فرغانا
| صوبائی راجگڑھ شہر
فرغانہ Fargʻona 
| ||||||||||||||||||||||||||||||||
فرغانہ ازبکستان دا اک شہر تے صوبہ فرغانہ دا راجگڑھ اے ، ایہ دکھنی وشکالے ایشیا چ وادی فرغانہ دے دکھنی کنڈے تے چڑھدے ازبکستان چ ، کرغیزستان ، تاجکستان تے ازبکستان دیاں ولگناں اتے واقع اے ۔ فرغانہ تاشقند توں 420 کلومیٹر چڑدھے چ تے اندیجان توں 75 کلومیٹر لہندے چ اے ۔ اپریل 2014 چ فرغانہ دی لوک گنتی 2،64،900 سی ۔
تریخ
[سودھو]
زرخیز وادی فرغانہ شاہراہ ریشم (خاص کر اتلی شاہراہ ریشم) اتے اہم تھاں سی ، جہڑی پرانے چینی راجگڑھ خیان نوں گانسو چ وؤوئی نال تے کاشغر تے پرانے پارتھیا[۱] نال ملاندی یاں فیر بحیرہ ارال تے بحیرہ کیسپیئن دے اتلے نوں کالا سمندر دیاں بندرگاہاں نال ملاندی سی ۔
چینی لکھتاں چ
[سودھو]کشن سلطنت ویلے اسنوں ہندوآں تے بدھاں دا پرانا راجگڑھ آکھیا جاندا سی ۔پرانی چینی دستاویزاں اس پرانی سلطنت نوں دایوآن (大宛) آکھیا گیا جہڑی ہن فرغانہ وادی اے ۔دایوآن یونانی سن تے 329 ق م چ سکندر اعظم ولوں فرغانہ وادی چ بسائے گئے یونانی کالونینیسٹاں دی اولاد سن ۔ یونانی سلوقی سلطنت تے یونانی باختر ویلے ایہ ایتھے بوہت ودھے پھلے تے 160 ق م چ یوئژیآں دی اس علاقے چ ہجرت مگروں ایہ کلے رہ گئے ۔ ایہ سمجھیا جاندا اے کہ ناں یوآن یونانیآں لئی پرانے ویلے ایشیا چ ورتے جاڻ آلے ناں یونا یاں یوانا (آئیونی(“Ionians”) دا سادہ ترجمہ اے ۔اینہاں دا راجگڑھ سکندریہ اسچاٹ سی ۔
پہلا چینی جہڑا اس علاقے چ آیا چینی سفیر ژانگ چیان سی جہڑا 127 ق م چ ،خیونگنو خلاف دایوئژی نال اپنی فوجی اتحاد نوں قایم رکھن لئی ایتھوں لنگھیا سی ۔ شیجی باب 123 چ لکھیا اے:
دایوآن خیونگنو دے علاقےآں دے لہندے دکھن چ ، چین توں سدھے لہندے چ 10،000 لی (4،158 کلومیٹر) تے اے ۔ بھوئیں تے لوک وسدے نیں تے واہی بیجی کردے نیں تے کنک تے جھونا اگاندے نیں ۔ایہ انگوراں توں شراب وی بنادے نیں ۔ علاقے چ بوہت سارے چنگے گھوڑے نیں جنہاں دا رت مٹھا اے، ایہ سمجھیا جاندا اے کہ اینہاں دے پورورج جنت دے گھوڑےآں توں سن ۔ایتھے دے لوک قلعہ بند شہراں وچ رہندے نیں تے ایتھے وکھرے وکھرے ناپاں دے 70 توں ودھ شہر نیں ۔ ایتھے دے لوک کنتی کئی لکھاں چ اے ۔ لوک تیرکماناں تے برچھیاں نال لڑدے نیں تے گھوڑے دی پٹھ تو وی تیر چلا سکدے نیں ۔دایوآں دی سرحد اتلے چ کانگجو ،لہندے چ یوئژی بادشاہت ، لہندے دکھن چ باختر ، اتلے چڑھدے چ ووسون دے علاقے تے چڑھدے چ یومی (کیریا) تے یوتیان (خوتان) نال لگدیاں نیں ۔"[۲]
پارسی لکھتاں چ
[سودھو]پارسی لٹریچر چ اس علاقے نوں زرتشتیاں (پارسیاں) دا وطن دسدا اے ۔ کاراخانی خانات ویلے اسدا ناں اوزقند سی ۔
فرغانہ تے مغل سلطنت
[سودھو]فرغانہ دا دکھنی ایشیا دی مغلیہ سلطنت دی تریخ چ وی مڈھلا رول اے ، کیونجے فرغانہ دا والی عمر شیخ میرزا ، ہندستان مغلیہ سلطنت دی نیہہ رکھن آلے ظہیر الدین محمد بابر (1483-1530) دا پیؤ سی ۔ عمر شیخ میرزا دی 1498ء چ موت ویلے بابر نکی عمر چ ای فرغانہ دا والی بن گیا ۔
روسی سلطنت دا مل
[سودھو]19ویں صدی چ روس دے ودھاء دوران روسی ترکستان چ وڑے تے 1855ء تے 1884ء وشکار اینہاں نے ہولی ہولی استے مل مار لیا ۔ اینہاں نے 1873ءچ قوقند خانات دے راجگڑھ تے مل مار لیا تے روسی سلطنت دے فرغانہ صوبے چ شامل کر لیا ۔
نیہہ تے ناں
[سودھو]اج دا فرغانہ شہر روسیاں نے 1876ء چ مرغیلان توں 13.5 میل اتلے لہندے چ اک گیریژن طور اساریا ۔ اسدا شروع دا ناں نواں مرغیلان رکھیا تے فیر 1907ء چ اسدا ناں وادی فرغانہ چ پہلے روسی فوجی گورنر میخائل سکوبیلیف دے ناں اتے سکوبیلیف رکھ دتا گیا ۔1924ء چ جدوں بالشویکاں نے ایہ علاقہ بسماچیاں توں کھو لیا ، اس شہر دا ناں صوبے دے ناں اتے فرغانہ رکھ دتا گیا جسدا ایہ راجگڑھ سی.[۳] ۔ 1930ء دے دہاکے چ ایتھے فرغانہ نہر اساری گئی [۴]۔
مڑ اساری پروجیکٹ
[سودھو]ستمبر 2011ء فرغانہ مڑ اساری پروجیکٹ دی نیہہ رکھی گئی
موسم
[سودھو]فرغانہ دا موسم صحرائی اے ۔ سردیاں ٹھنڈیاں تے جنوری دا اوسط درجہ حرارت −۲٫۸ °C (۲۷ °F) توں ۴٫۶ °C (۴۰ °F) تک ہندا اے, جدوں کہ گرمیاں تتیاں تے جولائی دا اوسط درجہ حرارت ۲۰٫۳ °C (۶۹ °F) توں ۳۴٫۷ °C (۹۴ °F) تک ہندا اے۔ بارش گھٹ اے ، پر بوہتی سردیاں تے خزاں چ ہندی اے ۔
| فرغانہ دا موسم | |||||||||||||
|---|---|---|---|---|---|---|---|---|---|---|---|---|---|
| مہینا | جنوری | فروری | مارچ | اپریل | مئی | جون | جولائی | اگست | ستمبر | اکتوبر | نومبر | دسمبر | سال |
| ودھ توں ودھ سینٹی گریڈ (فارنہائیٹ) | 16.3 (61.3) |
22.0 (71.6) |
29.0 (84.2) |
34.4 (93.9) |
39.0 (102.2) |
41.0 (105.8) |
42.2 (108) |
41.4 (106.5) |
37.1 (98.8) |
32.6 (90.7) |
29.0 (84.2) |
18.0 (64.4) |
۲۹ |
| اوسطاً ودھ سینٹی گریڈ (فارنہائیٹ) | 4.6 (40.3) |
7.6 (45.7) |
14.7 (58.5) |
22.3 (72.1) |
27.6 (81.7) |
33.1 (91.6) |
34.7 (94.5) |
33.6 (92.5) |
28.8 (83.8) |
21.2 (70.2) |
13.4 (56.1) |
6.2 (43.2) |
۲۰.۶۵ (۶۹.۱۷) |
| روزانہ اوسط سینٹی گریڈ (فارنہائیٹ) | 0.2 (32.4) |
2.9 (37.2) |
9.3 (48.7) |
16.0 (60.8) |
20.9 (69.6) |
25.7 (78.3) |
27.4 (81.3) |
25.8 (78.4) |
20.7 (69.3) |
13.7 (56.7) |
7.5 (45.5) |
1.8 (35.2) |
۱۴.۳۳ (۵۷.۷۹) |
| اوسطاً گھٹ سینٹی گریڈ (فارنہائیٹ) | -2.8 (27) |
-0.6 (30.9) |
4.9 (40.8) |
10.5 (50.9) |
14.6 (58.3) |
18.5 (65.3) |
20.3 (68.5) |
18.6 (65.5) |
13.7 (56.7) |
8.0 (46.4) |
3.2 (37.8) |
-1.3 (29.7) |
۸.۹۷ (۴۸.۱۴) |
| گھٹ توں گھٹ سینٹی گریڈ (فارنہائیٹ) | -25.8 (-14.4) |
-25.5 (-13.9) |
-17.9 (-0.2) |
-4.8 (23.4) |
1.2 (34.2) |
7.4 (45.3) |
10.1 (50.2) |
7.8 (46) |
0.5 (32.9) |
-7.4 (18.7) |
-22.8 (-9) |
-27.0 (-16.6) |
−۲۵.۸ |
| مینہہ م م (انچ) | 18 (0.71) |
21 (0.83) |
25 (0.98) |
23 (0.91) |
22 (0.87) |
11 (0.43) |
5 (0.2) |
3 (0.12) |
6 (0.24) |
17 (0.67) |
18 (0.71) |
24 (0.94) |
۱۹۳ (۷.۶) |
| % نمی | 81 | 76 | 67 | 61 | 56 | 48 | 48 | 52 | 56 | 66 | 74 | 82 | ۶۳.۹ |
| اوسطاً روزانہ بارش | 5 | 6 | 10 | 10 | 13 | 10 | 8 | 5 | 4 | 6 | 7 | 6 | ۹۰ |
| اوسطاً روزانہ برف باری | 5 | 4 | 1 | 0 | 0 | 0 | 0 | 0 | 0 | 0.1 | 0.3 | 3 | ۱۳.۴ |
| دھپ (گھینٹے) | 106 | 109 | 153 | 205 | 276 | 337 | 362 | 345 | 292 | 218 | 150 | 95 | ۲,۶۴۸ |
| Source #1: pogoda.ru.net[۵] | |||||||||||||
| Source #2: NOAA (sun only, 1961-1990)[۶] | |||||||||||||
تعلیمی ادارے
[سودھو]اعلی تعلیمی ادارے
[سودھو]- فرغانہ سٹیٹ یونیورسٹی
- فرغانہ پولیٹیکنیکل انسٹیٹیوٹ
- تاشقند انفارمیشن ٹیکنالوجی یونیورسٹی - فرغانہ کیمپس
- تاشقند میڈیکل اکیڈمی - فرغانہ کیمپس
فرغانہ دے کالج
[سودھو]- کرگولی پولیٹیکنیکل کالج
- فرغانہ زراعتی کالج
- فرغانہ شہری ورثہ کالج
- فرغانہ میڈیکل کالج
- فرغانہ کسٹم کالج
- فرغانہ صوبائی تیل گیس پروفیشنل کالج
- فرغانہ پروفیشنل ٹیکنیکل کالج
- فرغانہ پروفیشنل کمپیوٹر ٹیکنالوجی کالج
- فرغانہ صنعتی کالج
- فرغانہ مکینیکل کالج
- فرغانہ مواصلات کالج
آرکیٹیکچر
[سودھو]فرغانہ دیاں کھلیاں تے ترتیب وار رکھاں نال ڈھکیاں سڑکاں تے دلکھچ 19ویں صدی دے نیلی سفیدی آلے زارشاہی گھر ، بھچال پہلے دے تاقشند دی یاد دلاندے نیں ۔ فرغانہ چ وادی فرغانہ دے دوجے شہراں دے آڈے نال روسیاں ، سویت کوریائیاں تے تاتاری دی نوگ گنتی ودھ اے ۔ روسی ایتھے دی وڈی بولی تے تے شہر ازبکستان دے دوجے شہراں توں کجھ وکھ وکھ اے ۔ شہر سویت ویلے تے آزادی دے پہلے دے ازبکستان دی فضا چ اے ۔
مشہور تھانواں
[سودھو]تیل پیداوار
[سودھو]
فرغانہ 1908ء چ ایتھے پہلی آئل ریفائنری بنن توں وادی فرغانہ چ تیل دی پیداوار دا مرکز اے ۔اس دے مگروں ایتھے کئی ہور ریفائنریاں اساریاں گئیاں تے ایہ شہر ازبکستان چ تیل صاف کرن دا اہم مرکز بن گیا ۔ قدرتی گیس لہندے ازبکستان توں فرغانہ وادی چ پائپ لائناں راہیں گھلی جاندی اے ، جتھے ایہ کھاد بنان چ ورتی جاندی اے ۔وڈی فرغانہ نہر ،جہڑی 1930ء دے دہاکے چ ساری دی ساری ہتھ نال اساری گئی سی ، شہر دے اتلے حصے توں لنگھدی اے تے ایہ نہر 1939ء چ مکمل ہوئی۔اسدی اساری دوران شہر تے نہر دیاں مشہور فوٹوگرافر میکس پنسون نے کافی مورتاں بنائیاں ۔ لہندے توں قرضے نال فرغانہ نےاپنی آئل ریفائنری نوں ودھیا بنائیا تے فضائی آلودگی نوں گھٹ کیتا [۷] ۔
فرغانہ حقیقتاں
[سودھو]- فرغانہ وسطی ایشیا دا سبتوں سبز شہر اے
- فرغانہ تاشقند مگروں ازبکستان دا سبتوں صنعتی شہر اے ۔
- فرغانہ تاشقند تے سمرقند دے نال ازبکستان چ «روسی جزیرہ» کہلاندا اے ۔
- اجوکی ساہتی ازبک بولی اصل چ ازبک بولی دا فرغانی لہجہ اے ۔
تفریح گاہاں
[سودھو]
سینما گھر
[سودھو]- علی شیر نوائی سینما گھر
- نورخان سینما گھر — ہن اک کیفے
- یولداش اخونبابائیف سینما گھر — ہن صرف عمارت کھڑی اے
- سینما گھر«نیفتیانک» — ہن سینما طور کم نئیں کر ریا
- سینما گھر«دروژبا» (دوستی)— مڑ اساری
کھیڈ
[سودھو]- نیفتچی فٹبال گلب — فرغانہ فٹبال ٹیم
آواجائی
[سودھو]- فرغانہ بس شٹیشن
- فرغانہ ہوائی اڈا
بین الاقوامی تعلقات
[سودھو]جڑواں شہر
[سودھو]
دکھنی کوریا یونن — کیونگیدو, دکھنی کوریا
ماسکو, روس- قازان, تاتارستان ،روس
- نووروسسک, روس
- ایوانووا, روس
مورتاں
[سودھو]-
مرکز شہر -
مرکز
ہور ویکھو
[سودھو]حوالے
[سودھو]- ↑ C. Michael Hogan, Silk Road, North China, The Megalithic Portal, ed. Andy Burnham, 2007
- ↑ Translated by Watson (1993), p. 233.
- ↑ Dates of renaming taken from Adrian Room, Placenames of the World: Origins and Meanings of the Names for Over 5000 Natural Features, Countries, Capitals, Territories, Cities and Historical Sites, McFarland, 1997, ISBN 0-7864-1814-1 (pbk) p.124
- ↑ Fergana: History
- ↑ «Weather And Climate - Climate Ferghana» (به Russian). دریافتشده در ۳۱ جنوری ۲۰۱۳.
- ↑ «Climate Normals for Fergana». National Oceanic and Atmospheric Administration. دریافتشده در ۳۱ جنوری ۲۰۱۳.
- ↑ Uzbekistan's Fergana Refinery is upgraded with EBRD finance 1997
ہور پڑھو
[سودھو]- Hill, John E. (2009) Through the Jade Gate to Rome: A Study of the Silk Routes during the Later Han Dynasty, 1st to 2nd Centuries CE. John E. Hill. BookSurge, Charleston, South Carolina. ISBN 978-1-4392-2134-1.
- Watson, Burton. Trans. 1993. Records of the Grand Historian of China: Han Dynasty II. Translated from the Shiji of Sima Qian. Chapter 123: "The Account of Dayuan," Columbia University Press. Revised Edition. ISBN 0-231-08166-9; ISBN 0-231-08167-7 (pbk.)
- Jean-Marie Thiébaud, Personnages marquants d'Asie centrale, du Turkestan et de l'Ouzbékistan, Paris, L'Harmattan, 2004. ISBN 2-7475-7017-7.
باہرلے جوڑ
[سودھو]- فرغانہ خبراں
- فرعانہ وادی دا فائن آرٹ Archived 2020-04-07 at the وے بیک مشین
- فرغانہ ٹوپوگرافی
 ازبکستان دے شہر
| |
|---|---|
راجگڑھ-:۞:- تاشقند
| |
| شہر | اندیجان • انگرین • اساکا • آلمالیق • اورگانچ • اوچقودوق • اورگوت • بیک آباد • بیرونی • بخارا • ترمذ • تورکول • توئی تپہ • جمعہ • جیزک • چیرچیق • چمبائی • چست خیوا • خوجائلی • رشتان • زرفشان • سمرقند • شہر سبز • سردریا • شیرین • غازار • غژدوان • فرغانہ • قوقند • قاراکول • قاراسو • قرشی • کتہ قورغان • کاگان کاسانسوئی • گلستان • مرغیلان • موئیناق • مبارک • نمنگان • نورآتا • نوکوس • نوائی • وابکینت • یانگی آباد • یانگی یول • یانگیئر |
| صوبہ فرغانہ
| |
|---|---|
| راجگڑھ:۞:فرغانہ | |
| ضلع (راجگڑھ) | ضلع التیارق(التیارق) • ضلع اوچکوپرک(اوچکوپرک) • ضلع ازبکستان(یایپان) • ضلع بغداد(بغداد) • ضلع بیشارق(بیشارق) • ضلع بوویدا(ابرت) • ضلع تاشلاق(تاشلاق) ضلع رشتان(رشتان) • ضلع ساخ(راوان) • ضلع دنگارا(دنگارا) • ضلع فرغانہ(وادل) • ضلع فرقت(نوبہار) • ضلع قوش تپہ(لانگار) • ضلع قووا(قووا) • ضلع یازیاوان(یازیاوان) |