روبوٹی خلائی گڈی

Wikipedia توں
جاؤ: پاندھ, کھوج
عطارد تے میسنجر خلائی گڈی اک مصور دی نظر چ


روبوٹی خلائی گڈی ، بغیر انسان دے ٹرن آلی اک خلائی گڈی اے ، جہڑی عام طور تے ٹیلی روبوٹک کنٹرول تحت ہندی اے ۔ ساؤنسی تحقیقی پیمائشاں کرن لئی ڈیزائں کیتیاں گیاں روبوٹی خلائی گڈیاں نوں اکثر سپیس پروب آکھیاجاندا اے ۔ بوہت سارے خلائی مشن ، گھٹ لاگٹ تے گھٹ خطرے پاروں ، انسان بردار خلائی آپریشناں دیبجائے ٹیلی روبوٹک آپریشن لئی زیادہ مناست ہندے نیں ۔ اس دے علاوہ کجھ سیارے تے پہنچ ، جداں زہرہ یاں مشتری دے آلے دوالے ، موجوہ ٹیکنالوجی نال ، انسان دے زندہ رہن لئی ناممکن اے تے روبوٹی خلائی گڈیاں نال ای ایتھے مشن سرانجام دتے جاندے نیں ۔ دور دے پاندھی ،جداں مشتری ، یورینس تے نیپچون ،اینے دور نیں کہ اج دی انسان برادر خلائی پرواز ٹیکنالوجی نال ایتھے نئیں پہنچیا جا سکدا ، اس لئی ٹیلی روبوٹک پروب اینہاں دی کھوج دا واحد راہ اے ۔

بوہت سارے مصنوعی سیارچے روبی خلائی گڈیاں نیں ۔



تریخ[لکھو]

پہلا خلائی مشن سپوتنک 1 ، اک مصنوعی سیارچہ سی ،جہڑا سویت یونین نے 4 اکتوبر 1957ء چ زمین دے مدار چ چھڈیا سی ۔ 3نومبر 1957ء چ سویت یونین نے سپوتنک 2 مدار چ بھیجیا ، جس چ پہلی وار اک جیندا جانور - اک کتا خلا چ گیا ۔

اس دے مگروں صرف 7 دوجے دیساں اپنے خود دے راکٹ ورتدے ہوئے مدار چ کامیابی نال مشن گھلے ،اینہاں دیساں چ امریکہ ،فرانس (1965)، جاپان (1970ء) ، چین (1970ء) ، برطانیہ (1971ء) ، ہندستان 01981ء) تے اسرائیل (1988ء) شامل نیں ۔

ہن 2009ء چ ایران نے وی اپنا اک راکٹ خلا چ چھڈیا اے ۔


ڈیزائن[لکھو]

خلائی گڈی دے ڈیزائن چ ، امریکی فضائیہ نے اک ایسی گڈی بنان تے توجہ دتی ، جہڑی مشن پے لوڈ تے بس (یاں پلیٹ فارم) تے مشتمل ہوئے ۔ بس جسمانی ساخت ، تھرمل کنٹرول ، الیکٹرک پاور ، بلندی تے ٹیلی میٹری ، ٹریکنگ تے کمانڈنگ مہیا کرے گی ۔


کنٹرول[لکھو]

روبوٹی خلائی گڈیاں ڈیٹا تے گڈی بارے معلومات لئیزمین تے رابطے تے مواصلات لئی ٹیلی میٹریورتدیاں نیں ۔ اس نوں عام طور تے ریموٹلی کنٹرول یاں ٹیلی روبوٹک آکھیا جاندا اے ۔ شروع شروع دیاں خلائی گڈیاں ، جداں سپوتنک 1 تے ایکسپلورر 1 وغیرہ زمین توں کنٹرول سگنل وصول نئیں کر سکدیاں سن ۔ اینہاں پہلیاں خلائی گڈیاں دے فورا مگروں ، کمانڈ سسٹو بنائے گئے جنہاں راہیں زمین توں اینہاں گڈیاں نوں ریموٹ کنٹرول کیتا جان لگا ۔


ہور ویکھو[لکھو]


باہرلے جوڑ[لکھو]