بھائی تارو سنگھ
| بھائی تارو سنگھ | |
|---|---|
| جم | سنہ 1720 |
| وفات | سنہ 1745 (24–25 سال) |
| طرز وفات | سزائے موت |
ترمیم  | |
| بھائی تارو سنگھ | ||
| عام جانکاری | ||
| جنم | ||
| موت | 1745 لاہور | |
| موت دا کارن | شہیدی | |
| پچھانے ؛کم | کیش دی تھاں کھوپڑی دی شہیدی | |
| ہور جانکاری | ||
| دھرم | سکھ | |
بھائی تارو سنگھ (1720–1745)اٹھارھویں صدی دے اتہاس دے شہیداں وچوں اکّ مہان سکھ شہید ہن، آپ دا جم پنڈ پوہلا، ضلع امرتسر وکھے ہویا۔[۱]
مغلاں دے ظلم[سودھو]
1716 ء وچ بندہ سنگھ بہادر تے اوہناں دے ساتھی سنگھاں دی شہیدی مگروں مغلاں ولوں سنگھاں اتے بہت ظلم کرنے شروع ہو گئے، اتھوں تک کہ سنگھاں دے سراں دے ملّ پینے وی شروع ہو گئے، اس ویلے لاہور دے گورنر زکریا خان نے تاں ظلم دی حدّ ہی کر دتی سی۔ اجیہے ویلے وچ سنگھاں نے جنگلاں وچ نواس کرنا ٹھیک سمجھیا تاں جو اوہ ظلمی حکومت دا ٹاکرا کر سکن۔ اجیہے حالات وچ بھائی تارو سنگھ تے اوہناں دے پروار نے مل کے سنگھاں دی مدد لنگر تے ہور ضروری چیزاں نال کیتی۔
گرفتاری[سودھو]
بھائی تارو سنگھ دی مخبری نرنجنیا رندھاوانے کیتی جس نوں ہربھگت نرنجنیا رندھاوا وی کیہا جاندا سی جدوں بھائی تارو سنگھ بارے پتہ لگیا، تاں اس نے ذرا وی دیر نہ کیتی تے گورنر زکریا خان دے کنّ بھرنے شروع کر دتے۔ زکریا خان توں ایہہ برداشت نہ ہویا تے ترنت ہی بھائی تارو سنگھ جی نوں گرفتار کرن دا حکم دتا۔ بھائی تارو سنگھ نوں بندی بنا کے پیش کیتا گیا۔ بھائی تارو سنگھ جی نوں بہت تسیہے دتے گئے۔ بھائی تارو سنگھ نوں سنگھاں دی مدد کرن دے جرم وچ بہت ظلم سہن کرنے پئے پر اوہ ذرا وی سکھی صدق توں نہ ڈولے۔
کھوپری اتارن دا حکم[سودھو]
زکریا خان نے بھائی تارو سنگھ نوں اپنا دھرم چھڈّ کے مسلمان بنن لئی کیہا تے اجیہا نہ منن اُتے کیس قتل کرن دا حکم دتا۔ پر بھائی تارو سنگھ نے مسلمان نہ بنن تے نہ ہی کیس قتل کرواؤن دی گل منی تے کیہا کہ میں سر کٹوا سکدا ہاں، پر ستگرو دی دتی پیاری پوتر دات نہیں دے سکدا۔ اس توں بعد زکریا خان نے جلاد نوں بھائی تارو سنگھ دی کھوپری اتارن دا حکم دتا، جس اُتے بھائی تارو سنگھ نوں ذرا وی دکھ نہ ہویا۔ اوہناں نے اپنی سکھی نوں کیساں-سواساں[۲] نال نبھاء کے مثال قائم کیتی۔ جلاد رنبی نال بھائی صاحب دی کھوپری اتار رہا سی تے آپ گرو دا بھانا مندے رہے۔ پنتھ پرکاش دا کرتا لکھدا اے:
- جم جم سنگھن ترک ستاوے۔
- تم تم مکھ سنگھ لالی آوے۔
شہیدی[سودھو]
منیا جاندا اے کہ کھوپری اتر جان توں بعد وی آپ 22 دن تک جیوتّ رہے۔ اس طرحاں آپ نے 1745 ء نوں شہیدی حاصل کیتی۔ بھائی تارو سنگھ جی دی ادتی شہادت نوں اسیں اپنی نت دی ارداس وچ یاد کردے رہے ہاں۔ سکھ دھرم دے اتہاس وچ شہادت دی نینھ رکھن والے پنچم پاتشاہ سری گرو ارجن دیوَ جی ہن۔ گرو شہید روایت دا آغاز آپ دی شہیدی توں ہندا اے۔ دھرم، قوم اتے منکھتا دے بھلے ہتّ اپنے پراناں دی پرواہ کیتے بناں مر مٹن والے نوں شہید کیہا جاندا اے۔
ہور ویکھو[سودھو]
- Bhai Taru Singh – Animated Film Archived 2009-09-08 at the وے بیک مشین
حوالے[سودھو]
