سکاٹ لینڈ

وکیپیڈیا توں
(لیایا گیا اسکاٹ لینڈ)
Jump to navigation Jump to search
سکاٹ لینڈ
ایلبا
Flag of Scotland.svg
Royal Banner of Scotland.svg
جھنڈا
نشان
دیس:برطانیہ
راجگڑھ : ایڈنبرا
رقبہ: 78,772 مدبع کلومیٹر
لوک گنتی: 5,168,500
Scotland Location UK.PNG Britain in Punjabi.png

سکاٹ لینڈ اُبھے لہندے یورپ دے اک دیس برطانیہ دا اک صوبہ اے۔ سکاٹ لینڈ دے دکھن چ انگلینڈ، چڑدے پاسے اتلا سمندر۔ اتر تے لیندے پاسے اوقیانوس سمندر اے۔ سکاٹ لینڈ چ 790 توں اپر جزیرے نیں جناں چ ہیبرڈز اورکنے تے شٹلینڈ دے جزیرے آندے نیں۔۔ ایڈنبرا سکاٹ لینڈدا راجگڑھ اے تے دوجا وڈا نگر اے۔

سکاٹ لینڈ پیلی مئی 1707 نوں انگلینڈ نال رلیا پر سکاٹ لینڈ دا قنون، گرجا، پڑھائی تے رہتل انگلینڈ نالوں وکھرے نیں۔

ناں[لکھو]

سکاٹ لینڈ دا شبد لاطینی بولی دے شبد سکاٹی توں بنیا اے جیہڑا سکا ٹ لینڈ دے لوکاں لئی ورتیا جاندا سی۔


تریخ[لکھو]

سکارا برای، اورکنے چ پتھر ویلے دی بستی
جد برفیلا ویلا  مکن مگروں 12800 ورھے پہلاں ایتھے جیہڑے پہلے لوک آئے سن اوہ شکاری سن۔ ایتھے دے واسیاں دیاں ٹولیاں نے 9500 ورھے پہلاں سکاٹ لینڈ دی زمین تے پکے کوٹھے پائے تے پہلے پنڈ 6000 ورھے پہلاں وسے۔ اورکنے دا سکارا برای پنڈ ایہدی اک مثال اے۔

رومن سلطنت دیاں ولکناں جدوں سکاٹ لینڈ تک اپڑیاں تے دوناں وشکار لڑائی دی نیو پئی۔ سکاٹ ماملیاں توں اپنے نوں وکھ رکھن لئی رمیاں نیں آپنے تے سکاٹ لوکاں وشکار ہیڈرین کند چاڑدتی۔ وشکارلے ویلے چ سکاٹلینڈ تے سکاٹ لوکاں دا ای راج ریا۔ 1603 چ سکاٹلینڈ دا بادشاہ جیمز انگلینڈ دا وی بادشاہ بن گیا۔ 1707 چ انگلینڈ تے سکاٹ لینڈ اک جٹ ہوگئے ۔

جغرافیا[لکھو]

سکاٹ لینڈ وڈے برطانیہ دے جزیرے دا اتلے تیجے انگ تے اے جیہڑا براعظم یورپ دے اتلے لیندے پاسے ول اے۔ سکاٹلینڈ 78,772 مربع کلومیٹر (30,414 مربع میل) تھاں تے اے۔ سکاٹلینڈ دی ولگن صرف دکھن ول انگلینڈ نال جڑدی اے تے ایہ 96 کلومیٹر (60 میل) لمی اے۔ آئرلینڈ ایدے توں لیندے دکھن کنڈے ول صرف 30 کلومیٹر (19 میل) پرے اے تے ناروے چڑھدے ول 305 کلومیٹر (190 میل) اے۔ بن نیوس 1344 میٹر دی اچائی نال سکاٹلینڈ دا سب توں اچا پعاڑ اے۔ دریاۓ ٹے 188 کلومیٹر دی لمبائی نال سکاٹلینڈ دا سب توں لماں دریا اے۔

سکاٹلینڈ دے 790 جزیرے نیں جناں دیاں چار ٹولیاں نیں: بارلے ہیبرڈز، اندرلے ہیبرڈز، شٹلینڈ تے اورکنے۔

گریمپئین، نارتھویسٹ ہائیلینڈز تے ساؤدرن اپلینڈز سکاٹلینڈ دے وڈے پربت دھارے نیں۔گریٹ گلن، گریمپئین تے نارتھویسٹ ہائیلینڈز نوں ایناں دے وشکار لنگ کے دو انگاں چ ونڈ دندا اے۔ سکاٹلینڈ دی سب توں اچی چوٹی بن نیوس اے جیہڑی 1344 میٹر اچی تے گریمپئین دے پربت دھارے چ اے۔ بن مکڈوئی دوجا اچا پعاڑ وی ایسے سلسلے ج اے۔

بولی[لکھو]

سکاٹلینڈ چ انگریزی، سکاٹ تے سکاٹ گالک بولیاں بولیاں جاندیاں نیں۔

مذہب[لکھو]

سکاٹلینڈ دے 12٪ لوک چرچ آف سکاٹ لینڈ دے سنگی نیں تے 40٪ اودے نال اپنا جوڑ دسدے نیں۔ 19٪ اپنا جوڑ کیتھولک چرچ نال دسدے نیں۔ 6572 سکھ تے 6448 یہودی تے 5564 ہندر سکاٹلینڈ چ وسدے نیں۔ 2001 چ 67٪ سکاٹ لوکاں نے اپنے آپ نوں سعائی دسیا تے 28٪ لوکاں دا کوئی مت نئیں سی۔ سکاٹلینڈ چ 40000 لوک مسلمان نیں۔

سیاست[لکھو]

ملکہ الزبتھ II سکاٹلینڈ دی رانی اے پر سرکار سکاٹ پاریمنٹ تے اجکل سکاٹ نیشنل پارٹی چلاندی اے۔

سکاٹلینڈ دے فومی نشان
Three tartans.jpg Milk thistle flowerhead.jpg Bagad.JPG

جنگلی جیون[لکھو]

سکاٹلینڈ دا جنگلی جیون اتلے لیندے یورپ نال رلدا ملدا اے۔ ایتھے جنگلی بلی,پعاڑی خرگوش، لال گالڑ، سنہری عقاب، پڑی گروس، سٹوٹ، گینٹ ہوندے نیں۔فورٹنگال ییو یورپ دا سب توں پرانا رکھ سکاٹلینڈ وچ اے۔

رہتل[لکھو]

گالف تے بیگ پائپ خاص سکاٹلینڈ دی سغات تے ایدی رہتل دا انگ اے جیہڑی پوری دنیا چ مشہور اے۔

مورت نگری[لکھو]

ہور ویکھو[لکھو]

بارلے جوڑ[لکھو]