اچار دی فہرست
ایہ برصغیر دے اچار دی فہرست اے جیہدے وچں ذائقے تے بناوٹ دی وسیع تغیرات موجود نیں ۔ برصغیر میں اچار عمومن تیل ، سِرکا ، نمبو دے رَس یا پاݨی نال پایا جاندا اے ۔ ایہ اچار اکثر تازا ذائقے دی وجہ نال پسند کیتا جاندا اے ۔ بہت ساریاں قِسماں دے اچار پائے جاندے نیں ۔ جِداں : امب ، نمبو وغیرا ۔ برصغیر دے کچھ خانداناں وچ اچار تے چٹݨی دیاں خاندانی ترکیباں موجود نیں ، جیہڑیاں نسل در نسل چلدیاں نیں ۔ اِتھے کئی صدیاں پراݨیاں کمپنیاں نیں جیہڑیاں اپݨیاں اصلی ترکیباں لئی مشہور نیں ۔ اِداں دا ای اک برانڈ ہرنارائنس انٹرنیشنل اے جو 1860 دی دہائی وچ دہلی وچ قائم ہویا سی ۔ برصغیری اچار دیاں بہت ساریاں قِسماں تجارتی لحاظ نال دستیاب نیں ۔
آملے دا اچار[سودھو]
آملے دا اچار جنوبی ایشیا ، پاکستان تے بھارت وچ اک مشہور مسالے دار اچار اے ۔ ایہ وٹامن سی ، وٹامن اے ، کیلشیئم تے فاسفورس دا اک بہت ودا ذریعا اے ۔ سرھوں دے بی آں نوں تیل وچ پا دِتا جاندا اے فیر آملے تے ہور دیگر اجزاء شامل کر دِتے جاندے نیں ۔ اچار فریج وچ محفوظ کیتا جاسکدا اے تے ایہنوں تقریبن 15 دن تک استعمال کتیا جاسکدا اے ۔
مِکس اچار[سودھو]
مِکس اچار بھارتی تے پاکستانی کھاݨےآں وچ اک مشہور اچار اے ۔ ایہنوں پہلاں ابال کے تے فیر سبزیاں نوں مسالے وچ پکا کے تیار کیتا جاندا اے ۔ 'پچرنگا اچار' ، جیہڑا اس زمرے دا اک عام نام اے ، پانی پَت وچ مختلف قِسماں دے اچار دا مشہور برانڈ اے ۔
گاجر دا اچار[سودھو]
گاجر دا اچار ادرک دے نال ہری مرچ ، کالی مرچ پا کے تیار کیتا جاندا اے ۔
لسݨ دا اچار[سودھو]
لسݨ دا اچار آندھرا پردیش وچ مشہور مسالے دار اچار اے ۔ ایہ لسݨ نوں لونگ ، سرھوں دے بی آں ، گڑ نوں چُٹکی پَعر نوݨ نال ملا کے تیار کیتا جاندا اے ۔
ہری مرچ دا اچار[سودھو]
ہری مرچ دا اچار راجستھان ، کرناٹک ، مہاراشٹر تے ہور علاقےآں وچ تیار کیتا جاندا اے ۔ ایہ عام طور تے اہم پکواناں دے نال مسالے دے طور تے استعمال ہُندا اے ۔ راجستھان وچ یہ مرچ لمبائی دے حساب نال کٹوا کے ادرک تے لسݨ دے نال پُعھن کے تیار کیتی جاندی اے ۔ دیگر ذائقے دار مسالےآں وچ امب پاؤڈر ، نمبو دا رَس تے میتھی شامل نیں ۔ ایہنوں راجستھان دی خاصیئت سمجھیا جاندا اے تے ایہنوں ناشتے وچ ذائقے دے طور تے وی استعمال کیتا جاندا اے ۔