سرہند دی لڑائی

سرہند دی لڑائی
مغل سکھ لڑائیاں دا حصہ
تریخ 12 اکتوبر، 1710, سرہند تھاں/ٹکانہ نتیجہ سکھاں دی ہار
لڑاکے
بھائی رام سنگھ، بھائی ہمت سنگھ تے بھائی موہر سنگھ دے سکھ	بایزید خان، شمس خان
آگو
بندہ سنگھ بہادر	یعقوب خان
طاقت
جانکاری نہیں	جانکاری نہیں

سرہند دی لڑائی:راہوں توں سرہند جا رہے بایزید خان نوں جد سکھاں دی امین گڑھ دی لڑائی وچ ہار دی خبر ملی تاں اوہ فوج لے کے سرہند نیڑے پجّ چکا سی۔ اس نال اس دا بھتیجا شمس خان وی سی۔ اوہ اجے کجھ دن پہلاں ہی سکھاں نوں راہوں وچ ہرا کے آئے سن۔ اس کر کے اوہ تکڑے حوصلے اتے اچیاں ہواواں وچ سن۔ اوہ 12 اکتوبر، 1710 دے دن سرہند کول پجّ گئے۔ اس ویلے سرہند وچ بہت تھوڑی جہی ہی سکھ فوج سی۔ صوبیدار بھائی باز سنگھ وی اس ویلے سرہند وچ نہیں سی۔ اس دے باوجود، اگلے دن، 13 اکتوبر نوں، بھائی سکھا سنگھ تے شام سنگھ دی اگوائی ہیٹھ، سکھ فوجاں نے، شمس خان تے بائزید خان دی فوج نال، یعقوب خان دے باغ وچ تے اس دے باہر خوب لوہا لیا۔ پر تھوڑی گنتی اتے بہت گھٹ اسلحہ ہون کارن سکھ بہتی دیر نہ ٹک سکے۔ اس لڑائی وچ بہت سارے سکھ مارے گئے۔ سکھ اپنے جرنیل بھائی سکھا سنگھ دی موت مگروں پچھے ہٹّ کے سرہند دے قلعے وچ جا وڑے پر سکھ بوہتی دیر قلعہ وی قابو وچ نہ رکھ سکے اتے دو دن دی لڑائی مگروں ہنیرے وچ گھیرا توڑدے ہوئے کھرڑ ول بھجّ گئے۔

حوالے