ہٹلر

سے Wikipedia

جاو: مدد, کھوج

وکیمیڈیا کامنز چ مورتاں: ہٹلر

ایڈولف ہٹلر

جرمنی دا چانسلر
30 جنوری 1933 توں 30 اپریل 1945 تک
جمن پو:	براوناو آسٹریا
جمن دیاڑہ :	20 اپریل 1889
سیاسی پارٹی:	نازی پارٹی
تمغے:	آئرن کراس
دسخط:
ٹبری :	ایوا براؤن
مریا :	30 اپریل 1945

ایڈولف ہٹلر آسٹریا چ جمیا۔ اوہ جرمن سیاستدان تے نازی پارٹی دا سردار سی۔ اوہ 1933 توں لے کے 1945 تک جرمنی دا چانسلر ریا۔

ہٹلر 1889 چ آسٹریا چ پیدا ہویا۔ جرمن فوج وچ شامل ہویا۔ پہلی جنگ عظیم لڑی۔ 1919 چ اوہ نازي پارٹی چ شامل ہوگیا بالآخر اوہ 1933 چ جرمنی دا چانسلر بن گیا۔ جرمن فوج نیں یورپ دے بوت وڈے علاقے تے قبضہ کیتا لیکن بالآخر اونہوں شکست ہوئی تے ہٹلر نیں 1945 چ خودکشی کر لئی۔

[لکھو] جیون

ہٹلر براؤ ناؤ ءآسٹریا ہنگری چ 20 اپریل 1889 نوں جمیا۔ اودے پیو دا ناں الوئس ہٹلر تے ماں دا ناں کلارا سی۔ ہٹلر نے ویانا چ آرٹسٹ بنن لئی داخلا لین دی کوشش کیتی پر اونوں داخلہ نہ لبیا۔ پہلی وڈی جنگ ٹری تے ہٹلر فوج چ پعرتی ہوگیا تے سپاہی ہوندیاں ہوئیاں بیلجیم تے فرانس چ لڑدا ریا۔ لڑائی چ جیداری وکھان تے اونوں دو واری تمغے لبے۔ ہٹلر نوں جرمنی مڈ توں پسند سی گا۔ اونوں بڑا چٹکا لگیا جدوں 1918 چ جرمنی نے ہتھیار سٹ دتے۔۔ لڑائی توں بعد ہٹلر میونخ آگیا تے ایتھے سیاسی پارٹیاں دے کماں چ کم کرن لگ گیا۔

1923 چ ہٹلر نے حکومت تے مل مارن دی کوشش کیتی پر پھڑیا گیا اودے کج ساتھی اونوں چھڑ گۓ تے کج مارے گۓ۔

[لکھو] مائن کیمف

مائن کیمف جیل دے اندر لکھی گئی اودی کتاب اے۔ مائن کیمف دا جرمن چ مطلب اے میری کوشش۔ اس کتاب چ ہٹلر اپنیاں سوچاں نوں دسیا۔

[لکھو] چانسلر

جیل توں بار تں مغروں ہٹلر نے اپنی پارٹی نوں تغڑا کیتا تے 1933 دیاں چوناں چ اودی پارٹی جرمنی چ سرکار بنان دے ویلے تے آ گئی تے ہٹلر نوں چانسلر بنا دتا گیا۔پر ہٹلر دی پارٹی کول ریشتاغ دا تیجا خصہ سی۔ ہٹلر نے ریشتاغ چ اگ دا ڈرامہ رچایا چناؤ دوبارہ ہوۓ ہٹلر نے نے سرکاری زور تے پیسے نوں ورتیا تے بوتے ووٹ لے کے ریشتاغ چ آگیا۔ ہٹلر نے جرمن اکانومی نوں تکڑا کیتا۔ بے روزگاری مکادتی تے زنانیاں نون آکھیا جے اوہ کعر رین بچے جمن تے کعر سنبالن۔

[لکھو] سیاست

ہٹلر نے جپان نال یاری کیتی تے آسٹریا نوں بن بن کے جرمنی وچ ملا دتا چیکوسلویکیا دے جرمناں دی ہالاشیری نال چیکوسلویکیا نوں وی جرمنی نال رلا دتا۔

[لکھو] لڑائی

1939 چ ہٹلر نے ادے پولینڈ تے مل مار لیا تے دوجے ادے تے روس نے اس گل تے برطانیہ تے فرانس نے جرمنی نال لڑائی چھیڑ دتی جیڑی ہولے ہولے سارے یورپ تے ساری دنیا چ پھیل گئی۔ جرمنی نے فرانس نیدرلینڈز بیلجیم ڈینمارک ناروے یوگوسلاویا یونان اٹلی اتلے افریقہ تے کافی سارے روس تے مل مار لیا۔ روس چ لڑائی دور تک گئی۔ جرمن فوجاں نے سینٹ پیٹروبرگ دا تن ورے تک کعیرا پائی رکھیا پر اوناں نوں پچھے ہٹنا پیا۔ جرمن فوجان ماسکو توں 25 میل دور سن تے اوتھوں اوناں نوں پچھے ہٹنا پیا ۔سٹالن گراڈ دی لڑائی جرمناں نوں مینگی پئی۔ ایتھوں دی ہار نے اونان دا لک پن دتا تے ہولے ہولے اوہ پجھے ہٹدے گۓ۔ ایس ویلے ہٹلر ضدی ثابت ہویا۔ اوہ کسے وی تھان تون پچھے نین سی ہٹنا چاندا سی۔ تے اینج ضد چ وی چوکھی ساری جرمن فوج ماری گئی۔

امریکہ نے لڑائی چ آکے اتحادیاں سمان تے بندیاں نال ہتھ وٹایا تے جرمناں نوں تکا لا کے جرمنی تک لے آیا۔ ہٹلر نوں ہار جدوں سامنے دسی تے اونے برلن ج اپنے بنکر چ گولی مار کے خودکشی کرلی۔ ہٹلر جرمناں لئی تباہی دا دیوتا ثابت ہویا۔ اونے سب توں چوکھا نقصان اپنے دیس نوں ای دتا۔ بے انت جرمن مارے گۓ جرمنی کولون اودے کئی صوبے کھو لۓ گۓ۔ جرمنی نوں چار پاسیاں چ ونڈ دتا گیا۔ اودے راجگڑھ برلن نوں وی چار پاسیاں چ ونڈ دتا گیا۔