سورن لتا

وکیپیڈیا توں
Jump to navigation Jump to search
سورن لتا
جماندرو ناں سورن کانتا
عرف سورنلتا
جم (1938-11-19) 19 نومبر 1938 (عمر 81)
جڑھاں والا، لائلپور ضلع، برطانوی پنجاب
ونگی(آں) لوک-گیت، دوگانے
کِتّه گائکہ
سرگرمی دے سال 1964–1988

سورن لتا (جاں سورن لتا، سورنلتا) اک سابقہ پنجابی گائکہ ہے۔ [1] اس دے گیتاں وچّ لے دے مائی کالیاں باغاں دی مہندی، مونہہ وچّ بھابی دے، نند برکیاں پاوے دے ناں زکریوگ ہن۔ اس نے اپنے سمیں دے لگبھگ سارے گائکاں نال دوگانے ریکارڈ کروائے جنہاں وچّ کرمجیت دھوری، ہرچرن گریوال، کرنیل گِلّ، محمد صدیق، گرچرن پوہلی، رمیش رنگیلا، جگت سنگھ جگا، مہیندر کپور، دلیپ سنگھ دیپ، وید پرکاش، پنڈت جگی، بی ایس پروانہ آدی شامل ہن۔ اس دی سبھ توں ودھ رکارڈنگ کرمجیت دھوری نال ہوئی ملدی ہے اتے دھوری نال ہی اس نے سبھ توں ودھ سماں سٹیج پروگرام کیتے۔

پنجاب دا ماحول خراب ہون کارن سورن لتا نے 1988 وچّ پروگرام کرنے چھڈّ دتے۔[1] اس دا آخری پروگرام ڈھلواں وکھے سی۔

جیون[لکھو]

سورن لتا دا جنم 19 نومبر 1938 نوں پیؤ ارجن داس دھینگڑا تے ماں دے گھر لائلپور ضلعے دے پنڈ جڑھاں والا وچّ، برطانوی پنجاب وچّ، ہویا۔[1] ایہہ چار بھراواں اتے دو بھیناں وچوں سبھ توں وڈی ہے اتے اسدا پہلا ناں سورن کانتا سی۔

مڈھلی سکھیا اس نے پنڈ جڑھاں والا دے سکول توں حاصل کیتی جتھے اسنے چوتھی جماعت تکّ دی پڑھائی کیتی۔ پھر سنتالی وچّ پنجاب دی ونڈ دے کارن اسدا ٹبر لدھیانے آ گیا۔ اتھے اس نے جین گرلز ہائی سکول توں 1953 وچّ میٹرک کیتی۔

1958 وچّ لتا دا ویاہ آر. سی. گپتا نال ہویا جسنے گائکی وچّ اسدا پورا ساتھ دتا۔

گائکی[لکھو]

سکول سمیں دوران سورن لتا ناٹکاں اتے ناچ وچّ بھاگ لیندی سی۔ بمبئی توں ڈانس ماسٹر رامدھن لدھیانے آیا تاں اس توں باقاعدہ ڈانس دی سکھلائی لئی۔ کجھ سماں سٹیجاں تے ڈانس کیتا اتے پھر جھکاء گائکی ولّ ہو گیا اتے سنگیت گھرانہ فیاض خاں دے سنگیتکار استاد سوہن سنگھ نوں اپنا گورو دھاریا اتے کلاسیکل سنگیت دی سکھیا لئی۔

1960 وچّ لتا نے ریڈیو تے آڈیشن دتا اتے بی ہائی گریڈ ملیا۔ ریڈیو توں اسدا پہلا گیت نی لے دے مائی کالیاں باغاں دی مہندی ریکارڈ ہویا۔ سال 1964 وچّ ایچ. ایمّ. وی. کمپنی وچّ اسدا پہلا گیت ککراں وی لنگھ آئی بیریاں وی لنگھ آئی، لنگھنے رہِ گئے جنڈ وے ریکارڈ ہویا۔[1] 1983 وچّ سورن لتا نے دوردرشن تے گایا۔

حوالے[لکھو]