بائیومیٹرک

بائیومیٹرک

اس ٹکنیک دی ورتوں کیتی جا رہی اے

بائیومیٹرک ٹکنیک نال اسیں کسے وی انسان دیاں فیزیکل خاصیتاں دی پرکھ کرکے اس نوں پہچان سکدے ہاں۔ اس تکنیک نال انسان دے نجی عملاں نوں ماپیا جا سکدا اے۔ اس ٹکنیک دا موڈھی سر ولیئم ہرشل نوں منیا جاندا اے اہناں نے اس تکنیک دی ورتوں سن 1858 ء نوں کیتی سی۔ قدرت ولوں ہریک انسان دیاں انگلیاں، انگوٹھے اتے اکھاں دیاں پتلیاں دے نشان، ہتھ دیاں ناڑیاں، چہرہ دی پہچان، چہرے دے نقوش، ڈی این اے، ہتھیلی دا نشان، ہتھ دی جیامتی، سگندھ وغیرہ دنیا وچ کسے وی ہور انسان نال میل نہیں کردے، چاہے اوہ کسے پروار دے وچ جڑواں بچے ہی کیوں نہ ہون۔ بھارت وچ جدوں کسے انسان دا ولکھن شناختی نمبر یا شناختی کارڈ بنایا جاندا اے تاں اس دے انگوٹھے، انگلیاں دے نشان اتے اکھاں دیاں پتلیاں دی فوٹو کھچی جاندی اے۔ اس تکنیک دی ورتوں نال دنیا دے لگبھگ 1.2 بلیئن بندےآں دے کارڈ تیار ہو چکے ہن۔ دنیا دے بہت سارے دیساں نے اس تکنیک نوں اپناء لیا اے۔ خاص کرکے برازیل، کینیڈا، یونان، چین،آسٹریلیا، قبرص، چین، گیمبیا، عراق، اسرائیل، اٹلی، ملائشیا، نیدرلینڈ، نیوزیلینڈ، نائیجیریا، ناروے، پاکستان، لموچی افریقا، تنزانیا، یوکرین، برطانیا، بھارت، جرمنی تے امریکا وغیرا دے نام خاص نیں ۔

خاصیتاں

• اس تکنیک نال اہلکاراں دی حاضری لگائی جا سکدی اے۔ جویں بھارت دے پنجاب وچ وی پرائیویٹ اتے سرکاری اہل کاراں دی حاضری وی بائیومیٹرک تکنیک نال لگنی شروع ہو گئی اے۔
• جہناں طالب علماں نے امتحان دینا اے اس تکنیک نال صحیح پہچان کیتی جا سکدی اے۔ جویں طالب علماں دے داخلے لئی لئے جاندے ٹیسٹ اتے اہلکاراں دی بھرتی ویلے ٹیسٹ لئی انگوٹھے دے نشان لئے جاندے ہن، تاں کہ صحیح انسان دی پہچان ہو سکے۔