مخدوم بلاول

وکیپیڈیا توں
Jump to navigation Jump to search
صوفی مخدوم بلاول
مزارِ مخدوم بلاول
شہید، صوفی مخدوم
تریخ پیدائش 856ھ بمطابق 1451ء
سندھ، پاکستان (سلطنتِ سما)
تریخ وفات 929ھ بمطابق 1451ء
باغبان
قابل احترام اسلام
متاثر شخصیتاں سید حیدر سنی
روایت شاعری
مخدوم بلاول دا مزار

مخدوم بلاول (انگریزی: Makhdoom Bilawal) ( پیدائش: 856ھ بمطابق 1451ء – وفات: 929ھ بمطابق 1451ء) المعروف شہید مخدوم بلاول سندھ پاکستان دے محب وطن صوفی بزرگ، جید عالم تے فقیہ سن۔

حالات زندگی[لکھو]

مخدوم بلاول دی مسجد

مخدوم بلاول شہید 856ھ بمطابق 1451ء وج حسن سمو دے گھر وچ موجودہ ضلع جامشورو دے شہر ٹلٹی وچ پیدا ہوئے۔ مخدوم دا تعلق سندھ دے سمہ سلاطین حکمراناں نال سی۔ انہاں دے آباء اجداد سندھ وچ سومرہ خاندان دی حکمرانی دے دور وچ موجودہ لسبیلہ بلوچستان دے حکمران سن جتھے نقل مکانی کرکے ٹلٹی وچ آباد ہوئے۔ مخدوم خاحب فقیری صفت دے مالک سن۔ پچپن وچ اسلامی تے دینی تعلیم دی طرف راغب ہوئے۔ شروعاتی تعلیم سید شہاب الدین بخاری دے مدرسہ وچ سید نور حسین شاہ بخاری توں حاصل کیتی۔ مخدوم صاحب نے ناظرہ قرآن تے فقہ دی کتب پڑھن دے نال نال عربی تے فارسی دی تربیت حاصل کیتی۔ مخدوم صاحب بڑے ذہین سن تے قلیل عرصے وچ اسلامی تے دینی علوم حاصل کر کے بڑے عارف، فقیہ تے عالم بنے تے سندھ بھر وچ پزیرائی حاصل کیتی۔ اس زمانے وچ دہلی دے مشہور مصنف تے شاعر مخدوم جمالی لکھدے نیں کہ سندھ وج تن روحانی رہبر تے عالم نیں۔ اک لال شہباز قلندر دوسرے مخدوم بلاول تے تیسرے مخدوم نوح نیں۔ بعد وچ مخدوم بلاول ٹلٹی توں ہجرت کرکے موجودہ ضلع دادو وچ پنڈ باغبان وچ رہائش پزیر ہوئے۔ باغبان موجودہ گاؤں مخدوم بلاول دا پرانہ نام ہے جو دادو دے شمال وچ 10 کلومیٹر دے فاصلے اُپر انڈس ہائی وے دے قریب واقع ہے۔ ایتھے مخدوم صاحب نے شاندار مسجد تعمیر کروائی جو اج وی موجود ہے۔ مسجد دے نال مدرسہ قائم کر کے درس و تدریس دا کم شروع کیتا۔ مخدوم صاحب مکتب چلان دے ذریعہ معاش لغی چرخےآں تے کپڑا بنان دا کام شروع کیتا۔ طلباء دے نال خود وی کم کریاا کردے سن۔ مخدوم بلاول دے کئی طلباء تے پیروکار سن ۔ مخدوم صاحب عام عوام دے ہمدرد تے محب وطن سن جس وجہ نال عام آدمی وی اس دے عقیدتمند سن۔[1][2]

شہادت[لکھو]

مخدوم بلاول شہید دی شہادت دے بارے وچ تاریخ وچ تذکرہ موجود ہے۔ 1521ء وچ شاہ بیگ ارغون نے سندھ تے حملہ کر کہ ٹھٹہ اُپر قبضہ کیتا۔ باغبان تے حملے دی مخدوم، اس دے طلباء تے عقیدت منداں نے شاہ بیگ ارغون دی شدید مزاحمت کیتی۔ بعد وچ سازش دے ذریعے شاہ بیگ ارغون نے مخدوم نوں 929ھ بمطابق 1451ء وچ شہید کروا دتا ۔

مزار[لکھو]

مخدوم بلاول شہید دا مزار ضلع دادو دے پنڈ مخدوم بلاول دے قبرستان وچ واقع ہے۔ ہر مہینے دے پہلے جمع تے مخدوم صاحب دے مزار تے میلے دی طرح تقریبات منعقد ہوندیاں نیں جسنوں سندھی وچ “ماہ پیرو جمعو” کہندے نیں۔

حوالے[لکھو]