تے سربیا دی مخالفت دے باوجود ، امریکہ نے کوسوڡو نوں اک آزاد دیس تسلیم کر لئیا تے اپنے اتحادیاں نوں وی کوسوڡو دی آزادی نوں تسلیم کرن تے زور دتا ۔ کوسوڡو دے پہلے صدر فاطمیر سیدیو تے پہلے وزیر اعظم ہاشم تھاچی نیں ۔


ہور دیکھو[لکھو]