سینٹ پیٹرز برگ مسیت

Wikipedia توں
جاؤ: پاندھ, کھوج
سینٹ پیٹرزبرگ مسیت

سینٹ پیٹرزبرگ مسیت (روسی بولی چ سانکت پیؤتربورگ میچت) روس دے شہر تے روسی سلطنت دے راجگھر سینٹ پیٹرزبرگ دی سب توں وڈی مسجد اے ، جدوں 1913ء چ اس مسیت دا افتتاح ہوئیا تے اوس ویلے ایہہ یورپ دی سب تون وڈی مسجد سی ۔ اس دے میناراں دی بلندی 48 میٹر اے جدون کہ گنبد 39 میٹر اچّا اے ۔ اس چ 5 ہزار نمازیاں دی گنجائش اے ۔

اس مسیت دا نیہہ پتھر 1910ء چ خانان بخارا( خانیٹ آف بخارا) دے امیر عبدالاحد خان اقتدار دی 25ویں سالگرہ دے موقع تے رکھئیا گئیا ۔ اس مسیت نوں امیر بخارا دے نال موسوم کیتا گئیا ، کیونجے اس نے مسیت دی اساری دے سارے اخراجات اپنے ذمے لئے سن ۔

اوس ویلے روسی راجگھر چ مسلماناں دی گنتی 8 ہزار دے لاگے سی تے اینہاں دی اک وڈی گنتی اس چ اکو ویلے اکٹھی نماز پڑھ سکدی سی ۔ تعمیراں دے ماہر الیگزینڈر وان گوگن نے اس مسجد نوں سمرقند چ واقع امیر تیمور دے مقبرے گور امیر نال ملدے جلدے انداز چ تعمیر کیتا ۔ اس دی تعمیر 1921ء چ مکمل ہوئی ۔

زنانیاں لئی نماز دی تھاں دوجی منزل تے اے ۔ جدوں کہ مرد پہلی منزل تے نماز پڑھدے نیں ۔ مسیت نوں دوجی جنگ عظیم دے دوران 1940ء توں 1956ء تک عبادت لئی بند کر کے اک گودام چ تبدیل کر دتا گئیا سی ۔ 1956ء چ سینٹ پیٹرزبرگ دے دورے دے موقعے تے انڈونیشیا دے پہلے صدر سوئیکارنو دے مطالبے تے مسجد نوں واپس مسلماناں دے قبضے چ دے دتا گئیا ۔ 1980ء چ مسیت چ نوین اساری دا کم کیتاگئیا۔