ابلیس

آزاد انسائیکلوپیڈیا، وکیپیڈیا توں
رزمیا شاہناما وچ ابلیس دی عکاسی

ابلیس دا تعلق نوعِ جنات نال اے ۔ ایہ مسلسل عبادت، ریاضت تے اپݨے علم دے بل بوتے تے روحانی طور تے ترقی کردے ہوئے اللہ تعالٰی دے انتہائی مقربین وچ شامل ہو گیا جیہدی وجہ نال تکبر وچ آ گیا ۔ اللہ تعالٰی نے جس وقت حضرت آدمؑ نوں خلیفہ مقرر کر کے سبھ نوں اوہناں نوں تعظیمی سجدے دا حکم دتا تاں ابلیس نے تکبر دی وجہ توں انکار کیتا تے مردود بݨ گیا ۔ اس وقت توں ابلیس دی آدم تے بنی آدم نال جنگ جاری اے ۔

کائناتی امور وچ ابلیس دی حیثیت[سودھو]

ابلیس دا سجدے دے انکار توں پہلے ناں عزازیل سی تے اوہ کائنات دے کئی امور وچ اللہ دی طرفوں نگران تے سربراہ مقرر سی تے اللہ دے نظام تکوین دا حصا سی ۔

اختلافِ نیابت و خلافتِ زمین تے شرفِ اشرف المخلوقات، مابین ابلیس و آدم تے ابلیس دا سجدے توں انکار[سودھو]

ابلیس دی خواہش تے توقع دے برعکس اللہ نے آدمؑ نوں کائناتی تے زمینی امور وچ اپݨا نائب تے خلیفہ قرار دتا تے سبھ دوں آدمؑ دے سامݨے تعظیمی سجدے دا حکم دتا ۔ ابلیس نے حسد تے رقابت وچ آ کے اللہ دے حکم دی تعمیل دی بجائے ضد تے تکبر دا مظاہرا کیتا تے اللہ دے اس فیصلے نال اختلاف کردے ہوئے سجدے توں انکار کر دتا تے اوہدی وجہ وی دسی کہ اس منصب دا حقدار میں آں تے تیرا فیصلا غلط اے ۔ اللہ نوں اوہدی ایہ بغاوت نا پسند آئی تے ابلیس ہمیشا واسطے نافرمان تے مردود قرار پایا ۔

آدم و ابلیس دی جنگ[سودھو]

اللہ دی بارگاہ وچوں رد ہوݨ توں بعد ابلیس نے تہیا کیتا کہ اوہ آدمؑ کولوں ہر حال وچ انتقام لوے گا ۔ اوہ اس تاک وچ رہیا تے آدمؑ و حواؑ دی رہائش جنتِ عدن تک رسائی دا سوچݨ لگا جیہدے واسطے مور تے نانگ اوہدے چکر وچ آگئے جیہناں نوں استعمال کر کے اوہنے جنت وچ حواؑ تک رسائی حاصل کیتی تے ممنوعا درخت دے کول جاݨ واسطے اکسایا تے اپݨا مکر دا ڄال پھیلایا ۔ بعد وچ آدمؑ و حواؑ ممنوعا درخت کول جا کے نافرمان ہو گئے تے جنت توں خارج ہو کے اسفل سافلین یعݨی زمین تے بھیج دِتے گئے ۔ مگر ابلیس دا انتقام فیر وی ختم نہ ہویا تے اوہنے آدمؑ دے بنی آدمؑ نال تا قیامت جنگ دا اعلان کر دتا ۔ جس توں حفاظت واسطے انساناں وچ انبیاءؑ مبعوث کیتے گئے ۔

ابلیس دی اللہ تعالٰی نال بغاوت[سودھو]

آدمؑ تے حواؑ نے اللہ کولوں معای منگ لئی ۔ جیہدے نال اوہناں نوں جنت وچ واپس تاں نہ بھیجیا ڳیا مگر اوہناں دی خلافت برقرار رہی ۔ ایہ گَل ابلیس نوں گوارا نئیں سی اس لئی اوہنے انسان نوں بھٹکاوݨ دا ہورا ڄال تیار کیتا تے غیرمرئی تخریبی نظام قائم کیتا ، اللہ تعالٰی دی مشیت نوں قبول کرݨ دی بجائے اوہدے نال بغاوت تے جنگ دا اعلان کیتا ۔ اوہ اڄ وی جاری اے تے تا قیامت جاری رہنی اے ۔


ٻاہرلے جوڑ[سودھو]

حوالے[سودھو]

ہور دیکھو[سودھو]