تیموری سلطنت

Wikipedia توں
جاؤ: پاندھ, کھوج
تیموری سلطنت
 : وسطی ایشیا دی اک سلطنت
1370ء توں 1526ء
Timurid.svg
تیموری سلطنت دا جھنڈا
Timurid Dynasty 821 - 873 (AH).png
تیموری سلطنت اپنی ودھ توں ودھ وسعت چ
راجگھر
سمرقند ، ہرات
بولی فارسی
مذہب اسلام
طرز حکومت
مطلق العنان بادشاہت
امیر
1370ء توں 1405ء امیر تیمور
1506ء توں 1507ء مظفر حسین
تریخی ویلا
قرون وسطی
تیمور نے سلطنت دی نیہہ رکھی
1370ء
ازبکاں نے محمد شیبانی دی اگوائی چ سمرقند فتح کیتا 1509ء
ہرات نے شیبانی دا مل 1526ء
رقبہ
1405ء اندازا
46 لکھ مربع کلومیٹر

تریخ چ دو سلطنتاں تیموری سلطنت دے ناں نال مشہور نیں ، جنہاں چ پہلی امیر تیمور دی وسطی ایشیا تے ایران چ قائم کیتی ہوئی تیموری سلطنت سی جدوں کہ دوجی ظہیر الدین بابر دی ہندستان چ قائم کیتی ہوئی مغلیہ سلطنت وی تیموری سلطنت کہلاندی اے ۔

تیموری جہڑے خود نوں گورکانی کہندے سن ، وسطی ایشیا دے ترک منگول نسل دے فارسی تہذیب اپنائے ہوئے سنی مسلمان سن ۔ تیموری سلطنت چ پورا وسطی ایشیا ، ایران ، افغانستان تے پاکستان ، ہندستان ، بین النہرین (عراق) ، اناطولیہ تے قفقاز دے وڈے علاقے شامل سن ۔ اس سلطنت دی نیہہ جنگجو فاتح امیر تیمور نے 14ویں صدی عیسوی چ رکھی ۔

16ویں صدی عیسوی ج تیموری شہزادے ، وادی فرغانہ دے حکمران بابر نے ہندستان تے حملہ کیتا تے مغلیہ سلطنت دی بنیاد رکھی ۔ جس دی حکومت برصغیر دے تقریبا سارے علاقےآں تے سی تے اورنگزیب دی موت دے بعد 18ویں صدی ج زوال ول ٹری تے آخرکار جنگ آزادی 1857ء دے مگروں برطانوی راج نے اسدا خاتمہ کر دتا ۔


امیر تیمور دی تیموری سلطنت[لکھو]

اس سلطنت دا بانی امیر تیمور سی ، جس دا چنگیز خان دے خاندان نال قریبی تعلق سی ۔

ابتدا[لکھو]

تیموریاں دا تعلق منگول خانہ بدوش وفاق یاں قبیلے برلاس نال چ ، جہڑا چنگیز خان دی فوج دا اک حصہ سی ۔ منگولاں دی وسطی ایشیا دی فتح دے مگروں برلاس ترکستان چ آباد ہو گئے {جہڑا فیر مغلستان وی کہلان لگا ) جہڑے مقامی ترک آبادی چ رل مل گئے ۔ امیر تیمور دے اقتدار ویلے برلاس اپنے رہن سہن تے بولی چ مکمل طور تے ترک بن گئے سن ۔ اس دے نال ، اسلام قبول کر کے وسطی ایشیائی ترکاں تے منگولاں نے ایرانی فارسی ادبی تے اعلی ثقافتی رہتل وی اپنا لئی ، جہڑی وسطی ایشیا چ اسلام دے ابتدائی دور توں ای غالب سی ۔ فارسی تہذیب راہیں تیموری اشرافیہ نے فارسی اسلامی تہذیت تے درباری ثقافت نوں اپنا لیا ۔

سلطنت دی ابتدا[لکھو]