حاکم صوفی

حاکم صوفی
تاریخ پیدائش	3 مارچ 1952
وفات	4 ستمبر 2012 (60 سال)  مکتسر
شہریت	بھارت
فنی زندگی
آلات موسیقی	صوت
پیشہ	گلو کار

حاکم صوفی اک اُگھا پنجابی گائک سی۔ پنجابی فلم یاری جٹّ دی وچلے اپنے گیت پانی وچ ماراں ڈیٹاں، ڈفلی اتے سادی اتے صاف-ستھری گائکی لئی جانے جاندے صوفی استاد وجوں ریٹائرڈ سن۔

ستمبر 4، 2012 نوں مکتسر وچ اوہناں دی موت ہو گئی۔

مڈھلی زندگی

حاکم صوفی دا جنم 3 مارچ 1952 نوں ضلع مکتسر دے شہر گدڑباہا وچ پیؤ کرتار سنگھ اتے ماں گردیال کور دے گھر اک غریب پروار وچ ہویا۔ اوہناں دے 3 بھرا اتے 4 بھیناں سن۔ ایہناں وچوں اک بھرا میجر سنگھ اتے اک بھین بلوندر کور پہلاں ہی مر چکے سن۔

دسویں پاس کرن مگروں کجھ سماں کالج اتے پھر دو سالا کورس آرٹ اینڈ کرفٹ کرن لئی اس نوں نابھہ وکھے داخلہ مل گیا۔ حاکم نے ایہہ کورس پورا کر کے 22 جنوری 1976 نوں بٹھنڈہ دے سنگت بلاک تحت پیندے جنگیرانا سکول وچ ڈرائنگ ٹیچر وجوں نوکری کیتی جتھوں 34 سالاں بعد 31 مارچ 2010 نوں سیوا مکت ہوئے۔ حاکم نوں قدرت نال موہ سی۔ اوہناں جنگیرانا سکول اتے گدڑباہا دے شمشان گھاٹ وچ درخت لائے۔

گائکی سماں

سنگیت سکھیا مگروں 1970 وچ حاکم نے گائکی وچ قدم رکھیا اتے اسدا سبھ توں پہلا ریکارڈ "میلہ یارا دا" 1984 وچ ایچ.ایم.وی. کمپنی نے ریکارڈ کیتا جسدے سارے گیت سپرہٹّ رہے۔ صوفی نے زی ٹی. وی. توں پہلی وار "سرمئی شام" پروگرام وچ گیت گائے۔ اس نے نویں سال دے پروگرام موقعے جالندھر دوردرشن توں وی دو گیت پیش کیتے۔ اوہناں دیاں دو کیسٹاں ‘دل وٹے دل’ اتے ‘دل تڑپھے’ بازار وچ آئیاں، تاں ایہناں نوں وی سروتیاں نے بھرواں ہنگارا دتا۔ اس نے ادھی درجن توں ودھ فلماں وچّ وی کم کیتا اتے ورندر دی فلم ‘یاری جٹّ دی’ وچ گایا گیت پانی وچ ماراں ڈیٹاں اسدے سارے گیتاں نالوں ودھ مقبول ہویا۔ اوہ گدڑبہا علاقے دے جگراتیاں ورگے پروگراماں وچ وی اوہ حاضری بھرن جایا کردا سی۔ اوہ سائیں فرید محمد فرید نوں اپنا آدرش منیاں کردے سن۔

اوہدیاں کیسٹاں میلہ یاراں دا، دل وٹے دل، جھلیا دلا وے، سپنا ماہی دا، کول بہکے سن سجنا، دل تڑفے، گبھرو پنجاب دا، عشقَ تیرے وچّ، چرخہ اتے چھلا نے پاکستانی پنجاب دے وچ وی پسند کیتیاں گئیاں اتے اک سمیں اسدا ناں چوٹی دے 10 پنجابی گائکاں وچ وی شمار ہویا۔ اسنے سادی زندگی جیوندیاں کدے اخباراں وچ اشتہار نہیں دتے، اپنے ناء دے بورڈ اتے دفتر نہیں بنائے۔

اعزاز

اس نے پیپلز فورم برگاڑی ولوں لائیف ٹائم اچیومینٹ اوارڈ اتے بٹھنڈہ وکھے نومبر 2011 نوں لال چند یملا جٹّ اوارڈ حاصل کیتا۔

صوفی اتے مان

ڈفلی، جس دا مڈھلا ناں خنجری ہندا سی، نوں سبھّ توں پہلاں حاکم نے ہی سٹیج اتے لیاندا اتے گائکی دے نال نال ایکشن کرن دی پرت دا وی اغاز کریا جس نوں گرداس مان نے اپنایا اتے خوب نام کمایا۔ پہلاں دونوں اکٹھے ہی سٹیج کریا کردے سن، پھر الگّ ہو گئے۔ اک وار 15 سالاں بعد جد دوہاں نے سجنا وے سجنا اکٹھیا گایا، تاں دونو اک دوجے ولّ ویکھ کہ رون لگّ پئے سن ۔ گرداس مان اتے حاکم صوفی دی اک ہندی فلم وچ پیش کیتی قوالی نے ہندی دے چرچتّ قوالاں نوں وی جھومن لا دتا سی۔ بوہتے لوک حاکم صوفی نوں گرداس مان دا استاد کہندے ہن۔ گرداس مان دا کہنا ہندا سی کہ آتم پرکاش اتے چرنجیت آہوجا توں گیت سنگیت بارے کجھ کو جانکاری حاصل کیتی ہے۔ پر گرداس مان نے کدے وی ایہہ گلّ نہیں آکھی کہ حاکم صوفی اسدا استاد نہیں ہے۔

حوالے

باہرلے جوڑ

• http://www.5abi.com/kala/022-hakam-sufi-ranjit-050912.htm

پنجابی گائیک
مرد	عنایت حسین بھٹی  • آسا سنگھ مستانہ  • عالم لوہار  • امریندر گلّ  • ستندر سرتاج  • شیری مان  • جسبیر جسی  • جسی لائلپوریا  • وارث بیگ  • بلکار سدھو  • ہرجیت ہرمن  • روندر گریوال  • ملکھی رام ملکھی  • شفقت امانت علی  • ہنی سنگھ  • منموہن وارث  • امر سنگھ چمکیلا  • حاکم صوفی  • ہنس راج ہنس  • گِپّی گریوال  • دلیر مہندی  • سلامت علی خان  • گرداس مان  • ہربھجن مان  • لال چند یملا جٹ  • کلدیپ ماݨک  • محمد صدیق  • راج براڑ  • اللہ دتا لوݨے والا  • منصور ملنگی  • طالب حسین درد  • محمد رفیع  • سجاد علی  • ملکو  • عاطف اسلم  • اکرم راہی  • انور رفیع  • عارف لوہار  • ابرار الحق  • شیرا جسویر  • سکھبیر سنگھ  • ماسٹر طفیل
عورت	سریندر کور  • پرکاش کور  • نرندر بیبا  • حمیرا ارشد  • شازیہ منظور  • تصور خانم  • مس پوجا  • ٹینا ثانی  • نِمرت کھیڑا  • لتا منگیشکر  • آشا بھوسلے  • شمشاد بیگم  •  • زبیدہ خانم  • ثریا ملتانیکر  • نور جہاں  • ریشماں  • نصیبو لعل  • افشاں  • مسرت نذیر  • ناہید اختر  • حدیقہ کیانی  • طاہرہ سید  • عارفہ صدیقی  • فریحہ پرویز  • مسرت نذیر
صوفی گائیک	شوکت علی  • اقبال باہو  • سائیں اختر • سائیں ظہور  • نصرت فتح علی خان  • حامد علی بیلا
غزل گائیک	جگجیت سنگھ • جگجیت سنگھ زیروی  • مہدی حسن  • غلام علی  • راحت فتح علی خان  • امانت علی خان  • اسد امانت علی خان  • حامد علی خان