بٹھنڈا

بٹھنڈا
دیس :	بھارت
صوبا :	پنجاب
ضلع :	بٹھنڈا
لوک گݨتی:	217389
بولی:	پنجابی

بٹھنڈا پنجاب دا اک شہر اے ۔ ایہ شہر ضلع بٹھنڈا دا راجگڑھ تے مشہور ریلوے جنکشن اے ۔ سکھاں دے دسویں گورو گرو گوبند سنگھ نے بٹھنڈے دے جنگلاں وچّ مغلاں نال لڑائی کیتی سی.ایہہ اک بہت وڈا شہر ہے ۔ اس دی ترقی بہت تیزی نال ہو رہی ہے۔جس وچّ اسدی پرمکھتا دا مکھ کارن گورو نانک دیوَ تھرملپنلاٹ ہے،جس توں بجلی سپلائی ہندی ہے،اس توں علاوہ کھاد کارخانہ تے نواں بن رہا گورو گوبند سنگھ تیل صاف کرن دا کارخانا اے ۔ بٹھنڈا اناج تے کپاہ دی بہت وڈی منڈی اے ۔

بٹھنڈے وچ راجندرا کالج ، گیانی زیل سنگھ کالج آف انجنیرگ اتے تیکنالجی ، آدیش انسیٹیٹ آف میڈیکل ریسرچ ، بابا سری چند جی سرکاری کالج تے پنجاب ٹیکنیکل یونیورسٹی پڑھائی دے وڈے مرکز ہن۔

بٹھنڈے دے ہور مشہور گھمن یوگ ستھان دمدما صاحب ، میسر خانا مندر ، روز گارڈن ، زوآلوجیکل پارک ، لکھی جنگل تے قلعہ مبارک نیں ۔ ایہ قلعا 1900 سال پرانا اے ۔ ملٹری دا زیادہ پربندھ ہون کر کے وی بٹھنڈا مشہور اے ا مالوے دا ایہ شہر اُبھے پاسے سرسا تے فتح آباد ، چڑھدے پاسے سنگرور تے ضلع مانسا ، لموچی چڑھدے پاسے موگا ، لموچی لہندے پاسے فریدکوٹ تے ضلع مانسا نال جڑیا ہویا اے ۔

آب و ہوا

گرمیاں وچ اتھے درجہ حرارت (تاپمان) 50 سینٹی گریڈ (122 فارن ہائيٹ)، اتے سردیاں وچ 0 سینٹی گریڈ (32 فارن ہائیٹ) تکّ جا سکدے نیں ۔ اتھے موسم زیادہ تر خشک، پر مئی توں اگست تک بہت سلھا ہندا اے ۔ مینھ لموچی لہندے پاسیوں آؤندا اے تے زیادہ تر جولائی دے ادھ توں ستمبر دے ادھ تک پیندا اے ۔

لوک

جٹاں دیاں گوتاں سدھو ، براڑ ، ڈھلوں ، سیڑے ، تورے ، اولکھ ، گوندارے وغیرا بٹھنڈے دے پراݨے لوک نیں ۔ پراݨے محلے ایہناں دے نیں محلا جھٹیکا(سدھوآں دا) ، محلا سیڑیاں والا(طور) ، مہنا محلا(ڈھلوں) وغیرا ۔

چڑھدے پنجاب دے شہر

 · ابوہر · احمد گڑھ · امر گڑھ · امبرسر · برنالا · بٹالا · بٹھنڈا · چندی گڑھ · فریدکوٹ · فتح گڑھ · فیروز پور · فاضلکا · گرداسپور · ہشیار پور · جلندھر · کھنا · کلانور · کپورتھلا · لدھیاݨا · ماچھی واڑا · ملیر کوٹلا · ملوٹ · مانسا · موگا · موہالی · مکتسر · نابھا · نکودر · نواں شہر · پٹھانکوٹ · پٹیالا · پھگواڑا · رائے کوٹ · روپ نگر · سمرالا · سنگرور · سرہند · ترن تارن ·