بھگت ترلوچن
| لڑی دا حصہ |
| سکھ مت |
|---|
 |
|
 بوآ سکھ مت |
بھگت ترلوچن جی دا جنم 1268ء وچّ مہاراشٹر دے ضلع شعلہ پور دے بارسی قصبے وچّ ہویا۔ میکالف مطابق آپدا جنم 1267ء وچّ گجرات وچّ ہویا وی منیا جاندا ہے۔ کجھ ودواناں مطابق اوہناں دا جدی پنڈ اتر پردیش وچّ سی اتے گیان دیوَ دے تعلق وچّ آؤن مگروں اوہ مہاراشٹر ولّ چلے گئے۔آپ بھگت نامدیو دے ہم عصر سن۔ آپدا ویاہ اننتا نام دی زنانی نال منیا جاندا ہے۔ بھگت مالا دی اک گاتھا مطابق ترلوچن جی دا اکلوتا پتر انتقال کر گیا، جس کرکے بردھ عمر وچّ کوئی سیوا کرن والا نہ رہا۔ آپ جی دے جوتی جوت سماؤن دا سنّ واضع نہیں،پر بھائی گھنئیا سیوا جوتی ستمبر 1991 خاص نمبر ، پنجابی ماسک وچ آپ دا انتم سماں 1335ء تک دسیا گیا ہے۔ میاں بیوی نے انتم جیون پاسرپور وچّ ہی گزاریا تے دوہاں دے چلانے وی پاسرپرو وچّ ہی منے جاندے ہن۔
گرو گرنتھ صاحب وچّ بھگت ترلوچن دے چار شبد، ہیٹھ لکھے تنّ راگاں وچّ اس پرکار ہن-
- سری راگُ (شبد -1, پنہ-91),
- گوجری (شبد-2, پنہ-525,526),
- دھناسری (شبد-1 پنہ-694) [۱]
ایہناں دی بولی اپر مراٹھی دا اثر دکھدا ہے۔ آپ جی فرماؤندے ہن کہ انسان جنم کوڈیاں بدلے گوا بیٹھدا ہے
مایہ موٹھا چیتسِ ناہی جنم گواہیو آلسیا
بھگت ترلوچن دی انسان دوستی دی سبھ توں وڈی خاصیت ایہی سی کہ اوہ سادھوآں نال بے حدّ عقیدت تے ستکار رکھدے سن اتے اوہناں دی روٹی پانی نال سیوا کردے سن، پر سیوا دا کم آپدی بیوی توں اکلیاں نہ سامبھیا نہ جان کارن آپ نے 'انتریامی' نامک اک نوکر رکھ لیا۔ اس نوکر نال ایہہ شرط رکھی گئی کہ اوہ نت گھٹو گھٹّ پنج جاں ستّ سیر بھوجن کریگا اتے اجیہا کرن اتے اسنوں کوئی وی نہیں ٹوکیگا نہیں تاں اوہ نوکری چھڈّ جاویگا۔ اس نوکر نے اپنا کم انی رچی اتے پریم بھاوَ نال کیتا کہ اتتھی سادھوآں دی گنتی نت ودھدی گئی فلسروپ بھوجن تیار کرن دا کم ودھ گیا۔ اک وار ادھک کم ہو جان کارن بھگت ترلوچن دی پتنی نے اپنی کسے گوانڈھن نوں کہہ دتا کہ اس نوکر دے آؤن نال سادھوآں دی آمد ودھ گئی ہے تے آپ بے حسابہ کھاندا ہے۔ جدوں اس گلّ دا پتہ 'انتریامی' نوں پتہ لگیا تاں اوہ چپّ چاپ نوکری چھڈّ کے چلا گیا۔ بعد وچّ بھگت ترلوچن نوں لگیا کہ اوہ نوکر سچ مچّ ہی 'انتریامی' (پربھو) سی، جس کرکے پچھتاوا ہون لگا۔ اس توں زیادہ جانکاری آپدے بارے ہور نہیں ملدی۔[۲]
حوالے[سودھو]
