سی-130 ہرکولیس

Wikipedia توں
جاو: مدد, کھوج
سی-130 ہرکولیس
C-130 Hercules
Lockheed C-130 Hercules.jpg
کم سمان چک جہاز
بنان آلا دیس امریکہ
بنان آلی کمپنی لاکہیڈ مارٹن
بنن دی تریخ 1954-1957
گنتی 2300 توں ودھ
مل 62 ملین ڈالر

سی-130 ہرکولیس امریکہ دا سمان چکن آلا جہاز اے۔ ایہ 50 سالاں توں ہلے تک 50 توں زیادہ دیساں دے ورتن وچ اے۔ اینوں امریکی کمپنی لاکہیڈ مارٹن بناندی اے۔ ایہ اک ٹیٹھ جہاز اے تے ہر ونڈ دی کٹ سہہ سکدا اے۔ پاکستانی ہوائی فوج نے اینوں 1965 دی لڑائی چ پلاں نوں تباہ کرن لئی ورتیا۔

ایہ بھیڑے جۓ ہوائی اڈے تے اتر چڑھ سکدا اے۔ سی-130 پہلے فوجیاں، پھٹڑاں تے سمان نوں لجان والا جہاز سی پر ایہدے نیارے ڈیزائن باہجوں ایہدے تے گناں لگ سکدیاں نیں، چھاتہ فوج نوں لڑائی وچ سٹن لئی ورتیا جاسکدا اے، کھوج تے بچاؤ وچ کم لیا جاندا اے تے سائینسی کماں وچ, موسم بارے جانکاری، ہوا توں پٹرول بھرائی، سمندری کنڈیاں دی چوکیداری تے اگ بجھان لئی ایہنوں ورتیا جاندا اے۔ ایہدے 40 توں ودھ ماڈل 60 وکھرے دیساں وچ ورتے جارۓ نیں۔ 2009 تک ایہ 2300 تک بناۓ جا چکے سن۔ ایہ 50 سالاں توں بنایا جاریا اے دنیا دا سب توں لمے چر تک بنایا جانوالے 5 جہازاں وچوں اے۔ سی-130جے سپر ہرکولیس ایس دا سب توں نواں ویس اے۔

تریخ[لکھو]

1951 وچ برلن ناکہ بندی تے کوریا دی لڑائی وچ امریکی فوج نوں اک نویں سمان چکنوالے جہاز دی لوڑ پئی۔ دوجی وڈی لڑائی والے جہاز نویں ویلے دییاں لڑائیاں لئی ٹھیک نہیں سن۔ فروری 1951 نوں امریکی فوج نے امریکی ہوائی حہاز بنانوالی کمپنیاں نوں اک ایسے ہوائی جہاز بنان بارے آکھیا جیدے وچ ساڈے گیارہ ٹن، 92 پاندھی یا 64 فوجی آسکن تے جیدے وچ پٹرول ہوا وچ ای بھریا جاسکے تے اگر اک انجن بند وی ہوجاوے تے جہاز چلے۔ ایہ اینجدا ہووے جیہڑا کسے بھیڑے ہوائی اڈے تے وی اتر سکے۔ ایہدے وچ سمان رکھن والی تھاں 41 فٹ (12 میٹر) لماں, 9 فٹ(2.7 میٹر) اچا, تے 10 فٹ (3.0 میٹر) چوڑا ہووے۔ ایہ عام سمان چکن والے جہازاں توں ہٹ کے مڈھ توں ای فوجی کماں لئی سوچیا گیا تے ایہدے وج سمان پچھوں چڑھان دی راہ سوچی گئی۔ کج گلاں اک جرمن سمان چکنوالے جہاز جنکرز جو 252 توں لیاں گیاں سن۔

ایھدی اچیچی گل یہدے وچ الیسن ٹی56 پکھے والا انجن سی جیہڑا c-130 لئی ای بنایا گیا سی۔

جولائی 1951 نوں لاکہیڈ دے ولیم ہاکنز تے آرٹ فلوک دا بنایا ہویا "ماڈل 82" ڈیزائن پسند کیتا گیا تے دو ادھارنے جہاز بنان دا امریکی فوج نے کمپنی نوں کہ دتا۔ 23 اگست 1954 نوں ایہنوں پہلی واری بربینک، کیلیفورنیا توں اڈایا گیا۔ ایہناں دا کم تے اڈاری بہت ودھیا سی تے ایہدا بنن دا کمپنی نوں کہ دتا گیا تے پہلا جہاز دسمبر 1956 نوں امریکی فوج نوں دتا گیا۔ اودوں توں ایہدیاں 40 ونڈاں بن چکیاں نیں تے دنیا دے 70 دیس ایہنوں ورتدے نیں۔

بنائی[لکھو]

اسٹریلی ہوائی فوج وچ

پہلے دو ادھارن بنن تے اوہناں دے ٹھیک چلن تے ماریٹا، جارجیا وچ ایہناں دی بنوائی ٹر پئی تے اوتھے 2300 جہاز 2009 تک بنے۔ پہلا ادھارن C-130A وچ Allison T56 دا انجن لگایا گیا سی۔ پروپلر وچ 3 پر سن. دسمبر 1956 وچ بنانوالی کمپنی فوج نوں دین لگ گئی۔

جہاز بارے[لکھو]

C-130H Line Drawing.svg
  • کریو 5 (2 پائلٹ, کھوجی, اڈاری انجینیر تے جوکھی)
  • کارگو لمبائی, 40 فٹ (12.31 میٹر); جوڑائی, 119 انچ(3.12 میٹر); اچائی, 9 فٹ (2.74 میٹر).
  • پاندھی 92 یا
  • 64 چھاتہ فوجی یا
  • 74 ماندے 5 کریو نال یا
  • 6 وڈے کریٹ یا
  • 2-3 ہموی یا
  • 2 بکتربند گڈیاں
  • جوکھ 45,000 پاؤنڈ (20,400 کلو)
  • لمبائی 97 فٹ 9 انچ (29.8 میٹر)
  • پر پسار 132 فٹ 7 انچ (40.4 میٹر)
  • اچائی 38 ft 3 in (11.6 m)
  • پر تھاں 1,745 ft² (162.1 m²)
  • خالی جوکھ 75,800 پاؤنڈ (34,400 کلو)
  • چکیا جوکھ 72,000 پاؤنڈ (33,000 کلو)
  • کل اڈنویلے دا جوکھ 155,000 پاؤنڈ (70,300 کلو)
  • طاقت 4 × Allison T56-A-15 turboprops, 4,590 shp (3,430 kW) each
  • پروپیلر 4
    • پروپیلر گھیر 13.5 فٹ (4.1 میٹر)

کم[لکھو]

اگبجھاندیاں ہویاں
  • تیز دوڑ 320 ناٹ(366 میل/کینٹہ, 592 کلومیٹر/کینٹہ) تے 20,000 فٹ (6,060 میٹر)
  • اڈاری دوڑ 292 ناٹ (336 میل/کینٹہ, 540 کلومیٹر/کینٹہ)
  • اڈاری پسار 2,050 ناٹ میل (2,360 میل, 3,800 کلومیٹر)
  • اڈاری اچائی 33,000 فٹ (10,060 میٹر) خالی;[68] 23,000 فٹ (7,077 میٹر) 42,000 پاؤنڈ (19,090 کلو) جوکھ نال
  • چڑھائي ویلہ 1,830 فٹ/منٹ(9.3 میٹر/سکنٹ)
  • اڈاری پینڈا 3,586 فٹ (1,093 میٹر) 155,000 پاؤنڈ (70,300 کلو) دے پورے جوکھ نال;[67] 1,400 فٹ (427 م) 80,000 پاؤنڈ (36,300 کلو) دے جوکھ نال

ورتن دیس[لکھو]

بارلے جوڑ[لکھو]