مظفر وارثی
| مظفر وارثی | |
 | |
| Muzaffar Warsi
| |
| جنمستھان : | میرٹھ، برٹش انڈیا |
| جمݨ دیہاڑا : | 23 دسمبر 1933 |
| مرن دیہاڑا : | 28 جنوری 2011 |
| مرنستھان : | لہور پنجاب |
| کم : | شاعر، لکھاری، حمد تے نعت خواں |
مظفر وارثی پاکستان دے نامور نعت ، حمد ، نظم ، غزل تے گیت لکھاری سن ۔ اوہ 23 دسمبر 1933 نوں میرٹھ، برٹش انڈیا وچ جمے تے پاکستان بݨݨ مگروں اوہناں دا ٹبر لہور پنجاب آ گیا ۔ اوہناں نے اپݨا بچپن تے باقی ساری حیاتی پنجاب وچ گزاری ایس لئی اوہ ایتھے دے ماحول وچ رچ بس گئے ۔
ناں
[سودھو]مظفر وارثی دا جماندرو ناں مظفرالدین صدیقی اے ۔ اتر پردیش دے ضلع بارابنکی دے علاقے دیوا نال تعلق رکھݨ آلے اک صوفی بزرگ وارث علی شاہ دی عقیدت وچ مظفر وارثی نے اپݨے ناں نال وارثی دا پچھیتر لا لیا ۔
نجی جیون
[سودھو]مظفر وارثی دا ٹبر پاکستان بݨݨ مگروں لہور پنجاب آ گیا ۔ اوہناں دے والد دا ناں صوفی محمد شرف الدین احمد سی ۔ مظفر وارثی دا اک بھراء ، دو بھیݨاں تے تِن دھی آں تے اک پُتر اے ۔
پیشا ورانا جیون
[سودھو]مظفر وارثی نے سٹیٹ بینک پاکستان وچ نایب خزانچی دی حیثیت نال ملازمت دا آغاز کیتا ۔ ایس توں علاوہ فِلماں واسطے گیت لِکھے فیر ہولی ہولی گیتاں توں نعتاں تے حمد ول رجحان ہو گیا تے بے پناہ شہرت حاصل کیتی ۔ اخبار نواۓ وقت وچ رباعیاں وی لکھیاں ۔
شاعری
[سودھو]اردو شاعری وچ مظفر وارثی نے بڑا مقام بنایا ۔ مظفر وارثی دی شاعری توں علاوہ اوہناں دی طرزِ گائیکی تے آواز بہت منفرد سی ۔ اوہ اپݨا کلام بڑی سوہݨے انداز وچ پڑھدے سن ۔
اوہناں نے 32 اردو فِلماں واسطے گیت لِکھے ۔
- کیا بھلا مجھ کو پرکھنے کا نتیجا نکلا
زخمِ دل آپ کی نظروں سے بھی گہرا نکلا - لتا منگیشکر تے جگجیت سنگھ دی گائی ہوئی اک غزل
- چترا سنگھ اکثر مظفر وارثی دیاں غزلاں گاوندی اے Archived 2006-05-14 at the وے بیک مشین
- پاکستانی گلوکار مسعود رانا نے سبھ توں زیادہ مظفر وارثی دا کلام گایا۔
'فلم ہمراہی لئی مظفر وارثی دے سَت گیت، جیہڑے مسعود راݨا نے گائے:
'کیا کہوں اے دنیا والو، کیا کہوں میں' (فلم: 'ہمراہی': 1966, کلام: مظفر وارثی، موسیقی: تصدق)
'کرم کی اک نظر ہم پر۔..یا رسول اللہ'۔
'ہو گئی زندگی مجھے پیاری'۔
'نقشا تیری جدائی کا اب تک میری نظر میں ہے'۔
'مجھے چھوڑ کر اکیلا، کہیں دور جانے والے'۔
'قدم قدم پہ نئے دکھ'۔
'یاد کرتا ہے زمانہ انہی انسانوں کو'۔
'پکارا ہے مدد کو بے کسوں نے، ہاتھ خالی ہے'۔
کتاباں
[سودھو]مظفر وارثی نے 20 توں زیادہ کتاباں لِکھیاں ۔ ایس توں علاوہ اپݨا سوجیون ناواں گئے دِنوں کا سراغ وی لکھیا ۔ اوہناں دیاں کتاباں :
- برف کی ناؤ
- بابِ حرم
- لہجہ
- نورِ ازل
- الحمد
- حصار
- لہو کر ہریالی
- ستاروں کی آبجو
- کعبہِ عشق
- کھلے دریچے بند ہوا
- دل سے درِ نبی تک
- ظلم نہ سہنا
- کمند
- گئے دِنوں کا سراغ
نعتاں تے حمداں
[سودھو]مظفر وارثی نے 1972 ء توں بعد نعت گوئی ول زیادہ توجہ مرکوز کیتی ۔ اوہناں دی ہوئی حمد کوئی تو ہے جو نظام ہستی چلا رہا ہے وہی خدا ہے نوں نصرت فتح علی خان نے اپݨے مخصوص انداز وچ گا کے ہمیشا ہمیشا لئی امر کر دتا ۔ مظفر وارثی نے ہزاراں نعتاں لکھیاں ۔
اعزازات
[سودھو]حکومتِ پاکستان نے مظفر وارثی نوں 14 اگست 1988 ء نوں صدارتی اعزار تمغا حسن کارکردگی ( پرائِڈ آف پرفارمنس ) عطا کیتا ۔
وفات
[سودھو]مظفر وارثی 28 جنوری 2011 نوں جوہر ٹاﺅن لہور وچ فوت ہو گئے تے جوہر ٹاﺅن لہور دے قبرستان وچ دفن نیں ۔