جمال گوٹا

اضغط هنا للاطلاع على كيفية قراءة التصنيف جمال گوٹا
صورت حال
! colspan = 2 | حیثیت تحفظ
کم تشویشناک انواع
اسمیاتی درجہ	پرجاتی
جماعت بندی
مملکت:	پودا
غير مصنف:	اینگیؤسپرم
غير مصنف:	اؤڈکوٹس
غير مصنف:	روسڈز
طبقہ:	مالپگیالے
نوع:	سی. ٹگلئم
سائنسی نام
Croton tiglium  کارل لنیاس ، ۱۷۵۳
‏‏

جمال گوٹا یا جمال گھوٹا (انگریزی : Croton tiglium) کروٹن ٹِگلیئم ، جیہنوں صاف کرن آلے کروٹن دے ناں نال جاݨیا جاندا اے ، Euphorbiaceae ٹبر وچ پودےآں دی اک قِسم اے ۔ کروٹن ٹگلیئم نوں پنجابی وچ جمال گوٹا کہیا جاندا اے ۔

جمال گوٹا پنجاب تے لموچی ایشیا دے کچھ تھاں واں تے اپݨے آپ اگݨ آلا اک پودا اے ۔ سدا بہار رکھ دی اچائی 10 توں 20 فٹ، پتے 2 توں 4 انچ لمبے پتلے تے تِکھے ہُندے نیں ۔ جیہدے 3 توں 5 سِرے ہُندے نیں ۔ ایہنوں گرمیاں وچ چِٹے رنگ دے پھل گُچھیاں وچ لگدے نیں ۔ سردیاں وچ لگݨ آلے اک انچ لمبے پھل تن حصےآں وچ ونڈے ہُندے نیں ۔ ایہدے پھل چوں تن بی نکلدے نیں ۔

مختلف بولیاں وچ نام

• پنجابی وچ نام جمال گوٹا
• سنسکرت وچ نام جیپال
• ہندی وچ نام جمالگھوٹا
• مراٹھی وچ نام جماگوٹا
• گجراتی وچ نام نیپالو
• بنگالی وچ نام جیپال
• انگریزی وچ نام پرگیٹو کروٹون
• لاطینی وچ نام کروٹون ٹگلیئم

گݨ

• ایہدا رس کوڑا، گن وچ تیز، دیر نال پچن آلا، گرم تاثیر آلا ہندا اے ۔ حکمت وچ ایہدی ورتوں جلاب یا ٹٹیاں لاؤن لئی کیتی جاندی اے ۔
• پِنڈے وچ گرمی ودھݨ نوں ایہ ٹھیک کردا اے ۔ پیلیا، پتھری، قبض، بلغم، پتے دیاں بیماریاں نوں ٹھیک کردا اے ۔

روایتی چینی طب وچ استعمال ہوݨ آلیاں 50 بنیادی جڑی بوٹیاں وچ جمال گوٹا وی شامل اے ۔ جتھے ایہدا نام بی ڈاؤ (چینی: 巴豆) اے ۔ جمال گوٹا سنہالا وچ جپالا / ජාපාල یا "جیاپال" دے نام نال جاݨیا جاندا اے تے ایہ سری لنکا دے سنہالا روایتی طبی نظام وچ ورتیا جاندا اے ۔ ایہدے بی آں نوں وی جمال گوٹا کہیا جاندا اے ۔ ایہ اپݨے زہریلے پن (شدید صاف اثر) لئے مشہور نیں ۔ بی آں نوں گاں دے دُدھ نال روایتی آیوروید زہر مکائی دے عمل وچوں گزرن توں بعد قبض دے علاج لئی استعمال کیتا جاند اے ۔ اس عمل ناں سودھاݨا کہیا جاندا اے ، جیہڑا زہر مکوݨ دی اک عام اصطلاح اے ۔ ایہ پودا زہریلا اے جیہدی چھال نوں تیر دے زہر دے طور تے استعمال کیتا جاندا اے تے ایہدے بی زہر مچھی لئی استعمال کیتے جاندے نیں ۔

ہور دیکھو

• سنگھاڑا

حوالے