کوسوۆو
| کوسوۆو | |
| Republic of Kosovo | |
| Republika e Kosovës | |
 |
|
| راجگڑھ: | پریسٹینا |
| رقبا: | 10,908 مربع کلومیٹر |
| لوک گݨتی: | 1,825,632 |
| کرنسی: | یورو |
| بولی: | البانوی تے سربی |
| |
| |
کوسوۆو یورپ دا اک مُلک اے جیہنوں 17 فروری 2008ج پوری آزادی مِلی ۔ ایس توں پہلاں ایہہ 10 سال تک نیم ازاد دیس رہیا۔ ایہ یورپ دا مُلک اے ۔ کوسوۆو پہلاں سربیا دا حصا سی تے ایس توں وی پہلاں ایہہ یوگوسلاویا چ سربیا دے صوبے دے طور تے نال سی ۔ ایہدی لوک گݨتی وچ 90 ٪ لوک البانوی نسل دے مسلمان نیں تے سرب 10 فیصد توں وی گھٹ نیں۔
جغرافیا
[سودھو]کوسوۆو دیاں سرحداں سربیا، مونٹی نیگرو، شمالی مقدونیا تے البانیا نال لگدیاں نیں تے آبادی 20 لکھ توں ودھ ے جنہاں چ زیادہ تر البانوی نیں تے ترک ، سرب ، بوسنیا تے ہرزیگووینا تے رومانیا دے لوک وی رہندے نیں ۔ کوسووو دا راجگڑھ پرسٹینا اے تے ایہ مُلک دا سَبھ توں وڈا شہر تے سیاسی تے تعلیمی مرکز وی اے۔ کوسوۆو دا رقبا 10880 مربع کلومیٹر اے ۔
آزادی
[سودھو]1991ء وچ یوگوسلاویا دے خانہ جنگی توں بعد ٹٹݨ نال جتھے دوجیاں 6 ریاستاں آزاد ہوئیاں، اوتھے کوسوۆو نے وی آزادی دی منگ کیتی پر سربیا اوہنوں آزادی دیݨ لئی تیار نئیں سی تے سربیا دیاں فوجاں نے مسلماناں نوں دباؤݨ لئی اوہناں دا قتل عام شروع کردتا۔ ایسے دوران کوسوو لبریشن آرمی (کے ایل اے) سامݨے آئی تے اس نے ابراہیم روگووا دی آگوائی چ سرب فوجاں دا ڈٹ کے مقابلا کیتا تے اسنوں کوسوۆو دا کنٹرول چھڈن تے مجبور کر دتا ۔ اس توں بعد امریکا نے نیٹو دے ذریعے اس علاقے وچ مداخلت کیتی تے روس ولوں سربیا دی مدد دے ردعمل وچ کوسووو دے مسلماناں دی مدد کیتی تے 1998ء وچ اسنوں اقوام متحدہ دی نگرانی ہیٹھ دے دتا تے اس طرحاں ایہ یورپ دے نیم خودمختار علاقےآں وچ شامل ہوگیا تے عملی طور تے سربیا دی حکومت نہ ہوݨ دے برابر رہ گئی۔ اقوام متحدہ دا مشن حکومت مقامی نمائندےآں دی مدد نال چلاؤندا رہیا تے اس دے نال نال دفاعی معاملات نیٹو دی نگرانی ہیٹھ کوسوۆو فورسز دے ذمے رہیا۔ 2008ء چ 10 ورہے اقوام متحدہ دی زیر نگرانی رہݨ توں بعد روس تے سربیا دی مخالفت دے باوجود امریکا نے کوسوۆو نوں اک آزاد مُلک تسلیم کر لیا تے اپݨے اتحادیاں نوں وی کوسوۆو دی آزادی نوں تسلیم کرن تے زور دتا ۔ کوسوڡو دے پہلے صدر فاطمیر سیدیو تے پہلے وزیر اعظم ہاشم تھاچی نیں۔
ہور دیکھو
[سودھو]
 |
وکیمیڈیا کامنز چ مورتاں: کوسووو |
آئس لینڈ · جرمنی · البانیا · اندورہ · آرمینیا · آسٹریا · آذربائیجان · بیلارس · بیلجیم · بوسنیا تے ہرزیگوونا · بلغاریہ · کروشیا · قبرص · چیک · ڈنمارک · اسٹونیا · فنلینڈ · فرانس · یونان · ھنگری · اٹلی · آئرلینڈ · قازقستان · کوسوو · لیٹویا · لیختنشٹاین · لیتھوینیا · لکسمبرگ · مقدونیہ · مالٹا · مولڈوا · موناکو · مونٹی نیگرو · نیدرلینڈز · ناروے · پولینڈ · پرتگال · رومانیہ · روس · سان مرینو · سربیا · سلویکیا · سلوینیا · سپین · سویڈن · ترکی · سویٹزرلینڈ · برطانیہ · یوکرین · ویٹیکن · جارجیا