نواب مرزا داغ

وکیپیڈیا توں
Jump to navigation Jump to search
نواب مرزا داغ دہلوی
جنمستھان : دہلی
جمݨ دیہاڑا : 25 مئی 1831
مرنستھان : حیدرآباد دکن
مرݨ دیہاڑا : 17 مارچ 1905
مذہب : اسلام
کم : شاعر
تخلص : داغ
گُݨ : غزل، قصیدہ، مخمس، مثنوی
ماں : وزیر خانم
پیو : شمس الدین (نواب فیروزپور جھرکا)

پورا ناں نواب مرزا خاں تے تخلص داغ سی۔ 25 مئی 1831ء نوں چاندنی چوک دہلی چ جمے۔ حلے 6 سال دے ای سن جد اوہناں دے ابا جی نوں ولیم فیسر دے قتل دے الزام چ پھانسی دتی گئی۔ مرزا داغ دے والد نواب شمس الدین ریاست جھجر دی اک چھوٹی نوابی ریاست فیروزپور جِھرکا دے نواب سن۔اوہناں دی ماں نے نواب شمس الدین خان دی پھانسی مگروں بہادر شاہ ظفر دے پُتر مرزا فخرو نال دوجا بیاہ کر لیا۔ ایس طرحاں داغ قلعہ معلا وچ ای پلے ودھے۔ فخرالملک مِرزا فخرو ہیضے دی بیماری چ مبتلا ہو کے فوت ہوگئے۔ بہادر شاہ ظفر تے مرزا فخرو دوویں ابراہیم ذوق دے شاگرد سن۔ داغ نوں وی ابراہیم ذوق توں فیض حاصل کرن دا موقع ملیا۔ مرزا داغ دی زبان بناوݨ تے سوارݨ چ ابراہیم ذوق دا یقینن بہت بڑا حصہ اے۔ غدر توں بعد رام پور پہنچے جتھے نواب کلب علی خان نے مِرزا داغ دی قدردانی کیتی تے باقاعدہ ملازمت دے کے اپنے کول رکھیا۔ مرزا داغ 24 سال تک رام پور چ رہے۔ ایس عرصے چ اوہناں نے بڑے آرام و سکون تے عیش و عشرت چ ویلا گزاریا۔ ایتھے ای اوہناں نوں حجاب نال محبت ہوئی تے اوہدے عشق چ کلکتے وی گئے۔ مثنوی فریادِ عشق ایس واقعہ عشق دی تفصیل اے۔ نواب کلب علی خان دی وفات توں بعد حیدرآباد دکن دا رخ کیتا۔ نظام دکن دی استادی دا شرف حاصل ہویا۔ دبیر الدولہ، فصیح الملک، نواب ناظم جنگ بہادر دے خطاب ملے۔ 1905 چ فالج دی وجہ نال حیدرآباد دکن چ وفات پائی ۔ مِرزا داغ نوں جِنے شاگرد ملے اِنے کسے وی شاعر نوں نہ مل سکے۔ اوہناں دے شاگرداں چ اقبال، جگر مراد آبادی، سیماب اکبر آبادی تے احسن مارہروی ورگے مشہور شاعر وی شامل نیں۔ اوہناں دے جانشین نوح ناروی اک مشہور شاعر نیں۔