تاشقورغان تاجک خودمختار ضلع
| تاشقورغان تاجک خودمختار ضلع تاشقۇرقان تاجىك ئاپتونوم ناھىيىسى Tashkurgan Tajik Autonomous County 塔什库尔干塔吉克自治县 | |
|---|---|
.png)
| |
| جانکاری | |
| راجگڑھ : | تاشقورغان |
| رقبہ : | ٥٢،٤٠٠ کلومیٹر² |
| آبادی(١٩٩٥): • لوک : |
٢٧،٨٠٠ ٠.٥٣/ک م² |
| ذیلی ونڈ: | ? |
| تعداد: | ? |
| بولی: | سرکولی بولی |
تاشفورغان تاجک خودمختار ضلع جاں کاؤنٹی چین دے شنجیانگ صوبے دے کاشغر پریفیکچر دا اک ضلع ہے ۔ اسدی 80 ٪ توں زیادہ آبادی تاجک لوکاں دی ہے ۔ اس ضلعے دا راجگڑھ تاشقورغان شہر ہے جتھوں پاکستان اتے چین نوں جوڑن والی شاہراہ قراقرم نکلدی ہے ۔[۱]
نام
[سودھو]تاشکُرگان دے نام ایغور بولی دا ناں تاشقورغاناے
ترک بولیاں وچّ تاش دا مطلبّ پتھر ہندا ہے اتے ایہہ ہندوتاش ( مطلبّ : ہندو - پتھر ) اتے تاشقند ( مطلبّ : پتھر - شہر ) ورگے ناوان وچّ ملدا ہے ۔ قورغان دا مطلبّ قلعہ جاں برج ہندا ہے ۔[۲]
جفرافیہ
[سودھو]تاشقورغان ضلع شنجیانگ صوبے دے بہت دور لہندے وچّ واقع ہے ۔ اسدیاں سرحداں تاجکستان دے کوہستانی بدخشان خودمختار صوبہ , افغانستان دے واخان گلیارے اتے پاکستان دے گلگت بلتستان علاقے نال لگدیاں ہن ۔ ضلع پامیر پہاڑی سلسلے دے چڑھدے حصے وچّ واقع اک پٹھاری علاقہ ہے ، جتھے کونلون پہاڑ , ہندوکش اتے تیان شان دے پہاڑی سلسلے آکے ملدے ہن ۔ 7،546 میٹر اچا مُزتاغ آتا پہاڑ اتے 7،649 میٹر اچا قونگُور تاغ اس ضلعے دے سبھتوں بلند پہاڑ ہن ۔ کونگر تاغ کونلون پربت دھارے دا وی سبھتوں اچا پہاڑ ہے ۔ تاشقورغان دریااتے تیزنیف دریا ضلعے دے دو مکھ دریا ہن ۔ ضلعے وچّ کئی گرم پانی دے چشمے ہن اتے زمین ہیٹھ سونا , تامبے اتے لوہے دے کھنج بھنڈار ہن ۔
لوک اتے بولی
[سودھو]1995 وچّ انومان لگایا گیا سی کہ 27،800 دی مقامی آبادی وچوں 84٪ تاجک , 4٪ ہان چینی اتے 12٪ ہور نسلاں دے سن ۔ ضلعے دے تاجک اصل وچّ سرکولی بولی بولدے ہن جو تاجک بولی توں تھوڑھی وکھ ہے اتے پامیری بولیاں دی میمبر ہے ۔ سرکولی نوں چین دی سرکار تاجک بلاؤندی ہے ۔[۳]
کچھ تصویراں
[سودھو]-
تاشقورغان شہر وچ اک چوک -
تاشقورغان قلعے دے کھنڈر -
کاشغر توں تاشقورغان جاندے ہوئے سڑک اتے ضلعے دا خشآمدیدی بورڈ
ایہ وی ویکھو
[سودھو]حوالے
[سودھو]- ↑ China, Andrew Burke, pp. 838, Lonely Planet, 2007, ISBN 9781740599153, ... However, the border can open late or close early depending on conditions at Khunjerab Pass. Travel formalities are performed at Sost, on the Pakistan border; the Chinese border post is located at Tashkurgan ...
- ↑ Legend of the Last Vikings - Taklamakan, John Halsted, pp. 262, Abela Publishing Ltd, 2006, ISBN 978-0-9560584-0-9, ... In our language Tashkurgan means 'stone tower' or 'stone fortress', and that's all that Tashkurgan has to offer, or rather had to offer ...
- ↑ Outline of the Tajik language (塔吉克语简志/Tǎjíkèyǔ Jiǎnzhì), Gawarjon (高尔锵/Gāo Ěrqiāng), Nationalities Publishing House, Beijing, 1985