شنگریلا جھیل

شنگریلا جھیل پاکستان دے صوبا گلگت بلتستان دے ضلع سکردو وچ واقع اک خوبصورت جھیل اے ۔ ایہ جھیل شنگریلا استراحا (ریزورٹ) دے اندر واقع اے ۔ شنگریلا جھیل دی اک خوبصورتی ایہ وی اے کہ ایہدے کنارے اک سہولیات نال آراستا ہوٹل ، ٹورسٹ ریزورٹ تعمیر کیتا گیا اے جیہڑا ایتھے اوݨ آلے سیاحاں لئی بہترین قیام گاہ اے ۔ شنگریلا ریزورٹ 1983 وچ بݨایا گیا سی ۔ ایہ بلتستان دا پہلا ٹورسٹ ریزورٹ سی ۔ اس جھیل دا صاف شفاف پاݨی ، خوبصورت نظارے تے فرحت بخش موسم سیاحاں لئی کِسے نعمت توں کعَھٹ نئیں ۔ دیو مالائی حُسن نال مالا مال شنگریلا جھیل دنیا پَعھر وچ اک مُنفرد مقام رکھدی اے ۔ ملک دے مُختلف علاقےآں توں گرمی دے ستائے لوک شنگریلا دے مسحور کُن نظارےآں نال لطف اندوز ہوݨ آوندے نیں ۔ ایتھے ہَر پاسے برفیلے پہاڑ، ہریالی تے ٹھنڈک اے ۔ مُلکی تے غیر مُلکی سیاح اپݨے ٹبر سݨے شنگریلا دے سبزا زاراں نوں اپݨا مسکن بݨاوندے نیں ۔

حوالے[سودھو]