انیتا لیرچے

انیتا لیرچے
جم	21 دسمبر 1973 (51 سال)  گلوسٹرپ
وفات
شہریت	مملکت ڈنمارک
فنی زندگی
صنف	پاپ میوزک ،  پھنگڑا
آلات موسیقی	صوت
پیشہ	گائک ،  نغمہ نگار ،  صوتی اداکار
پیشہ ورانہ زبان	ڈینش ،  پنجابی
	IMDB اُتے صفحہ

انیتا لیرچے (انگریزی: Anita Lerche) ڈنمارک دی اک گائیکہ-گیت کارا، سنگیتکار اتے فنکارہ اے۔ اوہ ہن تکّ 16 بولیاں وچّ گیت گا چکی اے اتے لہندے تو آ کے پنجابی وچّ ایلبم جاری کرن والی پہلی غیر ایشیائی شخصیت اے۔ اسدی پہلی پنجابی ایلبم، ہیر فرام ڈنمارک، نومبر 2006 وچ رلیز ہوئی۔

پہلاں اسنے ڈنمارک ریڈیو تے گایا۔ اسنے لندن دی ماؤنٹویو اکیڈمی آف تھئیٹر آرٹس توں سنگیت دی سکھیا حاصل کیتی۔ 2001 وچ اسنے اپنی ڈگری پوری کیتی اتے 2005 وچ اپنی پہلی ایلبم، آئی لوَ اے پیانو، جاری کیتی۔

مڈھلا جیون

لیرچے دا جم 21 دسمبر 1973 نوں ڈنمارک دے شہر کوپن ہیگن دے اک چھوٹے حصے گلیسٹرپ وچّ ہویا۔ اسنے اپنے پیؤ، جو گٹار وجایا کردے سن، توں متاثر ہو کے ستّ سال دی عمر وچ گاؤنا شروع کر دتا سی۔ تیراں سال دی عمر وچ اوہ ریڈیو ڈنمارک تے گاؤن لئی بچیاں دے اک اوپیرا وچ شامل ہوئی اتے دو سال بعد اسنے لہندی کلاسیکل سنگیت سکھنا شروع کر دتا۔

لیرچے نے لندن دی ماؤنٹویو اکیڈمی آفّ تھئیٹر آرٹس توں سنگیت دی سکھیا حاصل کیتی اتے 2001 وچّ اپنی ڈگری پوری کیتی۔

کیریئر

2005 وچ لیرچے نے اپنی پہلی ایلبم، آئی لوَ اے پیانو، جاری کیتی جس وچ تھئیٹر اوپیرا وچوں اسدے کجھ پسندیدہ گیت شامل سن۔

پنجابی سنگیت ولّ اسدا جھکاء ادوں ہویا جدوں اوہ 2005 وچّ ہماچل پردیش دے کلو اتے منالی وکھے گھمن آئی سی۔ اسنوں اک پنجابی ایلبم جاری کرن دی پیش کش کیتی گئی۔ نومبر 2006 وچ اسنے اپنی پہلی پنجابی ایلبم ہیر فرام ڈنمارک جاری کیتی۔

2007 اتے 2011 دے کرکٹ ورلڈ کپ دوران اسنے بھارتی کرکٹ ٹیم لئی ہندی گیت وی تیار کیتے۔

ہن تکّ لیرچے ڈینش، پنجابی، انگریزی، اطالوی، ہندی، جرمن، فرانسیسی، چینی، افریکی اتے امریکی سمتے تقریباً سولاں بولیاں وچّ گیت گا چکی ہے اتے ڈنمارک، پاکستان، بھارت، چین، ناروے، اٹلی، جرمنی، سپین، فنلینڈ، انگلینڈ، آسٹریا اتے اسٹونیا وغیرہ دیساں وچّ اپنی پیشکاری کر چکی ہے۔

انعام اتے سنمان

2007 وچ پنجابی ٹی.وی. چینل ایم ایچ ون ولوں اسدی ایلبم ہیر فرام ڈنمارک لئی پنجابی میوزک اوارڈ دتا گیا۔ پنجابی یونیورسٹی، پٹیالہ ولوں وی اسدے پنجابی بولی پرتی اگھے یوگدان لئی اسدا سنمان کیتا گیا۔

رامنومی موقعے گائے ہندی بھجناں لئی اک ہندو سوسائٹی ولوں اسنوں ماتا سیتا اوارڈ ملیا۔

باہرلے جوڑ

٭انیتا لیرچے دی اپنی ویبسائیٹ

حوالے