لال ہندی

Wikipedia توں
جاو: مدد, کھوج
ابتدائی انسانی ہجرتاں دا نقشہ
امریکی سنڈے دا شکار

لال ہندی( انگریزی چ :ریڈ انڈین) براعظم اتلے تے دکھنی امریکہ دے مڈھ واسیاں یاں اصل باشندیاں نوں آکھئیا جاندا اے جہڑے تقریبا 15 توں 20 ہزار سال پہلے ، آبنائے بیرنگ ٹپ کے ، اتلے چڑھدے ایشیاء توں براعظم اتلے امریکہ پہنچے ۔ ایہہ زیادہ تر منگول نسل دے نیں ، اوداں تاں دوجیاں قوماں نال مل کے اینہاں دیاں کئی قسماں ہوگئیاں نیں ، پر ہن وی بھوری جلد ، سدھے تے کھردرے وال تے بھریاں اکھاں پاروں اینہاں دی منگول نسل نال گہری مشابہت پائی جاندی اے ۔ ایہہ لوک واہی بیجی کردے سن تے مٹر ، آلو ، ہندوانے تے تماکھو ویجدے سن ۔ ایہہ لوک پتھر دے ہتھیار تے اوزار بنان تے اگ توں وی واقف سن ۔ کجھ چر مگروں اینہاں دے کجھ قبیلے گھبلے تے دکھنی امریکہ چ جا کے آباد ہوگئے ۔

پیرو دی سیکریڈ وادی دی کیوچوآ زنانی تے بچہ
برازیل دے ریڈ انڈین قبیلے کیاپو دے سردار

جدوں کولمبس امریکا پہنچئیا تے لہندے ادھ کرہ زمین تے کجھ روایتاں موجب 80 لکھ تے کجھ موجب 7 کروڑ ریڈ انڈین آباد سن ۔ بہرحال مؤرخاں دی وڈی گنتی 2 کروڑ تے متفق اے ۔ چنکہ کولمبس دے خیال چ کہ اوہ ہندستان (انڈیا) پہنچ گئیا سی تے اینہاں لوکاں نوں اس نے انڈین (ہندی) دا ناں دتا تے اینہاں دے لالگی ورگے رنگ دے وجہ توں اینہاں نوں ریڈ انڈین (لال ہندی ) آکھئیا جان لگا ۔ بعد چ گھبلے تے دکھنی امریکہ دے ریڈ انڈین بعد چ آن آلے لوکاں نال گھل مل گئے جس نال اک نویں نسل وجود چ آئی ۔

یورپیاں نے اس علاقے تے مل مارن تے اپنیاں آبادیاں بنان لئی اینہاں دا بے دریغ قتل عام کیتا تے کروڑاں دی گنتی چ اباد لال ہندی یورپیاں دے آن مگروں ہزاراں چ رہ گئے خاص طور تے انگریزاں دے مل مارے علاقےآں چ ، کیونجے انگریزاں نے اینہاں دا وی آسٹریلیا دے مڈھ واسیاں دے قتل عام وانگوں اینہاں دا وی قتل عام کیتا تاکہ اوہ زمیناں تے ایتھے دے وسائل تے قبضہ کر سکن ۔ انگریزاں دے نیڑے لال ہندی تے آسٹریلیا دے مڈھ واسی جنوراں توں وی گھٹ اہمیت دے حامل سن تے انگریز اینہاں نوں گھٹ توں گھٹ درجے دے انسان منن لئی تیارنئیںسن۔