سرجیت بِندرکھیا
| سرجیت بندرکھیا | ||
| عام جانکاری | ||
| پورا نام | سرجیت بندرکھیا | |
| جنم | 15 اپریل 1962 ضلع روپ نگر، پنڈ بندرکھ، پنجاب | |
| موت | 17 نومبر 2003 | |
| موت دا کارن | دل فیل | |
| قومیت | بھارتی | |
| پیشہ | گائک | |
| پچھانے ؛کم | دپٹا تیرا سَت رَنگ دا تیرے چوں تیرا یار بولدا لَک ٹݨوں ٹݨوں مکھڑا پیکے ہندے ماواں نال کچے تنداں دیاں اج کَل یاریاں میں تِڑکے گھڑے دا پاݨی | |
| ہور جانکاری | ||
| بچے | گیتاج بندرکھیا | |
| دھرم | سکھ | |
سرجیت بندرکھیا (۱۵ اپریل ۱۹۶۲- [[۱٧ نومبر]] ۲۰۰۳) پنجابی گائک سی۔ سرجیت بندرکھیا ۱۵ اپریل ۱۹٦۲ نوں پنڈ بندرکھّ ضلع روپ نگر وچ پیدا ہویا۔ ۴۱ سال دی چھوٹی جہی عمر وچ ۱٧ نومبر ۲۰۰۳ نوں اس فانی دنیا نوں الوداع کہہ گیا۔ پنجابی دے ۳۴ گیت کاراں دے گیت بندرکھیا نے گائے نیں۔ سبھ توں ودھ گیت شمشیر سندھو دے نیں۔
زندگی
[سودھو]سرجیت دا جنم ۱۵ اپریل ۱۹٦۲ نوں ضلع روپ نگر دے پنڈ بندرکھ وچ پیؤ سچا سنگھ تے ماں گرچرن کور دے ٹبر وچّ ہویا۔ [۱] اس دے پتا جی منے پرمنے پہلوان سن۔ اپنے پِتا نوں گھلدیاں دیکھ سرجیت بندرکھیا اندر وی پہلوانی دی چیٹک لگّ گئی پر جلدی ہی اس نے اس نوں الوداع آکھ دتا۔ کالج پڑھدیاں سرجیت بندرکھیا نوں بھنگڑے نال عِشق ہو گیا۔ اوہنے کالج دے سٹیجاں اتے بولیاں تے بھنگڑا پا کے اپݨی قابلیت دا لوہا منوایا۔ پرسدھ گائک پمی بائی نے اس اندرلی پرتبھا نوں بھانپدیاں اس نوں دلی وکھے ۱۹۸۲ وچّ ہون والیاں ایشیائی کھیڈاں دے سبندھ وچّ کروائے جا رہے ثقافتی میلے وچ شمولیئت کرن لئی رضامند کر لیا۔ سرجیت بندرکھیئے نے اپنی دمدار آواز تے بھنگڑے نال درشکاں دے دللّ جت لئے۔
ہکّ دے زور نال
[سودھو]سرجیت بندرکھیا دی کھچویں آواز نے لوک مناں تے جادوئی اثر کیتا۔ اوہ اپنی پلیٹھی کیسیٹ نال ہی اس زمانے دے ہٹ کلاکاراں دی قطار وچ آ کھڑا ہویا۔ سروتے اس دیاں کیسیٹاں دا بے صبری نال انتظار کردے سن، ویاہاں وچّ ڈی.جے. ’تے وجن والے گیتاں وچّ بہو گنتی گیت سرجیت بندرکھیئے دے ہی ہندے سن۔ اس دے انیکاں گیتاں نے قومانتری پدھر ’تے پرسدھی حاصل کیتی۔ ‘دپٹہ تیرا ستّ رنگ دا’ گیت نوں وشو پدھر دے دس ہٹ گیتاں وچ شامل ہون دا مان پراپت ہویا۔ سرجیت بندرکھیئے دیاں ہُن تک مارکیٹ وچ آئیاں لگپگ 30 دے قریب کیسیٹاں نوں سروتیاں ولوں بھرواں ہنگارا ملیا۔ گیت کار شمشیر سندھو دی قلم تے بندرکھیئے دی آواز نے مل کے اجیہا اتہاس سرجیا جس دی مثال دنیا وچ کدھرے وی نہیں ملدی۔ اس دے انیکاں گیت جنہاں وچوں دپٹہ تیرا ستّ رنگ دا، تیرے ’چوں تیرا یار بولدا، لکّ ٹنوں ٹنوں، مکھڑا، پیکے ہندے ماواں نال، کچے تنداں دیاں اج-کلّ یاریاں اتے میں تڑکے گھڑے دا پاݨی آدی گیت اج وی ہواواں وچ اپݨی مہک بکھیردے نیں۔ سرجیت بندرکھیئے نے جس وی کھیتر وچ پیر پایا بھاویں اوہ کھیتر پہلوانی دا ہووے جاں بھنگڑے دا اتے چاہے پنجابی گائکی دا، قدرت ہمیشا اوہدے اُتے مہربان رہی۔
28 سکنٹ لمی ہیک لا کے عالمی ریکارڈ
[سودھو]قدرت نے اس دے راہاں اتے پھلّ وچھا کے اس دا سواگت کیتا۔ سرجیت بندرکھیئے نے ۲۸ سکنٹ لمبی ہیک لا کے عالمی ریکارڈ قایم کیتا۔ اس نے مرزا، جگنی، ٹپے اتے بیٹ گیتاں نوں ولکھن انداز وچّ گا کے اپنی اک علیٰحدہ پچھان بنائی۔ اس دے گیت پنجابی دیاں نامور فلماں وچ وی گونجے۔ اچے-لمبے قد-کاٹھ تے سوہنی ڈیل ڈول دا مالک سرجیت بندرکھیا جدوں کڑتے، چادرے اتے لشکدی پگّ بنھ کے سٹیج اتے کھڑ اچی ہیک لاؤندا تاں درشک عَش عَش کر اٹھدے۔
موت
[سودھو]۱٧ نومبر ۲۰۰۳ دی چندری گھڑی دا کسے نوں چت-چیتا وی نہیں سی جدوں پنجابی گائکی دے امبر دا چن سرجیت بندرکھیا سدا-سدا لئی گوڈی مار گیا۔ اج اس دا پتّ گیتاج بندرکھیا اپنے پتا دے پائے ہوئے پورنیاں اتے چلن لئی یتنشیل اے۔