پروفیسر غلام الثقلین نقوی
 | |
|---|---|
| جم | مارچ 12, 1922ء چوکی ہنڈن، نوشہرا، ریاست جموں کشمیر |
| موت | اپریل 6, 2002ء لاہور، پنجاب، پاکستان |
| دفن تھاں | سیالکوٹ، پنجاب، پاکستان |
| قلمی ناں | غلام الثقلین نقوی |
| کم کِتہ | افسانہ نگار، ناول نگار، سفرنامہ نگار |
| بولی | پنجابی |
| قومیت |  پاکستانی |
| نسل | پنجابی |
| تعلیم | ایم اے |
| مادر علمی | مرے کالج، سیالکوٹ، پنجاب یونیورسٹی لاہور |
| صنف | افسانہ، ناول، سفرنامہ |
| تحریک | حلقہ ارباب ذوق |
| وڈے کم | بند گلی شفق کے سائے بکھری راہیں چل بابا اگلے شہر |
غلام الثقلین نقوی (جم: 12 مارچ، 1922ء - وفات: 6 اپریل، 2002ء) پاکستان دے نامور اردو افسانہ نگار، ناول نگار تے سفرنامہ نگار سی۔
حالات زندگی
غلام الثقلین نقوی 12 مارچ، 1922ء کونوں چوکی ہنڈن، نوشہرا، ریاست جموں کشمیر وچ پیدا ہوئے[۱][۲]۔ اوہناں نے مُڈھلی تعلیم سیال کوٹ تے دیپال پور توں حاصل کیتی۔ مرے کالج سیال کوٹ توں انٹرمیڈیئٹ تے بی اے پرائیویٹ کیتا۔ سینٹرل کالج لہور توں بی ٹی دیاں ڈگریاں حاصل کیتیاں تے پنجاب یونیورسٹی توں ایم اے دکا امتحان پاس کرن توں بعد اوہ تعلیم دے شعبے نال جُڑ گئے۔ اوہ گورنمنٹ کالج جھنگ تے گورنمنٹ کالج لہور چ اردو دے پروفیسر رہے۔ نومبر 1968ء توں اپنی سبکدوشی تک گورنمنٹ کالج لہور نال منسلک رہے۔[۲]
ادبی خدمات
غلام الثقلین نقوی نے بیک وقت افسانا، سفرنامہ، لیکھ تے ناول دی صنف وچ طبع آزمائی کیتی لیکن اوہ افسانا نگاری دی وجہ توں زیادہ مشہور ہوئے۔ اوہ حلقہ ارباب ذوق نال وابستگی رکھدے سن۔ اوہناں دیاں لِکھتاں چ افسانیاں دے مجموعے بند گلی، شفق کے سائے، سرگوشی، نقطے سے نقطے تک تے لیکھاں دا مجموعہ اک طرفہ تماشا ہے، ناولاں چ بکھری راہیں، میرا گاؤں، ناولٹچاند پور کی نینا ، شیر زمان تے سفرنامہ چل بابا اگلے شہر کدے نام سرفہرست نیں۔ اوہناں دے ناول میرا گاؤں تے دوجیاں لِکھتاں چ پنجابی ثقافت تے پنجابی رہتل دی عکاسی کیتی گئی اے۔[۲]
لِکھتاں
افسانوی مجموعے
- دھوپ کا سایہ
- سرگوشی
- گلی کا گیت
- نقطے سے نقطے تک
- لمحے کی دیوار
- نغمہ اور آگ
- بند گلی
- شفق کے سائے
ناولٹ
- شیرا
- شیرزمان
- چاند پور کی نینا
ناول
- بکھری راہیں
- میرا گاؤں
سفرنامے
- چل بابا اگلے شہر
- ارض ِ تمنا
- ٹرمنس سے ٹرمنس تک
- مکہ و مدینہ
لیکھ
- ایک طرفہ تماشا ہے
وفات
غلام الثقلین نقوی 6 اپریل، 2002ء نوں لہور چ چلاݨا کر گئے۔ اوہناں نوں موضع بھڑتھ، ضلع سیال کوٹ چ دفنایا گیا۔[۱][۲]