ازمیر
| ازمیر | |
| İzmir | |
 |
|
| دیس: | ترکی  |
| صوبہ : | ازمیر |
| تھاں | 310.43 مربع کلومیٹر |
| لوک گنتی: | 3.739.353 |
| بولی: | ترک |
ازمیر ترکی دا تیجا وڈا شہر تے استمبول دے بعد دوجی وڈی بندگاہ اے ۔ ایہہ بحیرہ ایجیئن دے ساحلاں تے واقع اے ۔ ایہہ صوبہ ازمیر دا راجگھر اے ۔ شہر 9 شہری ضلعاں چ ونڈیا ہوئیا اے ۔ 2000ء دے مطابق اس دی آبادی 24،09،000 تے 2005ء دے مطابق 35،00،000 اے ۔ اس شہر نوں یونانی سمرنا کہندے نیں تے ترک ازمیر آکھدے نیں ۔
[لکھو] تریخ
ایہہ شہر لمبے چر تک رومی سلطنت دا حصہ رہیا تے رومی سلطنت دی تقسیم دے بعد بازنطینی سلطنت دا حصہ بنیا ۔ عثمانی سلطان بازید یلدرم (بایزید I) نے 1389ء چ شہر نوں فتح کرکے سلطنت عثمانیہ چ شامل کیتا سی پر بایزید دی تیموری سلطنت دے امیر تیمور دے ہتھوں شکست دے نال ای ایہہ فیر مقامی ترک قبیلیاں دے قبضے چ چلا گئیا ۔ 1425ء چ مراد II نے سمرنا نوں دوبارہ فتح کیتا ۔ سقوط غرناطہ دے بعد سپین چوں کڈے گئے یہودیآں دی وڈی تعداد اس شہر چ آئی ۔
[لکھو] جدید تریخ
جنگ عظیم اول چ سلطنت عثمانیہ دی شکست دے بعد اتحادیاں نے اناطولیہ نوں مختلف حصیاں چ ونڈ لئیا تے معاہدہ سیورے دے تحت ترکی دا مغربی حصہ ازمیر سمیت یونان دے حصے چ آئیا ۔ 15 مئی 1919ء نوں یونانی فوجاں نے ازمیر تے قبضہ کرلئیا پر اناطولیہ دے گھب ول پیش قدمی اینہاں لئی تبان کن ثابت ہوئی ۔ تے 9 ستمبر 1922ء چ ترک فوجاں نے ازمیر دوبارہ حاصل کرلئیا ۔ جس دے نال ای ترک یونان جنگ دا خاتمہ ہوگئیا تے معاہدہ لوزان دے تحت دوناں ملکاں وشکار آبادی دا تبادلہ ہوئیا ۔
ازمیر نوں ایجیئن دا موتی وی آکھیا جاندا اے ۔
