لال بہادر شاستری

لال بہادر شاستری
(ہندی وچ: लालबहादुर शास्त्री)
جم	2 اکتوبر 1904   مغل سرائے
وفات	11 جنوری 1966 (62 سال)  تاشقند
وجہ وفات	دل دا دورہ
مدفن	راج گھاٹ تے متعلقہ یادگاراں
طرز وفات	طبعی موت
رہائش	10 جنپت (–جنوری ۱۹۶۶)
شہریت	برطانوی ہندستان (–۱۴ اگست ۱۹۴۷) بھارت (۲۶ جنوری ۱۹۵۰–) ڈومنین بھارت (۱۵ اگست ۱۹۴۷–۲۶ جنوری ۱۹۵۰)
جماعت	انڈین نیشنل کانگرس
عملی زندگی
پیشہ	سیاست دان
پیشہ ورانہ زبان	ہندی
اعزازات
بھارت رتن (۱۹۶۶)
	IMDB اُتے صفحات

لال بہادر شاستری (2 اکتوبر 1904– 11 جنوری 1966) بھارت دا دوجا وزیر اعظم سی اتے انڈین نیشنل کانگرس پارٹی دا لیڈر سی۔

جم

لال بہادر شاستری دا جنم وارانسی دے چھوٹے جہے پنڈ مغل سرائے وچّ ہویا۔ محکمہ تعلیم نال تعلق رکھن آلا اسدا پیؤ شاردا پرساد صرف ڈیڈھ سال دی عمر وچّ ہی اسنوں یتیم کرگیا۔ اسنوں پالن پوسن دی ذمہ واری اسدی ماں رامدلاری نے نبھائی۔ غریبی اتے مشکل وچّ اسنے اپنی مڈھلی پڑھائی پوری کرن لئی وارانسی دے ہریش چندر سکول وچّ داخلہ لیا۔

تحریک آزادی چ حصہ

جدوں 1921 وچّ مہاتما گاندھی نے وارانسی آ کے بھارت نوں آزاد کرواؤن لئی نوجواناں نوں اکسایا تاں صرف 17 سال دی عمر وچّ شاستری لے آزادی دی تحریک چ شمولیت اختیار کر لئی ۔ پڑھائی نوں چھڈّ لال بہادر تحریک آڑادی وچّ کد پئے اتے ڈھائی سال لئی جیل وچّ بند رہے۔ بعد چ شاستری نے کاشی ودیاپیٹھ چ داخلہ لیا۔ اتھے اس دی ملاقات ڈاکٹر. بھگوان داس، آچاریہ کرپلانی، سریپرکاش اتے ڈاکٹر. سمپورنانند نال ہوئی۔ ایہناں توں اس نے سیاست دی سکھیا تاں حاصل کیتی ہی، نال ہی شاستری دی ڈگری وی پائی اتے لال بہادر توں لال بہادر شاستری بن گئے۔ الہٰ آباد نگر نگم اتے امپروومینٹ دے میمبر وی بنے۔ اس توں بعد الہٰ آباد ضلع کانگرس دی مہا-مہم لئی وی چنے گئے۔

سرکاری عہدہ

شاستری دے سیاسی جیون اتے پنڈت گوبند ولبھ پنت دا وی بہت پربھاو رہا۔ 1937 وچّ اتر پردیش ودھان سبھا دے میمبر چنے گئے۔ 1940 وچّ انگریز حکومت نے آپ نوں گرفتار کرکے جیل وچّ ڈکّ دتا۔ اسے طرحاں جدوں 1942 وچّ مہاتما گاندھی نے ‘‘بھارت چھڈو’’ اتے ‘‘کرو جاں مرو’’ دے نعرے لائے، اس ویلے وی باقی قومی آگواں نال شاستری نوں جیل وچّ بند کر دتا گیا۔ 1945 وچّ جیل وچوں چھٹن توں بعد اتر پردیش دے وزیر اعلی پنڈت گوبند ولبھ نے اسنوں نوں سبھا-سچو بنا لیا۔ 1947 وچّ شاستری نوں وزیر داخلہ دا عہدہ ملیا۔ بعد چ شاستری ہندستان دی مرکزی حکومت چ ریل تے ٹرانسپورٹ دا وزیر تے فیر وزیر خزانہ وی بنیا۔

وزیر اعظم

1964 وچّ جواہر لال نہرو دے مرن مگروں شاستری بھارت دا وزیر اعظم بنیا۔ اس عہدے بتے ایہہ تاشقند چ اپنی موت تک فائز رہیا ۔

جےَ جوان دے نعرے نال جےَ کسان

1965 وچّ پاکستان دے حملے دا جواب دین دے نال-نال ‘‘جےَ جوان’’ دے نعرے نال ‘‘جےَ کسان’’ دا نعرہ جوڑ کے امریکہ دی دوگلی نیتی دا وی کرارا جواب دتا۔ بھارت دی ہرتتی واستو وچّ اسے نعرے دی دین ہے۔

اہم واقعہ

اس دی وزارت عظمی دے دوران پیش آن آلا اہم واقعہ 1965 وچّ پاکستان اتے حملہ کر کے جنگ شروع کرنا اے ، جس چ بھارت اپنا 64 ہزار مربع میل دا علاقہ کھوا بیٹھا ۔

موت

11 جنوری، 1966 نوں شاستری تاشقند اوس ویلے مریا جدوں اوہ 65ء دی جنگ دے بعد ایوب خان نال مذاکرات کرن سویت یونین گیا سی ہے سویت وزیراعظم کوسیچن دیاں کوششاں نال جدوں شاستری مذاکرات دے نتیجے ج ہون آلے معاہدہ تاشقند راہیں اپنا کھویا ہویا علاقہ پاکستان توں واپے لین چ کامیاب ہو گیا ۔شاستری ایہہ اینی وڈی کامیابی دی خوشی سہار نا سکیا ، تے اوتھے تاشقند چ ای دل دا دورہ پین نال مرگیا

بھارت دے وزیراعظم

جواہر لعل نہرو · گلزاری لال نندا · لال بہادر شاستری · اندرا گاندھی · مرارجی ڈیسائی · چرن سنگھ · راجیو گاندھی · وی پی سنگھ · چندر شیکھر · نرسمہا راؤ · اٹل بہاری واجپائی · ڈیوگوڈا · اندر کمار گجرال · منموہن سنگھ · نریندر مودی