اشوریہ

Wikipedia توں
جاؤ: پاندھ, کھوج

اشوریہ ، تقریبا 2 ہزار سال قبل مسیح اتلے عراق چ دریائے دجلہ تے دریاۓ فرات (بین النہرین) دے وچکارلے علاقے چ ودھن پھلن آلی اک قدیم تہذیب (رہتل99 تے سلطنت سی جہڑی اپنے عروج چ مصر ، شام ، لبنان ، آرمینیا ، ایلم (لہندا دکھنی ایران تے بابل تک پھیلی ہوئی سی ۔ شروع چ اسدا راجگھر شہر اشور (اج دا قلعہ شرغتہ ، جہڑا موصل تون 55 میل دکھن ج واقع اے ) سی ۔ اس لئی اس دے ناں اتے سلطنت دا ناں اشوریہ پئے گیا ۔ بعد چ اشوری حکمراناں نے شہر نینوا نوں اپنا راجگھر بنایا تےاوتھے عظیم الشان محل ، معابد تے دوجیاں عمارتاں تعمیر کیتیاں ۔


شاہ اشور بنی پال دے مرن مگروں سلطنت اشوریہ دا زوال شروع ہویا تے 612 ق م ج اہل بابل نے نینوا اتے مل مار کے اشوری سلطنت دا خاتمہ کر دتا ۔ صرف اسدا ناں اسیریا (اشوریہ) یونانی لفظ سیریا دی شکل چ باقی رہیا ۔ جہڑا ہن مشرق وسطی دے اک نویں دیش شام دا ناں اے ۔

اشوریاں دے مذہبی عقیدے قدیم سومیری تے بابلی عقیدے توں ماخوذ سن ، اینہاں دا سبتوں وڈا دیوتا اشور سی ، جس دا سر گرج(گدھ) تے باقی جسم انسان دا سی ۔ اشوری علم تے فن دے دل دادہ سن ۔ نینوا دی کھدائی توں جنہاں عمارتاں دے کھنڈرات دریافت ہوئے نیں ، اوہ اینہاں دی عظمت دی گواہ نیں ۔ شاہ اشور بنی پال دے شاہی کتب خانے چ مذہب ، تریخ ، جغرافیہ تے دوجے موضعاں اتے 40 ہزار کتاباں سن ، ایہہ کچی مٹی دیاں تختیاں اتے لکھیاںگئیاںسن۔